Yelena Shuvayeva-Petrosyan. She’rlar

005   Рус шоираси Елена Шуваева-Петросян ўз ижодкорлик қисматини иккинчи ватани бўлмиш Арманистон билан боғлаган. Шоира шеърларини Гулноз Мўминова таржимасида тақдим этамиз.

Елена ШУВАЕВА-ПЕТРОСЯН
ШЕЪРЛАР
006

16Рус шоираси Елена Шуваева-Петросян 1978 йил 17апрелда Волгоград вилоятининг Большой Морец қишлоғида туғилган. 2001 йилдан бери Ереванда яшайди. Елена Шуваева-Петросян шеърлар ва насрий асарлардан иборат тўрт китоб муаллифи, Халқаро адабий танловлар иштирокчиси. Шеърий туркумлари, ҳикоя ва мақолалари “Отчий край”, “Юность”, “День и ночь”, “Пролог”, “Наша улица”, «Литературная Армения», «Меценат и Мир», «Венский литератор» ва «Литературная газета” каби нашрларда чоп этилган. Асарлари инглиз, немис, болгар, румин, қирғиз тилларига таржима қилинган. Шоира альпинизм билан фаол шуғулланади. Айни пайтда “Гора” журнали бош муҳаррири.

006

ОЙ ТОШЛАРИ

Ой тошлари
Маржонингда ётишар ухлаб.
Вақтни ортга қайтариб бўлмас.

Лаҳзалар бор эди,
Маржонингда ухлар улар ҳам…
Фақат ишонч

Тирилтирар уларни
Ва тўлдирар
Барҳаёт Ой нафаси билан.

ҚУШ ЭМАСМАН, МЕН — БИР ТИРИК ХОЧ

Cеван сувлари
Қондиражак юлдузлар ва
Маъбудларнинг ташналигини,
Кўзларимдан сув ичгандан сўнг
Яшилланди ранглари бир оз.
Сен мени қучдинг,
Ўша онда ўлгим келди негадир:
Ишонаман, бахтли бўлажак
Жон берганлар севги онида.
“Иккимиз ҳозирча барҳаётмиз”,-
Қулоғимга шивирладинг
Ва тўлқинлар жўр бўлди сенга.
Қўлларимни ёйдим қувончдан –
Қуш эмасман, мен – бир тирик хоч…

***

Юрагим қабристони
Етганида улкан ўлчамга,
Мен тикладим крематорий.
Лек ҳаммамиз суянгувчи Зот
Кулдан яна Эркак яратди,
Кейин мени – қовурғасидан.

ТУНГИ СУҲБАТ

Ой тўлганда
Кўксингдаги қора қуёш билан
Келасан.
Нимагадир титрар лабларинг…
Мен эса…
Хонамнинг бурчакларида
То ҳануз қўрққанча қоронғуликдан,
Тунги тоғлар маҳобатидан
Озодлик излайман.

“Арманча муҳаббат” туркумидан

***

финжондаги қаҳвада-
Армани кўзлар…
Киприклари
Умримдан узун…

***

Бунда тошлар
Одамлардан кўра майинроқ.
Бунда Қуёш
Қайноқ эмас қалблардан кўра.

***

ғор ичинда
кўз ёш ичаяпман тош ҳовучидан…
кўз ёшки,
уни туз ва қайғудан
тозалаган Тангрининг ўзи.

ОҚ БЎРИ

Тўдангиздан
Оқ бўрини қувиб юборманг,
Майли, ранги оқ бўла қолсин.
Ахир, оқлик шунчаки зоҳир,
Унда ҳам бор бўри юраги.

БАҲОРГИ ҚОР

Ўлди гул-чечаклар,
Жон берди капалаклар.
Мен эса тирикман.

НИКОҲ ТАКЛИФИГА ЖАВОБАН

Сен бир кеча тоғда тунаб қол…
Шунда англаб етарсан, нега
Сенга хотин бўлолмаслигим…

033 Rus shoirasi Yelena Shuvayeva-Petrosyan oʻz ijodkorlik qismatini ikkinchi vatani boʻlmish Armaniston bilan bogʻlagan. Shoira sheʼrlarini Gulnoz Moʻminova tarjimasida taqdim etamiz.

