Gulasal Abdullayeva. Galdir. O’zbek xalq qo’shig’i

055    Санъат оламига кирганимдан афсусланмайман. Қанча машаққат бўлмасин, енгиб ўтаман. Саҳнага чиққанимда қўшиғимни тинглаб, менга жўр бўлаётганларни кўрсам, дилимдаги барча ғуборлар тарқалиб кетади. (Ёш хонанда Гуласал Абдуллаева билан суҳбатдан)

033

ГАЛДИР
Ўзбек халқ қўшиғи
033

Беқасам тўнлар кийиб, бунча мани куйдирасан,
Ҳар замонда бир қараб, вой, беажал ўлдирасан?
Тоғда юрган ул кийикка мен нечун занжир солай,
Сен бировнинг ёри бўлсанг, мен нечун кўнгил қўяй?

Оқ илон, оппоқ илон, ойдинда ётгонинг қани,
Мен ёмондин айрилиб, яхшини топгонинг қани?
Гулсапсарга қаранг, сувга қараб қайрилади,
Бевафо ёрни кўриб, ўлмай туриб айрилади.

Ёрим кетаман дейди, кеткизгани қўймайман,
Йўлларига чим босиб, ўткизгани қўймайман.
Кетсанг кетавер, ёрим, кетсанг нима парвойим,
Бу жоним омон бўлса, яна битта суйгоним.

Самарқанднинг сойига тушди тилло узугим,
Қачон келар эканлар, э, ул кўзлари сузугим.
Кетсанг кетавер, ёрим, кетсанг нима парвойим,
Бу жоним омон бўлса, яна битта суйгоним.

Бевафо ёрни кўриб, ўлмай туриб айрилади…

045

GALDIR
O’zbek xalq qo’shig’i
033

Beqasam to’nlar kiyib, buncha mani kuydirasan,
Har zamonda bir qarab, voy, beajal o’ldirasan?
Tog’da yurgan ul kiyikka men nechun zanjir solay,
Sen birovning yori bo’lsang, men nechun ko’ngil qo’yay?

Oq ilon, oppoq ilon, oydinda yotgoning qani,
Men yomondin ayrilib, yaxshini topgoning qani?
Gulsapsarga qarang, suvga qarab qayriladi,
Bevafo yorni ko’rib, o’lmay turib ayriladi.

Yorim ketaman deydi, ketkizgani qo’ymayman,
Yo’llariga chim bosib, o’tkizgani qo’ymayman.
Ketsang ketaver, yorim, ketsang nima parvoyim,
Bu jonim omon bo’lsa, yana bitta suygonim.

Samarqandning soyiga tushdi tillo uzugim,
Qachon kelar ekanlar, e, ul ko’zlari suzugim.
Ketsang ketaver, yorim, ketsang nima parvoyim,
Bu jonim omon bo’lsa, yana bitta suygonim.

Bevafo yorni ko’rib, o’lmay turib ayriladi…

065

(Tashriflar: umumiy 1 873, bugungi 1)

1 izoh

Izoh qoldiring