Gulbahor Sattorova. She’rlar

055    Гулбаҳор Сатторова сўнгги йилларда Рауф Парфи шеърларининг турк тилига таржимаси устида ıш олиб бормоқда. Таржималари Туркиядаги қатор нашрларда мунтазам чоп этиб борилади.

Гулбаҳор Сатторова
ШЕЪРЛАР
034

    Гулбаҳор Сатторова Тошкент вилоятида туғилган. Ўзбекистон Миллий Университети ва Тошкент Давлат педагогıка институтида таҳсил олган. Журналистика, ҳуқуқшунослик ва тарих мутахассисликларини эгаллаган. Ҳозирги пайтда профессионал журналист ва таржимон сифатида фаолият юритади. Шунингдек, Рауф Парфи шеърларининг турк тилига таржимаси устида ıш олиб бормоқда. Таржималари Туркиядаги қатор нашрларда, хусусан, “Курган” адабий журналида мунтазам чоп этиб борилади. “Инсон ҳуқуқлари – журналист нигоҳида” Республика танлови совриндори.

034

***

077

Кетяпман!
Йўлим – танганинг учинчи томони,
Сенга яхши қол демадим, ёмони…

Ҳайрат!
Менга бахтлар ато этганинг замон,
Сени ҳеч танимай ўтганим ёмон.

Ҳасрат!
Сен ва Мен, танганинг орқа томони,
Энди ортда қолиб кетди, ёмони.

Ҳайрат…
Ҳасрат…
Кетяпман…

***

Омад келса,
Бўлса агар бахтинг тўкис,
Отинг елар,
Итинг елар,
Ёнларингга ярашиблар
Дўстингман деб дўстинг келар.

Омад кетса,
Бўлса агар бахтинг кемтик,
Отинг елар,
Итинг елар,
Гўрларингга ғиштлар қалаб,
Дўст деганинг дўстдан тонар.

Яхши кундир,
Ёмон кундир,
Сенга асло қилмай таъма
Отинг елар!
Итинг елар!

***

Майсанинг гурунги даламда қолди,
Баҳорий шудринглар жаламда қолди.
Мен эса… Гулламоқ истадим!
Ҳаяллаб, у фаслим қаерда қолди?

Тоғлар толиқдилар дўнсам дўллардан,
Ўзим ўзиб кетдим ҳатто йўллардан.
Йўллар ўйлар: “Қаерда қолдим?”

Ўсиб кетаяпман, ана, бардошдан!
Ҳайратим – у аслим қаерда қолди?

***

Саволлар саркашдек синди беҳукм,
Айт, нечун қалбимни сенга тутяпман?
Қачон топган эдим, қачон йўқотдим?
Мен Сени қайгадир излаб кетяпман…

ЎШАЛ КУН

Ўшал кун… Кўзимда сувратинг,
Бир ишқнинг ашъорин ёдлайдур.
Лек сира етмасдан журъатинг,
Кўзингни ўзингга ётлайдур.

Ўшал кун… Кўзларинг қамашди,
Ёдларинг унутган ашъорни!
Қарашлар – тийрлар қадашди,
Қарашлар – тўкдилар оҳорни.

Ўшал кун… Чақинлар чақнади,
Кўзимда – бу улкан куррада.
Қир қизи розимни сақлади,
Юракда – лолагун дуррада.

ИШҚ МАНЗИЛИ

Мен изингни топяпман десам,
Мен изингдан чопяпман десам,
Қаҳ-қаҳ отиб куларлар, нега?
Ҳижрон таъмин тотяпман десам.

Жоним десам жонбахш туйғулар –
Киприк бўлиб тизилди бир-бир.
Васлинг истаб титраган жонни
Чирт эткизиб узволди кимдир.

Кўнглим – ишқинг ортилган кема,
Соҳилини соғинар денгиз.
Фақат… МЕНдан тоняпсан нега?
Йўқолмасму, изларинг МЕНсиз?

ТОМЧИЛАР

I

Томчилар узилди…
Сармаст,
Баҳорнинг васлидан.
Кузнинг ҳам пойига тўшалди
ял-ял барг.
Мен эса…
Минг йиллар сенга илиндим!
Ахир шунча умр…

Минг йилки, ахтардим томчидан,
Томчиларни офтобга тутиб.
Ҳар кузакни қайта-қайта ағдардим
Сени излаб.
Эҳ!
Мен сени кутиб!

