Allohim, Muhammadjonni saqlagin!..

chaqaloq-2.jpg  22 ёшли бола вазир ўринбосари, Озодбек «Ёшлар» канали директори бўлгани ҳақидаги фойдасиз гапларни тўхтатиб, бир дақиқа мана шу Муҳаммаджон ҳақида Аллоҳдан сўранг…Ялинаман, Аллоҳдан сўранг. Балки шунда ўзингизниям дўзах ўтидан сақлаб қоларсиз…

Қашқадарё вилояти болалар кўп тармоқли тиббиёт маркази жарроҳлари томонидан «ўлди» деб ота-оналарига топширилган бир ярим ойлик гўдак майит ювувчининг қўлида жонланди. Бу ҳақда ҳали ҳам ҳаёт учун курашаётган жажжи Муҳаммаджоннинг бувиси — Наргиза Қурбонова «Дарё»га маълум қилди

Муҳаммаджон Рашидов 2017 йил 14 май куни дунёга келган. Отаси ҳозир Россияда — «ҳовлининг томини шифер қиламан» деган мақсад билан ишлагани кетган. Лекин топган пули шиферга эмас, янги туғилган чақалоқни даволашга сарфланмоқда. Чақалоқнинг онаси Шаҳноза Ҳамидова ва қариндошлари, жумладан, бувиси Наргиза Қурбонова 16 майдан бери чақалоқнинг ҳаёти учун шифокорлар билан курашиб келади — худди шу куни Муҳаммаджон қайт қилишни бошлаган. Муваффақиятсиз даволаниш жараёни бир ойдан зиёд давом этган — турли шифокорларнинг бир-биридан фарқли ташхислари асосида берилган ҳар хил дори воситалари чақалоқнинг аҳволини яхшилаш ўрнига оғирлаштирган, қорни эса шишиб кетган.

Муҳаммаджоннинг аҳволи жуда оғирлашиб қолганидан сўнг, вилоят болалар кўп тармоқли тиббиёт маркази ёнидаги поликлиникадаги, чақалоқни биринчи марта кўрганида: «Бунинг касали бизники эмас», деган жарроҳ унга орқа томондан дори юбориб, аслида чақалоқнинг саломатлигидаги муаммо унинг орқа ичаги қайрилиб қолгани билан боғлиқ эканини маълум қилган. «Ичаги қайрилган экан-ку, операция қилиш керак», — деган шифокорлар. Чақалоқнинг онаси ва бувиси операцияга розилик билдирган.

Бироқ, Наргиза Қурбонованинг таъкидлашича, 28 июнь куни бўлиб ўтган операция ҳам осонгина бошланмаган. Чақалоқни операцияга тайёрлаши керак бўлган шифокорларнинг сан-соларлиги оқибатида аҳволи оғир Муҳаммаджоннинг тана ҳарорати +39,5 даражагача кўтарилиб кетган. Шифокорлар энди: «Чақалоқни бундай ҳарорат билан операция қила олмаймиз, ўлиб қолади», — деб турган.

«Ахир бу бола-ку, ҳайвон эмас-ку, деб додладим! Додлаб, бош шифокорнинг олдига йиғлаб тушдим. Касалхонага вилоят соғлиқни сақлаш бошқармаси раҳбари келган, дейишди, ўшанинг оёғининг тагига ўтириб йиғладим. У бориб кўргач, тезда операцияни бошлаш ҳақида кўрсатма берди. Икки соатдан сўнг, ҳарорати уколлар билан туширилганидан сўнг, операция бошланди», — дейди Наргиза Қурбонова.

chaqaloq-1.jpg

Операция бошланганидан бир соат ўтгач, операция хонасига Наргиза Қурбонованинг ўзи таклиф қилинган. Шифокорлар унга чақалоқнинг қайрилиб қолган орқа ичаги ўн кун аввал ёрилиб кетганини айтиб, «15 кун аввал қаерда эдингиз?», деб савол қўйган, ваҳоланки Муҳаммаджон қарийб бир ярим ойдан бери айнан шу операция ўтказилган касалхонада даволанаётган эди. Операция охирида чақалоқ операцияни кўтара олмай, вафот этгани ва уни олиб кетиш кераклиги маълум қилинган.

