Usmon Azim va Xurshid Davron Qo’qonda

Ashampoo_Snap_2017.04.11_15h40m24s_001_.png    5 апрел куни Муқимий номидаги Қўқон давлат педагогика институтида Ўзбекистон халқ шоирлари Усмон Азим, Хуршид Даврон ва адабиётшунос олим Олимжон Давлатов билан ижодий учрашув бўлиб ўтди. Учрашувда атоқли шоирлар ўз шеърларини ўқидилар, адабиёт ва шоир тақдири билан боғлиқ фикрларини баён этиб, талабаларни қизиқтирган саволларга жавоб бердилар. Шунингдек икки шоир шеърларига басталанган қўшиқлар ижро этилди,  драмаларидан саҳналар намойиш этилди. Учрашув сўнгида ҳар икки шоирга ўзбек тили ва адабиёти факультети Фахрий профессори дипломи топширилди.Учрашувнинг тўлиқ видеоси яқин кунларда тақдим этилади (Фоторепортажда Эркин Рўзиматов ижро этган «Қўқон ушшоғи»дан мусиқий безак сифатида фойдаланилган).

P.S. Учрашувни ташкил этган Қўқон давлат педагогика институти ўзбек тили ва адабиёти факультетининг фидойи домлаларига, муҳтарама Зебохону Барнохонларга, институт ректоратига «Хуршид Даврон кутубхонаси» номидан самимий миннатдорчилик билдирамиз.

  5 aprel  kuni Muqimiy nomidagi Qo’qon davlat pedagogika institutida O’zbekiston xalq shoirlari Usmon Azim, Xurshid Davron va adabiyotshunos olim Olimjon Davlatov bilan ijodiy uchrashuv bo’lib o’tdi. Uchrashuvda atoqli shoirlar o‘z she’rlarini o‘qidilar, adabiyot va shoir taqdiri bilan bog‘liq fikrlarini bayon etib, talabalarni qiziqtirgan savollarga javob berdilar. Shuningdek ikki shoir she’rlariga bastalangan qo‘shiqlar ijro etildi va  dramalaridan sahnalar namoyish etildi. Uchrashuv so‘ngida har ikki shoirga o‘zbek tili va adabiyoti fakulteti Faxriy professori diplomi topshirildi.
Uchrashuvning to‘liq videosi yaqin kunlarda taqdim etiladi (Fotoreportajda Erkin Ro‘zimatov ijro etgan “Qo‘qon ushshog‘i”dan musiqiy bezak sifatida foydalanilgan).

P.S. Uchrashuvni tashkil etgan Qo‘qon davlat pedagogika instituti o‘zbek tili va adabiyoti fakultetining fidoyi domlalariga, muhtarama Zeboxonu Barnoxonlarga, institut rektoratiga “Xurshid Davron kutubxonasi” nomidan samimiy minnatdorchilik bildiramiz.

Ota. Xurshid Davron she’ri (Qo’qon uchrashuvida)

OTAM XOTIRASIGA

Derazamning ostida tongda
Sayragan qush sizmasmi, ota?

Yo to‘nimga ko‘klam, mozorda
Yopishgan gul sizmasmi, ota?

O‘n yildir-ki dunyoda yo‘qsiz,
Yuragimda alamli cho‘g‘siz.

Ko‘rmagansiz mening o‘g‘limni,
Erkatoyim, sho‘xim, to‘qlimni.

Men ham yoshim oshgani sayin
Boshimga oq tushgani sayin

Ba’zan qo‘msab sizni ich-ichdan,
Yurak titrab sog‘inch,ilinjdan,

Otam deya, alqab o‘g‘limni,
Ko‘taraman o‘zim ko‘nglimni.

1982

ОТАМ ХОТИРАСИГА

Деразамнинг остида тонгда
Сайраган қуш сизмасми, ота?

Ё тўнимга кўклам, мозорда
Ёпишган гул сизмасми, ота?

Ўн йилдир-ки дунёда йўқсиз,
Юрагимда аламли чўғсиз.

Кўрмагансиз менинг ўғлимни,
Эркатойим, шўхим, тўқлимни.

Мен ҳам ёшим ошгани сайин
Бошимга оқ тушгани сайин

Баъзан қўмсаб сизни ич-ичдан,
Юрак титраб соғинч,илинждан,

Отам дея, алқаб ўғлимни,
Кўтараман ўзим кўнглимни.

1982

0067

(Tashriflar: umumiy 162, bugungi 1)

Izoh qoldiring