Rafiq Saydullo. Telegram. She’rlar turkumi

Ashampoo_Snap_2017.11.09_16h31m10s_003_.png  Рафиқ Сайдуллонинг янги шеърий туркумини саҳифага жойлаштирар эканман, ёш шоир дўстимнинг фейсбукдаги саҳифасида Настарин Ифорзоданинг мана бу ёзувини ўқиб қолдим:

«Бетакрор шеърлар муаллифи, ўз услубига эга ижодкор дўстимиз Рафиқ Сайдуллонинг «Шамоллар эркаси» ва «Кетиш» деб номланган икки ҳикоялари устоз Хуршид Даврон кутубхонасида эълон қилинибди (Ҳикоялар мана бу саҳифада). «Шамоллар эркаси» ҳикоясини ўқир экансиз, муҳаббатнинг нафис насимлари эсгандек бўлаверади. Унинг изоҳига мен ҳам «Жўнатилмаган мактуб» деб номланган шеъримни илова қилишга журъат эдим:

Жўнатилмаган мактуб…

Мен сизни узоқдан севаман энди
Тонгларни бағримга жойлаб, пинҳона.
Кўзлари ичилган умидларимни
Асраб кузларимда дард ошиқона.

Мен сизни узоқдан севаман энди
Жаннатий ифорлар маст этар куни
Сўрайман
ЎЗИнинг остонасида
Маҳшарга етади ҳижроннинг туни.

Сизни узоқлардан севмоқ ўзи бахт
Қуёшсиз, борини тўка олмаган
Моҳларнинг аксида кўраман Сизни
Изҳорларим Сизга ета олмаган.

Дуоларим асрасин сизни, азизим
Жоним минг бўлакда Сизга парвона.
Энг латиф бир сўзга айланар тилим:
Сизни сева қолсин дард ошикона…

Рафиқ Сайдулло
TELEGRAM
09

İki seçeneğin var; ya kal, ya gitme !
Özdemir Asaf

1Ashampoo_Snap_2017.11.09_16h19m47s_001_.png
(Осмонда ЗЕРИКИБ)

…Ўлдирарми мени бу истак?
О, розиман!
Ҳеч бўлмаса,
ўлгунимча истасин юрак!

2

Қўлларингда гитара,
қалби осмон қиз,
тутиб олгандайсан севгинг қўлини.

Унга чин дилимдан ҳавасим келар:
топмоқчисан, ахир,
унинг кўнглини.

3

Оқ гулим!
Ёмғирдан сўнгги Москва
қанчалар гўзал!

Малагим!
Шаҳар совуқдан жунжикмоқда,
бирам гўзал!

Москвага келганмисан?
Унинг энг инжа бир сири
сенсан, билсанг!

4
(Шимолда СЕНСИЗ)

Дераза ортида Самарқанд.
Дераза ортида Тошкент.
Дераза ортида Истанбул…

Фақат, деразалар меники эмас!

5

…Менга эса сен керак.

Ўзининг бор-буди билан
юрагимга сиғмаётир бу кўҳна дунё:
қаердасан!

6

Ўлаётган одам
бир соғайиб олганидек
жуда кўп ёзяпман
сўнгги пайтлари!

О, сенинг имловий хатоларинг:
кўзимга суртаман
нон ушоқ каби!

Ёзиб тур…

***

Мен бир сўз ахтариб
титкилай бошладим чўнтакларимни:
сўнгги сариқ чақам эди у
сенга атаган.

Потирлаб, ногаҳон
топиб олганимда ўша тангани
кетиб қолгандинг сен
ортга қарамай.

Тушиб кетди қўлимдан кейин
ўша сариқ чақа:
«Кетма…»

ҚИШ

Иссиқ, шинам уйнинг
деразасидан
қиш, албатта, гўзал ва
илиқ кўринар.

Иссиқ, шинам хонанинг
тор қучоғида
шоирона илҳомларга
берилса бўлар.

Қор…

СEВГИ ҚЎШИҒИ

Мени, қаерда бўлмай,
топиб олаверар бир дайди шоир.
Томоғимга аччиқ тиқилар
унинг франсузча қўшиғи…

Шунда бировларни ҳайрон қолдириб
бир нидо отилиб чиқар ичимдан:
«Франсуз тилини билмайман, уқдингми!»

ШАИРГА

Билмадим, атайми ёки ўйламай
ёзиб қўйганларинг одамни йиқар.
«Шаир» деган сўзда хато бўлса, айт,
балки, сендан яхши тилшунос чиқар?

Шеърият касб эмас, кўнгил мулкидир;
бадният кимса деб ўйлама, фақат.
Биродар, сенга бир дўстона гапим:
қилиб юрганинг на касб на шеърият.

***

Кузнинг ҳижронбахш бир кунида
ёмғир сени хиргойи қилар.
(Яна, қайдам, севгим, айни дам
зор юрагим бир сени билар.)

Шаффофдил томчилар ерпарчин;
ўртанарман ишқ ўтида зор.
Юрак шошар ўз қафасида:
«Юрак, йўлнинг охирига бор!»