«Бандалик». Бу вазиятда она ва бувининг аҳволини таърифлаш шарт эмас. Расм-русуми билан ҳодиса ҳақида қон-қариндошларга маълум қилинган, тайёргарлик кўрилган, мозорда жажжи болакай учун жой ҳозирланган. Шифокорлар: «Ўлди», деган чақалоқ операциядан уч соат ўтиб, майит ювувчига топширилган. «Майит ювувчи энди ишга киришаман деса, чақалоқ қўлини ёзиб, мурда ювувчига қараб турганмиш. Дод деб, бола тирик, деб чиқишди», — деди Наргиза Қурбонова.

Чақалоқ шошилинч равишда яна касалхонага олиб борилган, жонлантириш бўлимига жойлаштирилган. «Дўхтирларнинг ҳаммаси ҳайрон. Чақалоқни ўраб берган санитар аёл ўша ернинг ўзида ҳушидан кетиб қолди… Мана, тўққизинчи кун ўтди, болам яшаяпти», — дейди Наргиза Қурбонова. Лекин, бувининг айтишича, мўъжиза туфайли омон қолган болага шифокорлар ҳозир ҳам етарлича эътибор қаратмаяпти.

«Қачон бош шифокорнинг олдига тушиб, йиғлаб-бақирсам, дўхтирлар болага қарайди, бўлмаса — йўқ. Дори бепул деб ёзиб қўйган, лекин охирги шприцигача ўзим олиб келдим. Дори-дармонини ҳам олиб келяпман, боламга қарасин деб, дўхтирнинг тушлик-кечки овқатларини ҳам олиб беряпман. Мени тўғри тушунинг, бундай вазиятда, керак бўлса, жонингизни ҳам бериб юборасиз, овқат нима деган гап», — дейди Наргиза Қурбонова.

Қорни очиқ, ахлати махсус қувурча билан ташқарига чиқариб ташланаётган Муҳаммаджон ҳаёт, ўзи-да ҳаёт учун курашмоқда — бувисининг айтишича, ҳар куни сут эмяпти. Бироқ шифокорларнинг муносабати, Наргиза Қурбонованинг айтишича, қониқарсиз — қорни очиқ бола ётган Қашқадарёдаги касалхонада на кондиционер, на вентилятор бор; операция қилинган жойлари эса «қизариб, газак олиб кетган». «Майли, Худо боламнинг тақдирига умрдан берган бўлса, яшаб кетар. Лекин бошқаларнинг ҳам фарзандини бундай хароб қилишмасин!», — дейди Наргиза Қурбонова кўзда ёш билан.

Мазкур ҳолат юзасидан «Дарё» интернет-нашри таҳририяти шошилинч изоҳ олиш мақсадида Қашқадарё вилоят Соғлиқни сақлаш бошқармаси ва Қашқадарё вилоят болалар кўп тармоқли тиббиёт маркази билан боғланишга уринди, бироқ ҳозирча уринишлар жавобсиз қолди.