Yelena SHUVAYEVA-PЕTROSYAN
SHEʼRLAR
006

Rus shoirasi Yelena Shuvayeva-Petrosyan 1978 yil 17aprelda Volgograd viloyatining Bolshoy Mores qishlogʻida tugʻilgan. 2001 yildan beri Yerevanda yashaydi. Yelena Shuvayeva-Petrosyan sheʼrlar va nasriy asarlardan iborat toʻrt kitob muallifi, Xalqaro adabiy tanlovlar ishtirokchisi. Sheʼriy turkumlari, hikoya va maqolalari “Otchiy kray”, “Yunost”, “Den i noch”, “Prolog”, “Nasha ulitsa”, “Literaturnaya Armeniya”, “Metsenat i Mir”, “Venskiy literator” va «Literaturnaya gazeta” kabi nashrlarda chop etilgan. Asarlari ingliz, nemis, bolgar, rumin, qirgʻiz tillariga tarjima qilingan. Shoira alpinizm bilan faol shugʻullanadi. Ayni paytda “Gora” jurnali bosh muharriri.

006

OY TOSHLARI

Oy toshlari092
Marjoningda yotishar uxlab.
Vaqtni ortga qaytarib boʻlmas.

Lahzalar bor edi,
Marjoningda uxlar ular ham…
Faqat ishonch

Tiriltirar ularni
Va toʻldirar
Barhayot Oy nafasi bilan.

QUSH EMASMAN, MЕN — BIR TIRIK XOCH

Cevan suvlari
Qondirajak yulduzlar va
Maʼbudlarning tashnaligini,
Koʻzlarimdan suv ichgandan soʻng
Yashillandi ranglari bir oz.
Sen meni quchding,
Oʻsha onda oʻlgim keldi negadir:
Ishonaman, baxtli boʻlajak
Jon berganlar sevgi onida.
“Ikkimiz hozircha barhayotmiz”,-
Qulogʻimga shivirlading
Va toʻlqinlar joʻr boʻldi senga.
Qoʻllarimni yoydim quvonchdan –
Qush emasman, men – bir tirik xoch…

***

Yuragim qabristoni
Yetganida ulkan oʻlchamga,
Men tikladim krematoriy.
Lek hammamiz suyanguvchi Zot
Kuldan yana Erkak yaratdi,
Keyin meni – qovurgʻasidan.

TUNGI SUHBAT

Oy toʻlganda
Koʻksingdagi qora quyosh bilan
Kelasan.
Nimagadir titrar lablaring…
Men esa…
Xonamning burchaklarida
To hanuz qoʻrqqancha qorongʻulikdan,
Tungi togʻlar mahobatidan
Ozodlik izlayman.

“Armancha muhabbat” turkumidan

***

finjondagi qahvada-
Armani koʻzlar…
Kipriklari
Umrimdan uzun…

***

Bunda toshlar
Odamlardan koʻra mayinroq.
Bunda Quyosh
Qaynoq emas qalblardan koʻra.

***

gʻor ichinda
koʻz yosh ichayapman tosh hovuchidan…
koʻz yoshki,
uni tuz va qaygʻudan
tozalagan Tangrining oʻzi.

OQ BOʻRI

Toʻdangizdan
Oq boʻrini quvib yubormang,
Mayli, rangi oq boʻla qolsin.
Axir, oqlik shunchaki zohir,
Unda ham bor boʻri yuragi.

BAHORGI QOR

Oʻldi gul-chechaklar,
Jon berdi kapalaklar.
Men esa tirikman.

NIKOH TAKLIFIGA JAVOBAN

Sen bir kecha togʻda tunab qol…
Shunda anglab yetarsan, nega
Senga xotin boʻlolmasligim…

002

(Tashriflar: umumiy 180, bugungi 1)

Izoh qoldiring