Omon Muxtor xotirasiga bag’ishlov

07       Бу қўшиқни ёшлигимда эшитганман. Кейинчалик унинг шеърини Омон Мухтор ёзганини билдим. Яқинда (бор йўғи Омон ака вафотидан бир ҳафтача олдин) қўшиқни эшитгим келгани учун, қидириб тополмагач, дўстлар кўмаги билан унинг аудиосини топтирган эдим. Тақдир экан, бугун қўшиқни youtubeга жойлаб, уни Омон ака хотирасига бағишлашни истадим.

 

Самимий ва меҳрли одам эди

09

09Ўзбек шоири ва ёзувчиси Омон Мухтор 2013 йил 10 май куни Тошкентдаги “Mинор” қабристонига қўйилди.

Таниқли ўзбек ёзувчиси Эркин Аъзам, Омон Мухтор яхши шоир ва яхши ёзувчи дея хотирлайди:

— Омон ака¸ ҳақиқатан ҳам меҳрли одам эди. Ҳаммага «укажон», «укажон» деб гапирардилар. Болаларча бир самимияти бор эди. Омон ака билан икки-уч марта бирга ўтириб суҳбатлашган киши ҳеч қачон бу одам хиёнат қилмайди, ҳеч қачон бу одам бировга ёмонлик қилмайди¸ деган хулосага келиши аниқ эди, дейди ёзувчи.

Эркин Аъзамга кўра, Омон Мухтор ўзбек адабиётига салмоқли ҳисса қўшган ёзувчилардан бири сифатида эътироф этилади:

— Омон акани ўзбек адабиётида энг кўп роман ёзган одам дейишади. Омон акани романлари биз ўқиган бошқа романлардан эмас эди. У новатор адиб эди. Омон ака ижодини шеър билан бошлаган ва умрининг охиригача шеър ҳам ижод қилган. Мен унинг романларини узун бир шеър деб биламан. Ёзувчи ўз қаҳрамони кайфиятини изоҳлар экан, уни бемалол шеърда ҳам ифода қилиб кетаверарди. Омон ака руҳи ниҳоятда бардам бир одам эди, дейди Эркин Аъзамов.

Омон Мухтор ўндан ортиқ роман ёзган, қирққа яқин назмий ва насрий китоблар муаллифи.
Унинг «Тўрт томон қибла», «Навоий ва рассом Абулхайр» романлари, айниқса, ўқувчилар томонидан кўп ўқилган асарлар сирасига киради.

Омон Мухтор «Эгилган бош» романи учун 1990 йилда Ўзбекистон Ёзувчилар уюшмасининг йиллик адабий мукофотига сазовор бўлган. 1991 йилда эса «Ўзбекистонда хизмат кўрсатган санъат арбоби» фахрий унвони берилган.

 

Samimiy va mehrli odam edi

09

09O’zbek shoiri va yozuvchisi Omon Muxtor 2013 yil 10 may kuni Toshkentdagi “Minor” qabristoniga qo’yildi.

Taniqli o’zbek yozuvchisi Erkin A’zam, Omon Muxtor yaxshi shoir va yaxshi yozuvchi deya xotirlaydi:

— Omon aka? haqiqatan ham mehrli odam edi. Hammaga «ukajon», «ukajon» deb gapirardilar. Bolalarcha bir samimiyati bor edi. Omon aka bilan ikki-uch marta birga o’tirib suhbatlashgan kishi hech qachon bu odam xiyonat qilmaydi, hech qachon bu odam birovga yomonlik qilmaydi? degan xulosaga kelishi aniq edi, deydi yozuvchi.

Erkin A’zamga ko’ra, Omon Muxtor o’zbek adabiyotiga salmoqli hissa qo’shgan yozuvchilardan biri sifatida e’tirof etiladi:

— Omon akani o’zbek adabiyotida eng ko’p roman yozgan odam deyishadi. Omon akani romanlari biz o’qigan boshqa romanlardan emas edi. U novator adib edi. Omon aka ijodini she’r bilan boshlagan va umrining oxirigacha she’r ham ijod qilgan. Men uning romanlarini uzun bir she’r deb bilaman. Yozuvchi o’z qahramoni kayfiyatini izohlar ekan, uni bemalol she’rda ham ifoda qilib ketaverardi. Omon aka ruhi nihoyatda bardam bir odam edi, deydi Erkin A’zamov.

Omon Muxtor o’ndan ortiq roman yozgan, qirqqa yaqin nazmiy va nasriy kitoblar muallifi.
Uning «To’rt tomon qibla», «Navoiy va rassom Abulxayr» romanlari, ayniqsa, o’quvchilar tomonidan ko’p o’qilgan asarlar sirasiga kiradi.

Omon Muxtor «Egilgan bosh» romani uchun 1990 yilda O’zbekiston Yozuvchilar uyushmasining yillik adabiy mukofotiga sazovor bo’lgan. 1991 yilda esa «O’zbekistonda xizmat ko’rsatgan san’at arbobi» faxriy unvoni berilgan.

XDK

(Tashriflar: umumiy 82, bugungi 1)

Izoh qoldiring