Lazizjon Bahronov. Egasini izlagan gaplar

09     Мендан ижодий парвоз сўраяпсизми, унда қанотларимни қўйиб юборинг.

ЭГАСИНИ ИЗЛАГАН ГАПЛР
Лазизжон БАҲРОНОВ
Ўзбекистон МУ катта илмий ходим-изланувчиси
045

07* * *

Орзу-истаклар-ку инсонга янги-янги муаммолар туғдиради. Аммо нима истаётганингни билмаслик муаммолар муаммосидир.

* * *

Мендан ижодий парвоз сўраяпсизми, унда қанотларимни қўйиб юборинг.

* * *

Ижодда ҳайратини йўқотган ғайратини ҳам йўқотади.

* * *

Бу одам пулга, мол-дунёга бефарқ, дейсизми? Бўлмаган гап. Бирон бир қоғозни қўлингизга олинг-да, ё ёнида, ёки ортида туриб шиғирлатинг, дарҳол тулки нигоҳи билан қарамаса, мен — кафил. Гап шундаки, бу одам хокисорликдан эртак сўйлаб, “камтаргина” бўлиб юришга етарли бойлик йиғиб бўлган.

* * *

Баъзи бировлар ўзининг керакли одамлигини кўрсатиб қўйиш учун ҳам гоҳ-гоҳ танқид қилиб туради.

* * *

Лафзсизнинг қўл телефони тўқсон фоиз ҳолатда хизмат доирасидан ташқарида бўлади.

* * *

Соғина бошлаганимиз… унута бошлаганимизни ҳам англатади.

* * *

Муомалам қалбингизга оғир ботмаслигини истасангиз, илтимос, ишимга халал берманг.

* * *

Ўз фарзандингда бўлмаган фазилатни ўзганинг фарзандидан талаб қилмоқ — айни ноинсофлик.

* * *

Тубанликдан сақланиш йўлини айтайми? Айбни аввал ўзингиздан, кейин бировдан изланг!

* * *

Демократия бу — бировга малол келтирмай яшашга интилишдир.

* * *

Қалбимиздаги оташин муҳаббат севилишга бўлган кучли эҳтиёж маҳсули эмасми, ахир?!

* * *

Ёшларни танқид қилишга одатланган катталар, билиб қўйинг: дарё қай томон оқса, жилға ҳам шу томон оқади.

* * *

Нетайликки табиатимиз шунақа: ҳам фикр, бизни алқаган ва мақтаганларнигина яхши одам деб биламиз.

* * *

Ўғлим, бугун мен сени аясам, эртага ҳаёт сени аямаслиги мумкин-да…

* * *

Ҳаётда энг муҳими — ўз ҳақиқатингни топиш.

* * *

Бизни ҳеч ким тушунмаса, демак, ўзимизда ҳам нимадир қусур бор. Бундай ҳолатда барчани қоралайвериш эмас, ўзимизни тузатиш ҳақида ўйласак маъқулроқ бўлади.

Манба: «Тафаккур» журнали, 2016/1

045

EGASINI IZLAGAN GAPLR
Lazizjon BAHRONOV
O’zbekiston MU katta ilmiy xodim-izlanuvchisi
045

07* * *

Orzu-istaklar-ku insonga yangi-yangi muammolar tug’diradi. Ammo nima istayotganingni bilmaslik muammolar muammosidir.

* * *

Mendan ijodiy parvoz so’rayapsizmi, unda qanotlarimni qo’yib yuboring.

* * *

Ijodda hayratini yo’qotgan g’ayratini ham yo’qotadi.

* * *

Bu odam pulga, mol-dunyoga befarq, deysizmi? Bo’lmagan gap. Biron bir qog’ozni qo’lingizga oling-da, yo yonida, yoki ortida turib shig’irlating, darhol tulki nigohi bilan qaramasa, men — kafil. Gap shundaki, bu odam xokisorlikdan ertak so’ylab, “kamtargina” bo’lib yurishga yetarli boylik yig’ib bo’lgan.

* * *

Ba’zi birovlar o’zining kerakli odamligini ko’rsatib qo’yish uchun ham goh-goh tanqid qilib turadi.

* * *

Lafzsizning qo’l telefoni to’qson foiz holatda xizmat doirasidan tashqarida bo’ladi.

* * *

Sog’ina boshlaganimiz… unuta boshlaganimizni ham anglatadi.

* * *

Muomalam qalbingizga og’ir botmasligini istasangiz, iltimos, ishimga xalal bermang.

* * *

O’z farzandingda bo’lmagan fazilatni o’zganing farzandidan talab qilmoq — ayni noinsoflik.

* * *

Tubanlikdan saqlanish yo’lini aytaymi? Aybni avval o’zingizdan, keyin birovdan izlang!

* * *

Demokratiya bu — birovga malol keltirmay yashashga intilishdir.

* * *

Qalbimizdagi otashin muhabbat sevilishga bo’lgan kuchli ehtiyoj mahsuli emasmi, axir?!

* * *

Yoshlarni tanqid qilishga odatlangan kattalar, bilib qo’ying: daryo qay tomon oqsa, jilg’a ham shu tomon oqadi.

* * *

Netaylikki tabiatimiz shunaqa: ham fikr, bizni alqagan va maqtaganlarnigina yaxshi odam deb bilamiz.

* * *

O’g’lim, bugun men seni ayasam, ertaga hayot seni ayamasligi mumkin-da…

* * *

Hayotda eng muhimi — o’z haqiqatingni topish.

* * *

Bizni hech kim tushunmasa, demak, o’zimizda ham nimadir qusur bor. Bunday holatda barchani qoralayverish emas, o’zimizni tuzatish haqida o’ylasak ma’qulroq bo’ladi.

Manba: «Tafakkur» jurnali, 2016/1

045

(Tashriflar: umumiy 217, bugungi 1)

1 izoh

  1. Лазизжон Бахранов
    lazizorzu@gmail.com
    66.102.9.106
    Отправлен 22.04.2016 в 09:31

    Ассалому алайкум, қадрли Хуршид ака. Соғ-саломат юрибсизми? Илмий-ижодий ишлар ҳам яхши кетаяптими?
    Қўлимдан келганча ёзилган уринмаларимни сайтда ҳавола қилганингиз учун катта раҳмат. Мен буни танишлардан кечагина эшитдим.
    Сиз каби етакчи адиб ва илимларимизнинг ёшларга ишончи, эътибори бизни янада фаол ҳамда самарали изланишларга ундайди.
    Сизга бундан-да юксак парвозлар тилаб, эҳтиром билан Лазизжон.

Izoh qoldiring