Телба шамол,
Мен – дарбадар қиз.
Жондан кечиб,
Жонон қадар ҳис.
Қани, сен?
Гар бор бўлсанг, сез!
Тошлар эрир…

Сен бўлсанг,
Сен?!
Эсиз…

II

Мингми, миллион йилми ўтганда… Билмам?
Ҳузуримга келдинг ногаҳон.
(Илинж тугаб битганди тамом.)
Мени уйқу элитган тунда –
Сени туйғу элтган. Шунда
Ўз-ўзимни изладим йиғлаб,
Мингми, балки миллион йиллаб…

Ҳали ўзни топиб улгурмай,
Ҳали сени таниб улгурмай,
Гумбирлаган ҳайрат зарбидан,
Битта мужгон ерга санчилиб,
Бир қатра ёш ерга сочилиб,
Ҳушларидан айрилган тушнинг,
Дарвозаси кетди очилиб!

Қорачиғда қораяр олам,
Қабоғимда бир лавҳнинг изи.
Тақдиримда ўйнар хаёлинг –
Унутилган боғ хазонрези.

Ёстиғимда йиғилар хаёл,
Ёстиғимда ётар ботилиб.
Ҳузуримга келасан шундай,
Ва кетасан тонгга отилиб.

АЛЛИТЕРАЦИЯВИЙ ШЕЪР

Қаро қошинг, қалам қошинг,
Қийиқ қайрилма қошинг, қиз.
Эркин Воҳидов

Толиқдим. Топталди тоғдай тоқатим,
Қизғалдоқ қон қақшаб қонимдан қонди.
Қорларда қорайиб қолди қисматим,
Тунги табассумлар тонгимдан тонди.

Тиландим, тилландим тинмай тентираб,
Қадрнинг қалбида қонталаш – қайғу.
Қаршимда қиёмат қолди қалтираб,
Тоабад тинимда титроқи туйғу.

Телбадай турибман тегрангда таҳқир,
Қарашинг — қалбимда қора қаҳратон.
(Қўйнида қолсам-да, қадрлар қор-қир),
Тангрим, тиламадим тилла тахтравон.

Топарсиз… толиққан тоғу тошлардан,
Қайғу қароғида қотган қошлардан.
Қаранг, қаердаки қақшаса Қадр,
Тийрсиз тешилган тан-талошлардан.

005

Gulbahor Sattоrova
SHE’RLAR
034

Gulbahor Sattоrova Toshkent viloyatida tug’ilgan. O’zbekiston Milliy Universiteti va Toshkent Davlat pedagog?ka institutida tahsil olgan. Jurnalistika, huquqshunoslik va tarix mutaxassisliklarini egallagan. Hozirgi paytda professional jurnalist va tarjimon sifatida faoliyat yuritadi. Shuningdek, Rauf Parfi she’rlarining turk tiliga tarjimasi ustida ?sh olib bormoqda. Tarjimalari Turkiyadagi qator nashrlarda, xususan, “Kurgan” adabiy jurnalida muntazam chop etib boriladi. “Inson huquqlari – jurnalist nigohida” Respublika tanlovi sovrindori.

034

***

090

Ketyapman!
Yo’lim – tanganing uchinchi tomoni,
Senga yaxshi qol demadim, yomoni…

Hayrat!
Menga baxtlar ato etganing zamon,
Seni hech tanimay o’tganim yomon.

Hasrat!
Sen va Men, tanganing orqa tomoni,
Endi ortda qolib ketdi, yomoni.

Hayrat…
Hasrat…
Ketyapman…

***

Omad kelsa,
Bo’lsa agar baxting to’kis,
Oting yelar,
Iting yelar,
Yonlaringga yarashiblar
Do’stingman deb do’sting kelar.

Omad ketsa,
Bo’lsa agar baxting kemtik,
Oting yelar,
Iting yelar,
Go’rlaringga g’ishtlar qalab,
Do’st deganing do’stdan tonar.

Yaxshi kundir,
Yomon kundir,
Senga aslo qilmay ta’ma
Oting yelar!
Iting yelar!

***

Maysaning gurungi dalamda qoldi,
Bahoriy shudringlar jalamda qoldi.
Men esa… Gullamoq istadim!
Hayallab, u faslim qaerda qoldi?

Tog’lar toliqdilar do’nsam do’llardan,
O’zim o’zib ketdim hatto yo’llardan.
Yo’llar o’ylar: “Qaerda qoldim?”

