Alisher Navoiyning 575 yilligiga bag’ishlangan al`bom-katalog Moskvada nashr etildi

007    Москвада Алишер Усмоновнинг «Санъат,фан ва спорт» жамғармаси ҳомийлигида «Иностранка» нашриёти томонидан буюк ўзбек шоири, мутаффакири ва давлат арбоби Алишер Навоий таваллудининг 575-йиллигига бағишланган ва «Алишер Навоийнинг Москва жамғармаларидаги қўлёзма ва литографик нашрлари» деб номланган альбом-каталог нашр этилди (Саҳифамизда альбом-каталог билан танишишингиз мумкин)

0045Мазкур ноёб нашрда Россия, асосан Москва шаҳридаги давлат архив жамғармалари ва коллекцияларида сақланаётган XVII–XIX асрларга оид Алишер Навоий асарлари рўйхати, улар ҳақида маълумотлар тўпланган. Шунингдек, Иккинчи жаҳон урушининг энг оғир кунларида, Ленинград қамали пайтида Алишер Навоийнинг 500 йиллиги нишонланиши муносабати билан бор-йўғи 50 нусхада нашр этилган ва атоқли шарқшунос Николай Лебедев томонидан рус тилига таржима қилинган шоир асарларидан намуналардан иборат тўплам ҳам алббомдан ўрин олган.

Альбом–каталогда Алишер Навоий асарлари нашрлари учун ишланган ва буюк Шарқ шоири сиймоси акс эттирилган ноёб литографик суратлар, каталогда қайд этилган асарлар, хусусан, ғазаллар ўзбек ва рус тилларида тақдим этилган.

Альбом тақдимномаси шу йилнинг 13 май куни М.И. Рудомино номидаги Чет адабиёти кутубхонасида бўлиб ўтди.

Мазкур нашр улуғ ватандошимизнинг 575 йиллиги нишонланаётган кунларда ўзига хос тўёна бўлиши шак–шубҳасиздир (Матн интернет маълумотлари асосида «Хуршид Даврон кутубхонаси» веб–саҳифаси томонидан тайёрланди).

043

Moskvada Alisher Usmonovning «San’at,fan va sport» jamg’armasi homiyligida «Inostranka» nashriyoti tomonidan buyuk o’zbek shoiri, mutaffakiri va davlat arbobi Alisher Navoiy tavalludining 575-yilligiga bag’ishlangan va «Alisher Navoiyning Moskva jamg’armalaridagi qo’lyozma va litografik nashrlari» deb nomlangan al`bom-katalog nashr etildi (Sahifamizda al`bom-katalog bilan tanishishingiz mumkin)

Mazkur noyob nashrda Rossiya davlat arxiv jamg’armalari va kollektsiyalarida saqlanayotgan XVII–XIX asrlarga oid Alisher Navoiy asarlari ro’yxati, ular haqida ma’lumotlar to’plangan. Shuningdek, Ikkinchi jahon urushining eng og’ir kunlarida, Leningrad qamali paytida Alisher Navoiyning 500 yilligi nishonlanishi munosabati bilan bor-yo’g’i 50 nusxada nashr etilgan va atoqli sharqshunos Nikolay Lebedev tomonidan rus tiliga tarjima qilingan shoir asarlaridan namunalardan iborat to’plam ham albbomdan o’rin olgan.
Al`bom–katalogda Alisher Navoiy asarlari nashrlari uchun ishlangan va buyuk Sharq shoiri siymosi aks ettirilgan noyob litografik suratlar, katalogda qayd etilgan asarlar, xususan, g’azallar o’zbek va rus tillarida taqdim etilgan.Mazkur nashr ulug’ vatandoshimizning 575 yilligi nishonlanayotgan kunlarda o’ziga xos to’yona bo’lishi shak–shubhasizdir (Matn internet ma’lumotlari asosida «Xurshid Davron kutubxonasi» veb–sahifasi tomonidan tayyorlandi).

Юбилейный альбом к 575-летию Алишера Навои

021

(Tashriflar: umumiy 99, bugungi 1)

Izoh qoldiring