Muslimbek Musallam. Sochmalar

047    Муслимбек Мусалламнинг шеъриятида ўзига мафтунликдан йироқ, хавфу умид орасида яшаётган, унутилган битта ғарибгина шеър орзусида Худованд томон покланиб бораётган Одамни кўраман (Одил Икромнинг сўзидан).

Муслимбек Мусаллам
СОЧМАЛАР
04

    Муслим  Мусаллам (Мусалламов) 1986 йил Наманган шаҳрида туғилган. «Келажак овози — 2008″ танлови ғолиби. Ёш ижодкорларнинг Зоминда, Дўрмонда ўтказилган семинарлари қатнашчиси. Шеърлари вилоят, республика нашрларида чоп этилган. «Бу қирларда яшайди тарих» шеърий туркуми “Шарқ юлдузи” журналининг 2011 йил 5-сонида, шунингдек «Хуршид Даврон кутубхонаси»  саҳифаларида эълон қилинган.

04
04
1
Майсага раҳмим келиб ,
Бошин силаб ўтирдим,
Кўнгли тўлди осмоннинг.

2
Ўзинг қолдинг ёлғизлик ,
Кимларга юзланмадимм ,
Ўтган кетган вақт аро .

3
Мен неча йил яшадим,
Балки минг йилга тенгдир
Мен тортган изтироблар.

4
Одил Икром, сиз кўнгли,
Осмонга туташ шоир —
Замин ботмаяптими ?

5
Нималар дебман? эвоҳ,
Шу шеърлар меникими?
Ёдимдан ҳам ўчибди.

6
Деразани очмайман ,
Ёқар шундай дим хона.
Чексизлик йўқдир, она.

7
Бош олиб кетай десам,
Бошим қолмабди аттанг,
Излаяпман бошимни.

17.05.2016

1
Япроқ сенга кўп оғир,
Тупроқ сенга кўп оғир,
Кимга осон дунёда .

2
Фарзанди йўқ аёлми,
Қуриётган хурмонинг
Остида йиғлаётган?

3
Шундоққина енгимга
Тегиб кетди енгингиз ,
Шунга шунча ҳаяжон…

4
Арча шохин юламан,
Оғриниб қўяр арча,
Ҳеч ёқмайди бир хиллик .

5
Денгизнинг остидаги,
Тош ҳам ҳаракатдаку,
Сен нега ёзмаяпсан?

6
Билмай қолдим ёшимни,
Ўттизга етганини
Бугун дўстим эслатди.

7
Бўлди китоб ёпилди,
Чироқ ўчди, ярим тун ,
Кўкда ёлғиз қолди Ой.

18.05.2016

1
Нимага қўрқаяпман,
Бу ер ўзимнинг уйим
Қайдан келиб қолдинг ит.

2
Одам Ато боғларда,
Яна сизни эслатиб
Қирмизи ОЛМА пишди.

3
Эшик очилиб кетар,
Ичкарида шаббода
Шеърларимни варақлар .

18.05.2016

1
Ўғлимга ҳаво етмас,
Менга етмаяпти пул,
Яна сендан қарзим бор.

2
Ётар дори дармонлар,
Оқ халатга термулар,
Нигоҳлари қаро ҳалқ.

3
Йиғлай десам йиғи йўқ,
Кулай десам кулги ҳам.
Тупроққа ўхшаб қолдим.

4
Бу гуноҳлар меники,
Чиндан ҳам ўзим қилдим,
Ташлаб кетди иродам .

5
Сен деб шунча йиғладим,
Сенга увол бу кўз ёш,
Уволим тутар бир кун.

6
Одамларни унутдим,
Улар ҳам унутишди,
Тангрим унитгани йўқ.

7
Сен ғолибсан эй қўрқув,
Буёғига ҳеч қачон,
Эсламайман Темурни.

3.06.2016

06

Muslimbek Musallam
SOCHMALAR
04

  Muslim Musallamov 1986 yil Namangan shahrida tug’ilgan. «Kelajak ovozi — 2008» tanlovi g’olibi. Yosh ijodkorlarning  Zominda va Do’rmonda o’tkazilgan  seminarlari qatnashchisi. She’rlari viloyat, respublika nashrlarida chop etilgan. «Bu qirlarda yashaydi tarix» she’riy turkumi “Sharq yulduzi” jurnalining 2011 yil 5-sonida, shuningdek «Xurshid Davron kutubxonasi» sahifalarida e’lon qilingan.

04
04
1
Maysaga rahmim kelib ,
Boshin silab o’tirdim,
Ko’ngli to’ldi osmonning.

2
O’zing qolding yolg’izlik ,
Kimlarga yuzlanmadimm ,
O’tgan ketgan vaqt aro .

3
Men necha yil yashadim,
Balki ming yilga tengdir
Men tortgan iztiroblar.

4
Odil Ikrom, siz ko’ngli,
Osmonga tutash shoir —
Zamin botmayaptimi ?

5
Nimalar debman? evoh,
Shu she’rlar menikimi?
Yodimdan ham o’chibdi.

6
Derazani ochmayman ,
Yoqar shunday dim xona.
Cheksizlik yo’qdir, ona.

7
Bosh olib ketay desam,
Boshim qolmabdi attang,
Izlayapman boshimni.

17.05.2016

1
Yaproq senga ko’p og’ir,
Tuproq senga ko’p og’ir,
Kimga oson dunyoda .

2
Farzandi yo’q ayolmi,
Quriyotgan xurmoning
Ostida yig’layotgan?

3
Shundoqqina yengimga
Tegib ketdi yengingiz ,
Shunga shuncha hayajon…

4
Archa shoxin yulaman,
Og’rinib qo’yar archa,
Hech yoqmaydi bir xillik .

5
Dengizning ostidagi,
Tosh ham harakatdaku,
Sen nega yozmayapsan?

6
Bilmay qoldim yoshimni,
O’ttizga yetganini
Bugun do’stim eslatdi.

7
Bo’ldi kitob yopildi,
Chiroq o’chdi, yarim tun ,
Ko’kda yolg’iz qoldi Oy.

18.05.2016

1
Nimaga qo’rqayapman,
Bu yer o’zimning uyim
Qaydan kelib qolding it.

2
Odam Ato bog’larda,
Yana sizni eslatib
Qirmizi OLMA pishdi.

3
Eshik ochilib ketar,
Ichkarida shabboda
She’rlarimni varaqlar .

18.05.2016

1
O’g’limga havo yetmas,
Menga yetmayapti pul,
Yana sendan qarzim bor.

2
Yotar dori darmonlar,
Oq xalatga termular,
Nigohlari qaro halq.

3
Yig’lay desam yig’i yo’q,
Kulay desam kulgi ham.
Tuproqqa o’xshab qoldim.

4
Bu gunohlar meniki,
Chindan ham o’zim qildim,
Tashlab ketdi irodam .

5
Sen deb shuncha yig’ladim,
Senga uvol bu ko’z yosh,
Uvolim tutar bir kun.

6
Odamlarni unutdim,
Ular ham unutishdi,
Tangrim unitgani yo’q.

7
Sen g’olibsan ey qo’rquv,
Buyog’iga hech qachon,
Eslamayman Temurni.

3.06.2016

06

(Tashriflar: umumiy 115, bugungi 1)

1 izoh

  1. Савқи табиий шоирсиз, Муслимбек ака, қўлингиз, кўнглингиз дард кўрмасин. Айтаман-ку… Ҳали ишлари камаяди…

Izoh qoldiring