Xurshid Davron: Biz kimmiz?

Ўзбек юрагини билмоқчи бўлсанг,
Ўқиб ўтирмагин бошқа номани,
Уни англагайсан қўлингга олсанг
Маърифат гултожи – “Бобурнома”ни.

099

БИЗ КИММИЗ?
Матн муаллифи: Ўзбекистон халқ шоири Хуршид Даврон

Биз киммиз,
Биз кимнинг болаларимиз? —
Савол бер мозийга тикиб кўзингни,
Саволингга жавоб топганинг замон
Сен англаб олгайсан аввал ўзингни.

Сен англаб олгайсан ҳаёт маъносин,
Билгайсан нимадан умр иборат.
Сен англаб олгайсан не учун азиз,
Истиқлол аталган буюк иморат.

Унинг биносини йиллар,асрлар
Жасур ва донишманд боболар тиккан,
Афросиёб бобо, Тўмарис момо,
Мангуберди ўғлон,Таробий ўғлон
Истиқлол аталган қутлуғ бинонинг
Ҳар бир ғишти учун қонини тўккан.

Бу юрт бешигида неча донишманд
Она алласини тинглаб улғайган:
Хоразмий,Фарғоний, Абу ибн Сино,
Бухорий,Термизий, Шоҳи Нақшбанд
Яратган ҳикмату илму донишдан
Ватан иморати бўлган сарбаланд.

Темурбек тиклаган ҳар бир кошона
Одамни юксакка чорлаб турибди.
Кўҳак бағридаги расад устида
Энг порлоқ кавокиб порлаб турибди.

Боболар ақлининг, oнгу шуурин
Тимсолин кўрмоқчи бўлсанг, ўша он,
Осмонни тўлдириб пайдо бўлажак
Чароғон заковат — “Зижи Кўрагон”.

Ўзбек юрагини билмоқчи бўлсанг,
Ўқиб ўтирмагин бошқа номани,
Уни англагайсан қўлингга олсанг
Маърифат гултожи – “Бобурнома”ни.

Гар ўзбек умримни қандай яшадим,
Деб кечган йўлига назар ташласа,
Қуёшлар макони Асқартоғдайин
Уфқни тўсганча юксалар “Хамса”.

Эй йигирма ёшли Истиқлол ўғлон,
Минг йиллик бу юртнинг ишончи сенсан,
Энди боболаринг яратган боғнинг
Меросхўр боғбони, посбони сенсан.

Боболардан ёдгор ям- яшил боғда
Энди сен ниҳоллар ўтқаз, яшнасин,
Боболар ҳикмати,момолар сўзи
Сенинг юрагингда энди яшасин.

Улуғбек тоқидан боққин фалакка,
Бухорий ҳикматин,Сино илмини,
Темурбек бобонинг тузукларини
Маҳкам жо айлагин тоза юракка.

Сенга йўл кўрсатсин доим “Ҳидоя”,
“Саҳиҳи Бухорий” тилингда бўлсин.
Форобий орзуси, Фарғоний дарди,
Термизий ҳикмати дилингда бўлсин.

Боболар номига маҳлиё бўлиб
Яшаб юраверма,олдинги интил.
Уларга муносиб бўлмоқ истасанг,
Доим тафаккур қил,доим ижод қил.

Биз киммиз,
Биз кимнинг болаларимиз,
Савол бер мозийга тикиб кўзингни,
Саволингга жавоб топганинг замон
Сен англаб олгайсан аввал ўзингни.

Сен англаб олгайсан ҳаёт маъносин,
Билгайсан нимадан умр иборат.
Сен англаб олгайсан не учун азиз,
Истиқлол аталган буюк иморат.

Эй асрдай шиддатли,уч=ур “Тальго”да
Бахтли исти=болга талпинган диёр,
Буюк ма=садларни ортиб елкада
Олис манзилларга интилган диёр,

Бу буюк шиддатда боболар рущи,
Нав=ирон наслнинг ыйи мужассам.
Бу тенгсиз шиддатда улуғвор мозий,
Нурафшон фаслнинг куйи мужассам.

Мана шу шиддату ,мана шу бўстон —
Онадек муқаддас ҳур Ўзбекистон
Асрлар ошсину доим бор бўлсин,
Доим равнақ ила бахтга ёр бўлсин!