O’sib ketayapman, ana, bardoshdan!
Hayratim – u aslim qaerda qoldi?

***

Savollar sarkashdek sindi behukm,
Ayt, nechun qalbimni senga tutyapman?
Qachon topgan edim, qachon yo’qotdim?
Men Seni qaygadir izlab ketyapman…

O’SHAL KUN

O’shal kun… Ko’zimda suvrating,
Bir ishqning ash’orin yodlaydur.
Lek sira yetmasdan jur’ating,
Ko’zingni o’zingga yotlaydur.

O’shal kun… Ko’zlaring qamashdi,
Yodlaring unutgan ash’orni!
Qarashlar – tiyrlar qadashdi,
Qarashlar – to’kdilar ohorni.

O’shal kun… Chaqinlar chaqnadi,
Ko’zimda – bu ulkan kurrada.
Qir qizi rozimni saqladi,
Yurakda – lolagun durrada.

ISHQ MANZILI

Men izingni topyapman desam,
Men izingdan chopyapman desam,
Qah-qah otib kularlar, nega?
Hijron ta’min totyapman desam.

Jonim desam jonbaxsh tuyg’ular –
Kiprik bo’lib tizildi bir-bir.
Vasling istab titragan jonni
Chirt etkizib uzvoldi kimdir.

Ko’nglim – ishqing ortilgan kema,
Sohilini sog’inar dengiz.
Faqat… MENdan tonyapsan nega?
Yo’qolmasmu, izlaring MENsiz?

TOMCHILAR

I

Tomchilar uzildi…
Sarmast,
Bahorning vaslidan.
Kuzning ham poyiga to’shaldi
yal-yal barg.
Men esa…
Ming yillar senga ilindim!
Axir shuncha umr…

Ming yilki, axtardim tomchidan,
Tomchilarni oftobga tutib.
Har kuzakni qayta-qayta ag’dardim
Seni izlab.
Eh!
Men seni kutib!

Telba shamol,
Men – darbadar qiz.
Jondan kechib,
Jonon qadar his.
Qani, sen?
Gar bor bo’lsang, sez!
Toshlar erir…

Sen bo’lsang,
Sen?!
Esiz…

II

Mingmi, million yilmi o’tganda… Bilmam?
Huzurimga kelding nogahon.
(Ilinj tugab bitgandi tamom.)
Meni uyqu elitgan tunda –
Seni tuyg’u eltgan. Shunda
O’z-o’zimni izladim yig’lab,
Mingmi, balki million yillab…

Hali o’zni topib ulgurmay,
Hali seni tanib ulgurmay,
Gumbirlagan hayrat zarbidan,
Bitta mujgon yerga sanchilib,
Bir qatra yosh yerga sochilib,
Hushlaridan ayrilgan tushning,
Darvozasi ketdi ochilib!

Qorachig’da qorayar olam,
Qabog’imda bir lavhning izi.
Taqdirimda o’ynar xayoling –
Unutilgan bog’ xazonrezi.

Yostig’imda yig’ilar xayol,
Yostig’imda yotar botilib.
Huzurimga kelasan shunday,
Va ketasan tongga otilib.

ALLITERATSIYAVIY SHE’R

Qaro qoshing, qalam qoshing,
Qiyiq qayrilma qoshing, qiz.
Erkin Vohidov

Toliqdim. Toptaldi tog’day toqatim,
Qizg’aldoq qon qaqshab qonimdan qondi.
Qorlarda qorayib qoldi qismatim,
Tungi tabassumlar tongimdan tondi.

Tilandim, tillandim tinmay tentirab,
Qadrning qalbida qontalash – qayg’u.
Qarshimda qiyomat qoldi qaltirab,
Toabad tinimda titroqi tuyg’u.

Telbaday turibman tegrangda tahqir,
Qarashing — qalbimda qora qahraton.
(Qo’ynida qolsam-da, qadrlar qor-qir),
Tangrim, tilamadim tilla taxtravon.

Toparsiz… toliqqan tog’u toshlardan,
Qayg’u qarog’ida qotgan qoshlardan.
Qarang, qaerdaki qaqshasa Qadr,
Tiyrsiz teshilgan tan-taloshlardan.

005

(Tashriflar: umumiy 225, bugungi 1)

1 izoh

  1. Qalbi go’zal opamizga ajoyib she’rlar uchun tashakkur! Nafaqat ijod va tarjima sohasida ham muvofaqiyatlar tilaymiz!

Izoh qoldiring