Ikki qo’shiq. Xurshid Davron she’rlari- G’ayrat Usmonov ijro etgan.

06Боғчамизда атиргулнинг шохи синди,
Шохи эмас,юрагимнинг боғи синди,
Шеърларимга армонларим доғи сингди,
Келмадингиз ҳолим сўраб бирор бора…

07

КЕЛМАДИНГИЗ

Қалдирғочнинг қанотиму қошларингиз,
Ўн олтиму,ўн еттими ёшларингиз,
Нигоҳ ташланг,кўтарибон бошларингиз,
Келмадингиз ҳолим сўраб бирор бора,
Келмадингиз,келмадингиз,келмадингиз.

Ойлар кутдим,кунлар кутдим,зор-зор кутдим,
Бу дунё-ю,у дунёни мен унутдим,
Юрагимни олма мисол сизга тутдим,
Келмадингиз ҳолим сўраб бирор бора,
Келмадингиз,келмадингиз,келмадингиз.

Рўзи маҳшар исмингизни айтиб турай,
Ўшангача кўчангиздан ўтиб турай,
Сиз унутган райҳон шохин ўпиб юрай,
Келмадингиз ҳолим сўраб бирор бора,
Келмадингиз,келмадингиз,келмадингиз.

Боғчамизда атиргулнинг шохи синди,
Шохи эмас,юрагимнинг боғи синди,
Шеърларимга армонларим доғи сингди,
Келмадингиз ҳолим сўраб бирор бора,
Келмадингиз,келмадингиз,келмадингиз.

5555

KELMADINGIZ

Qaldirg’ochning qanotimu qoshlaringiz,
O’n oltimu,o’n yettimi yoshlaringiz,
Nigoh tashlang,ko’taribon boshlaringiz,
Kelmadingiz holim so’rab biror bora,
Kelmadingiz,kelmadingiz,kelmadingiz.

Oylar kutdim,kunlar kutdim,zor-zor kutdim,
Bu dunyoni,u dunyoni men unutdim,
Yuragimni olma misol sizga tutdim,
Kelmadingiz holim so’rab biror bora,
Kelmadingiz,kelmadingiz,kelmadingiz.

Ro’zi mahshar ismingizni aytib turay,
O’shangacha ko’changizdan o’tib turay,
Siz unutgan rayhon shoxin o’pib yuray,
Kelmadingiz holim so’rab biror bora,
Kelmadingiz,kelmadingiz,kelmadingiz.

Bog’chamizda atirgulning shoxi sindi,
Shoxi emas,yuragimning bog’i sindi,
She’rlarimga armonlarim dog’i singdi,
Kelmadingiz holim so’rab biror bora,
Kelmadingiz,kelmadingiz,kelmadingiz.

07

АЙТАЙ ДЕСАМ

Жафо бўлди иккимизга,
Маржон эдик, узилдик биз.
Юк қўшилди юкимизга,
Карвон эдик, бузилдик биз.

Сўзим кўпу айтай десам,
Йўқдир сенга сўзим энди.
Икки қадам,уч қадаммас,
Орамиз хўб узун энди.

Гул юзингда акс этмайин
Бўшаб қолди кўзим энди,
Сен ёқларда бегонаман,
Бегонадир изим энди.

Шамолларга сирим очдим,
Тошга дўнди шамоллар щам,
Хаёлларга сирим очдим,
Ёшга чўмди шамоллар ҳам.

Сен ёқларга бегонаман,
Бегонадир изим энди.

Икки қадам,уч қадаммас,
Орамиз хўб узун энди.
Сени излаб тополмаган
Нигоҳларим маҳзун энди.

Баҳор келмас,хазон сўлмас,
Юлдуз сўнмас самоларда.
Вожиб бўлмас – умид йўқдир
Биз бўзлаган дуоларда.

Сўзим кўпу айтай десам,
Йўқдир сенга сўзим энди.
«Мен севаман» деган сўздек,
Орамиз хўб узун энди.

067

AYTAY DESAM

Jafo bo’ldi ikkimizga,
Marjon edik, uzildik biz.
Yuk qo’shildi yukimizga,
Karvon edik, buzildik biz.

So’zim ko’pu aytay desam,
Yo’qdir senga so’zim endi.
Ikki qadam,uch qadammas,
Oramiz xo’b uzun endi.

Gul yuzingda aks etmayin
Bo’shab qoldi ko’zim endi,
Sen yoqlarda begonaman,
Begonadir izim endi.

Shamollarga sirim ochdim,
Toshga do’ndi shamollar sham,
Xayollarga sirim ochdim,
Yoshga cho’mdi shamollar ham.

Sen yoqlarga begonaman,
Begonadir izim endi.
Ikki qadam,uch qadammas,

Oramiz xo’b uzun endi.

Seni izlab topolmagan
Nigohlarim mahzun endi.

Bahor kelmas,xazon so’lmas,
Yulduz so’nmas samolarda.
Vojib bo’lmas – umid yo’qdir
Biz bo’zlagan duolarda.

So’zim ko’pu aytay desam,
Yo’qdir senga so’zim endi.
«Men sevaman» degan so’zdek,
Oramiz xo’b uzun endi.

045

(Tashriflar: umumiy 293, bugungi 1)

Izoh qoldiring