Xalq ta’limi vaziri: lotin yozuvi hozirgi vaqtda mamlakatimizda aniq ustunliklarga ega deb o‘ylayman.

UrQ1TqwN0g28_O5PgjitJhAQICIQg6cZ.jpg23 август куни Тошкентдаги (Куни-кеча жонли узатилиши тақиқланган) Халқаро пресс-клубда   ўтказилган матбуот анжуманида Халқ таълими вазири Улуғбек Иноятов алифбо масаласида фикр билдиргани тўғрисида маҳаллий нашрлар хабар қилди.

«Ўйлайманки, кирилл ёзувига қайтиш кичик қатламдаги аҳолининг фикридир. Мен вазир сифатида ўз позициямни билдираман. Кирилл ва лотин ёзувларининг ўзига хос афзалликлари ва камчиликлари бор. Лекин лотин ёзуви ҳозирги вақтда мамлакатимизда аниқ устунликларга эга деб ўйлайман. Фарзандларимиз инглиз тилини ўрганишмоқда, бу эса лотин ёзувидир. Лотин ёзувида бўлишимиз ўзбек тилини ўрганаётган чет элликларга ҳам анча осон бўлади», — деган вазир.

Иноятовнинг сўзларига кўра, Ўзбекистоннинг дунё ҳамжамияти билан интеграция нуқтаи назаридан қараганда ҳам лотин ёзувига ўтиш бу тўғри қабул қилинган қарор ҳисобланади.

«Бу жараён давом этади. Мен ўйлайманки, ўтган давр мобайнида биз кўпчилик фарзадларимизни лотин ёзувига ўргатиб бўлдик. Ёши катталар ҳам бу ёзувга анча кўникди. Бу ерда ҳеч қандай муаммо йўқ деб ўйлайман. Биз лотин ёзувида қолишимиз керак. Бугун ўқув йили бошланишидан олдин хавотирланмаслиги учун буни халқимизга ва фарзандларимизга ишонч билан айтишимиз керак бўлади», — деб алоҳида таъкидлади вазир.

Лотин ёзувида адабиётларнинг етишмаслик масаласи ҳам четда қолмади. Айрим экспертларнинг фикрига кўра, бугунги кунда республикада барча адабиётларнинг 70 фоизи кирилл ёзувида чоп этилмоқда.

«Биз босқичма-босқич кутубхона жамғармаларини лотин ёзувидаги китоблар билан тўлдириб бормоқдамиз. Ўтган йили 27 номдаги адабиётлар чоп этилган, бу йил 28 та чоп этилади. Келгуси йилларда бу жараён давом этади. Шунинг учун масала аста-секин ҳал бўлади. Бу ерда муаммо йўқ. Мактаблар лотин ёзувидаги адабиётлар ва қўшимча китоблар билан тўлиқ таъминланган», — деди Улуғбек Иноятов.

Inspiration23 avgust kuni Toshkentdagi (Kuni-kecha jonli uzatilishi taqiqlangan) Xalqaro press-klubda  o‘tkazilgan matbuot anjumanida Xalq ta’limi vaziri Ulug‘bek Inoyatov alifbo masalasida fikr bildirgani to‘g‘risida mahalliy nashrlar xabar qildi.

10x15--.jpg“O‘ylaymanki, kirill yozuviga qaytish kichik qatlamdagi aholining fikridir. Men vazir sifatida o‘z pozitsiyamni bildiraman. Kirill va lotin yozuvlarining o‘ziga xos afzalliklari va kamchiliklari bor. Lekin lotin yozuvi hozirgi vaqtda mamlakatimizda aniq ustunliklarga ega deb o‘ylayman. Farzandlarimiz ingliz tilini o‘rganishmoqda, bu esa lotin yozuvidir. Lotin yozuvida bo‘lishimiz o‘zbek tilini o‘rganayotgan chet elliklarga ham ancha oson bo‘ladi”, — degan vazir.

Inoyatovning so‘zlariga ko‘ra, O‘zbekistonning dunyo hamjamiyati bilan integratsiya nuqtai nazaridan qaraganda ham lotin yozuviga o‘tish bu to‘g‘ri qabul qilingan qaror hisoblanadi.

“Bu jarayon davom etadi. Men o‘ylaymanki, o‘tgan davr mobaynida biz ko‘pchilik farzadlarimizni lotin yozuviga o‘rgatib bo‘ldik. Yoshi kattalar ham bu yozuvga ancha ko‘nikdi. Bu yerda hech qanday muammo yo‘q deb o‘ylayman. Biz lotin yozuvida qolishimiz kerak. Bugun o‘quv yili boshlanishidan oldin xavotirlanmasligi uchun buni xalqimizga va farzandlarimizga ishonch bilan aytishimiz kerak bo‘ladi”, — deb alohida ta’kidladi vazir.

Lotin yozuvida adabiyotlarning yetishmaslik masalasi ham chetda qolmadi. Ayrim ekspertlarning fikriga ko‘ra, bugungi kunda respublikada barcha adabiyotlarning 70 foizi kirill yozuvida chop etilmoqda.

“Biz bosqichma-bosqich kutubxona jamg‘armalarini lotin yozuvidagi kitoblar bilan to‘ldirib bormoqdamiz. O‘tgan yili 27 nomdagi adabiyotlar chop etilgan, bu yil 28 ta chop etiladi. Kelgusi yillarda bu jarayon davom etadi. Shuning uchun masala asta-sekin hal bo‘ladi. Bu yerda muammo yo‘q. Maktablar lotin yozuvidagi adabiyotlar va qo‘shimcha kitoblar bilan to‘liq ta’minlangan”, — dedi Ulug‘bek Inoyatov

09

(Tashriflar: umumiy 72, bugungi 1)

1 izoh

Izoh qoldiring