Орзу этаман: шу сония
ўтиб қолсайдинг сен қошимдан.
Майли, мени танимасанг ҳам,
қиё боқмасанг ҳам розиман…

Қисқа Куй
Фабризио Патерлинига

Бармоғингдан тўкилар
куз томчилари,
шўр ёмғирлар
кўлобига гадо этасан.
Қувончдан пирпирамоқ бўлиб
юмилган кўз
очилгунча бир фаслни
адо этасан…

22220000_175972342980596_2031704985450318839_o.jpgRafiq Saydulloning yangi she’riy turkumini sahifaga joylashtirar ekanman, yosh shoir do‘stimning feysbukdagi sahifasida Nastarin Iforzodaning mana bu yozuvini o‘qib qoldim:

“Betakror she’rlar muallifi, o‘z uslubiga ega ijodkor do‘stimiz Rafiq Saydulloning ”Shamollar erkasi“ va ”Ketish» deb nomlangan ikki hikoyalari ustoz Xurshid Davron kutubxonasida e’lon qilinibdi (Hikoyalar mana bu sahifada). “Shamollar erkasi” hikoyasini o‘qir ekansiz, muhabbatning nafis nasimlari esgandek bo‘laveradi. Uning izohiga men ham “Jo‘natilmagan maktub” deb nomlangan she’rimni ilova qilishga jur’at edim:

Jo‘natilmagan maktub…

Men sizni uzoqdan sevaman endi
Tonglarni bag‘rimga joylab, pinhona.
Ko‘zlari ichilgan umidlarimni
Asrab kuzlarimda dard oshiqona.

Men sizni uzoqdan sevaman endi
Jannatiy iforlar mast etar kuni
So‘rayman
O‘ZIning ostonasida
Mahsharga yetadi hijronning tuni.

Sizni uzoqlardan sevmoq o‘zi baxt
Quyoshsiz, borini to‘ka olmagan
Mohlarning aksida ko‘raman Sizni
Izhorlarim Sizga yeta olmagan.

Duolarim asrasin sizni, azizim
Jonim ming bo‘lakda Sizga parvona.
Eng latif bir so‘zga aylanar tilim:
Sizni seva qolsin dard oshikona…

Rafiq Saydullo
TELEGRAM
09

İki seçeneğin var; ya kal, ya gitme !
Özdemir Asaf

1Ashampoo_Snap_2017.11.09_16h20m27s_002_.png
(Osmonda ZЕRIKIB)

…O‘ldirarmi meni bu istak?
O, roziman!
Hech bo‘lmasa,
o‘lgunimcha istasin yurak!

2

Qo‘llaringda gitara,
qalbi osmon qiz,
tutib olgandaysan sevging qo‘lini.

Unga chin dilimdan havasim kelar:
topmoqchisan, axir,
uning ko‘nglini.

3

Oq gulim!
Yomg‘irdan so‘nggi Moskva
qanchalar go‘zal!

Malagim!
Shahar sovuqdan junjikmoqda,
biram go‘zal!

Moskvaga kelganmisan?
Uning eng inja bir siri
sensan, bilsang!

4
(Shimolda SЕNSIZ)

Deraza ortida Samarqand.
Deraza ortida Toshkent.
Deraza ortida Istanbul…

Faqat, derazalar meniki emas!

5

…Menga esa sen kerak.

O‘zining bor-budi bilan
yuragimga sig‘mayotir bu ko‘hna dunyo:
qayerdasan!

6

O‘layotgan odam
bir sog‘ayib olganidek
juda ko‘p yozyapman
so‘nggi paytlari!

O, sening imloviy xatolaring:
ko‘zimga surtaman
non ushoq kabi!

Yozib tur…

***

Men bir so‘z axtarib
titkilay boshladim cho‘ntaklarimni:
so‘nggi sariq chaqam edi u
senga atagan.

Potirlab, nogahon
topib olganimda o‘sha tangani
ketib qolganding sen
ortga qaramay.

Tushib ketdi qo‘limdan keyin
o‘sha sariq chaqa:
«Ketma…»

QISH

Issiq, shinam uyning
derazasidan
qish, albatta, go‘zal va
iliq ko‘rinar.

Issiq, shinam xonaning
tor quchog‘ida
shoirona ilhomlarga
berilsa bo‘lar.

Qor…

SEVGI QO‘SHIG‘I

Meni, qayerda bo‘lmay,
topib olaverar bir daydi shoir.
Tomog‘imga achchiq tiqilar
uning fransuzcha qo‘shig‘i…

Shunda birovlarni hayron qoldirib
bir nido otilib chiqar ichimdan:
“Fransuz tilini bilmayman, uqdingmi!”

SHAIRGA

Bilmadim, ataymi yoki o‘ylamay
yozib qo‘yganlaring odamni yiqar.
«Shair» degan so‘zda xato bo‘lsa, ayt,
balki, sendan yaxshi tilshunos chiqar?

She’riyat kasb emas, ko‘ngil mulkidir;
badniyat kimsa deb o‘ylama, faqat.
Birodar, senga bir do‘stona gapim:
qilib yurganing na kasb na she’riyat.

***

Kuzning hijronbaxsh bir kunida
yomg‘ir seni xirgoyi qilar.
(Yana, qaydam, sevgim, ayni dam
zor yuragim bir seni bilar.)

Shaffofdil tomchilar yerparchin;
o‘rtanarman ishq o‘tida zor.
Yurak shoshar o‘z qafasida:
«Yurak, yo‘lning oxiriga bor!»

Orzu etaman: shu soniya
o‘tib qolsayding sen qoshimdan.
Mayli, meni tanimasang ham,
qiyo boqmasang ham roziman…

Qisqa Kuy
Fabrizio Paterliniga

Barmog‘ingdan to‘kilar
kuz tomchilari,
sho‘r yomg‘irlar
ko‘lobiga gado etasan.
Quvonchdan pirpiramoq bo‘lib
yumilgan ko‘z
ochilguncha bir faslni
ado etasan…

07

(Tashriflar: umumiy 181, bugungi 1)

Izoh qoldiring