099

BIZ KIMMIZ?
Matn muallifi: O’zbekiston xalq shoiri Xurshid Davron

Biz kimmiz,
Biz kimning bolalarimiz? —
Savol ber moziyga tikib ko’zingni,
Savolingga javob topganing zamon
Sen anglab olgaysan avval o’zingni.

Sen anglab olgaysan hayot ma’nosin,
Bilgaysan nimadan umr iborat.
Sen anglab olgaysan ne uchun aziz,
Istiqlol atalgan buyuk imorat.

Uning binosini yillar,asrlar
Jasur va donishmand bobolar tikkan,
Afrosiyob bobo, To’maris momo,
Manguberdi o’g’lon,Tarobiy o’g’lon
Istiqlol atalgan qutlug’ binoning
Har bir g’ishti uchun qonini to’kkan.

Bu yurt beshigida necha donishmand
Ona allasini tinglab ulg’aygan:
Xorazmiy,Farg’oniy, Abu ibn Sino,
Buxoriy,Termiziy, Shohi Naqshband
Yaratgan hikmatu ilmu donishdan
Vatan imorati bo’lgan sarbaland.

Temurbek tiklagan har bir koshona
Odamni yuksakka chorlab turibdi.
Ko’hak bag’ridagi rasad ustida
Eng porloq kavokib porlab turibdi.

Bobolar aqlining, ongu shuurin
Timsolin ko’rmoqchi bo’lsang, o’sha on,
Osmonni to’ldirib paydo bo’lajak
Charog’on zakovat — “Ziji Ko’ragon”.

O’zbek yuragini bilmoqchi bo’lsang,
O’qib o’tirmagin boshqa nomani,
Uni anglagaysan qo’lingga olsang
Ma’rifat gultoji – “Boburnoma”ni.

Gar o’zbek umrimni qanday yashadim,
Deb kechgan yo’liga nazar tashlasa,
Quyoshlar makoni Asqartog’dayin
Ufqni to’sgancha yuksalar “Xamsa”.

Ey yigirma yoshli Istiqlol o’g’lon,
Ming yillik bu yurtning ishonchi sensan,
Endi bobolaring yaratgan bog’ning
Merosxo’r bog’boni, posboni sensan.

Bobolardan yodgor yam- yashil bog’da
Endi sen nihollar o’tqaz, yashnasin,
Bobolar hikmati,momolar so’zi
Sening yuragingda endi yashasin.

Ulug’bek toqidan boqqin falakka,
Buxoriy hikmatin,Sino ilmini,
Temurbek boboning tuzuklarini
Mahkam jo aylagin toza yurakka.

Senga yo’l ko’rsatsin doim “Hidoya”,
“Sahihi Buxoriy” tilingda bo’lsin.
Forobiy orzusi, Farg’oniy dardi,
Termiziy hikmati dilingda bo’lsin.

Bobolar nomiga mahliyo bo’lib
Yashab yuraverma,oldingi intil.
Ularga munosib bo’lmoq istasang,
Doim tafakkur qil,doim ijod qil.

Biz kimmiz,
Biz kimning bolalarimiz,
Savol ber moziyga tikib ko’zingni,
Savolingga javob topganing zamon
Sen anglab olgaysan avval o’zingni.

Sen anglab olgaysan hayot ma’nosin,
Bilgaysan nimadan umr iborat.
Sen anglab olgaysan ne uchun aziz,
Istiqlol atalgan buyuk imorat.

Ey asrday shiddatli,uch=ur “Tal`go”da
Baxtli isti=bolga talpingan diyor,
Buyuk ma=sadlarni ortib yelkada
Olis manzillarga intilgan diyor,

Bu buyuk shiddatda bobolar rushi,
Nav=iron naslning iyi mujassam.
Bu tengsiz shiddatda ulug’vor moziy,
Nurafshon faslning kuyi mujassam.

Mana shu shiddatu ,mana shu bo’ston —
Onadek muqaddas hur O’zbekiston
Asrlar oshsinu doim bor bo’lsin,
Doim ravnaq ila baxtga yor bo’lsin!

(Tashriflar: umumiy 401, bugungi 1)

3 izoh

  1. Рахмат Хуршид ака! Бугунгача Сизнниг сайтингиз борлигини билмаган эканман. Бугун кириб курдим. Хали МИЛЛАТИМИЗ ЗИЁЛИЛАРИ бор эканлигига ишонч хосил килдим.

Izoh qoldiring