Манба: Daryo

Ashampoo_Snap_2017.07.07_14h17m52s_002_.png22 yoshli bola vazir o‘rinbosari, Ozodbek «Yoshlar» kanali direktori bo‘lgani haqidagi foydasiz gaplarni to‘xtatib, bir daqiqa mana shu Muhammadjon haqida Allohdan so‘rang…Yalinaman, Allohdan so‘rang. Balki shunda o‘zingizniyam do‘zax o‘tidan saqlab qolarsiz…

Qashqadaryo viloyati bolalar ko‘p tarmoqli tibbiyot markazi jarrohlari tomonidan «o‘ldi» deb ota-onalariga topshirilgan bir yarim oylik go‘dak mayit yuvuvchining qo‘lida jonlandi. Bu haqda hali ham hayot uchun kurashayotgan jajji Muhammadjonning buvisi — Nargiza Qurbonova «Daryo»ga ma’lum qildi

Muhammadjon Rashidov 2017 yil 14 may kuni dunyoga kelgan. Otasi hozir Rossiyada — «hovlining tomini shifer qilaman» degan maqsad bilan ishlagani ketgan. Lekin topgan puli shiferga emas, yangi tug‘ilgan chaqaloqni davolashga sarflanmoqda. Chaqaloqning onasi Shahnoza Hamidova va qarindoshlari, jumladan, buvisi Nargiza Qurbonova 16 maydan beri chaqaloqning hayoti uchun shifokorlar bilan kurashib keladi — xuddi shu kuni Muhammadjon qayt qilishni boshlagan. Muvaffaqiyatsiz davolanish jarayoni bir oydan ziyod davom etgan — turli shifokorlarning bir-biridan farqli tashxislari asosida berilgan har xil dori vositalari chaqaloqning ahvolini yaxshilash o‘rniga og‘irlashtirgan, qorni esa shishib ketgan.

Muhammadjonning ahvoli juda og‘irlashib qolganidan so‘ng, viloyat bolalar ko‘p tarmoqli tibbiyot markazi yonidagi poliklinikadagi, chaqaloqni birinchi marta ko‘rganida: «Buning kasali bizniki emas», degan jarroh unga orqa tomondan dori yuborib, aslida chaqaloqning salomatligidagi muammo uning orqa ichagi qayrilib qolgani bilan bog‘liq ekanini ma’lum qilgan. «Ichagi qayrilgan ekan-ku, operatsiya qilish kerak», — degan shifokorlar. Chaqaloqning onasi va buvisi operatsiyaga rozilik bildirgan.

Biroq, Nargiza Qurbonovaning ta’kidlashicha, 28 iyun kuni bo‘lib o‘tgan operatsiya ham osongina boshlanmagan. Chaqaloqni operatsiyaga tayyorlashi kerak bo‘lgan shifokorlarning san-solarligi oqibatida ahvoli og‘ir Muhammadjonning tana harorati +39,5 darajagacha ko‘tarilib ketgan. Shifokorlar endi: «Chaqaloqni bunday harorat bilan operatsiya qila olmaymiz, o‘lib qoladi», — deb turgan.

«Axir bu bola-ku, hayvon emas-ku, deb dodladim! Dodlab, bosh shifokorning oldiga yig‘lab tushdim. Kasalxonaga viloyat sog‘liqni saqlash boshqarmasi rahbari kelgan, deyishdi, o‘shaning oyog‘ining tagiga o‘tirib yig‘ladim. U borib ko‘rgach, tezda operatsiyani boshlash haqida ko‘rsatma berdi. Ikki soatdan so‘ng, harorati ukollar bilan tushirilganidan so‘ng, operatsiya boshlandi», — deydi Nargiza Qurbonova.

004

Operatsiya boshlanganidan bir soat o‘tgach, operatsiya xonasiga Nargiza Qurbonovaning o‘zi taklif qilingan. Shifokorlar unga chaqaloqning qayrilib qolgan orqa ichagi o‘n kun avval yorilib ketganini aytib, «15 kun avval qayerda edingiz?», deb savol qo‘ygan, vaholanki Muhammadjon qariyb bir yarim oydan beri aynan shu operatsiya o‘tkazilgan kasalxonada davolanayotgan edi. Operatsiya oxirida chaqaloq operatsiyani ko‘tara olmay, vafot etgani va uni olib ketish kerakligi ma’lum qilingan.

«Bandalik». Bu vaziyatda ona va buvining ahvolini ta’riflash shart emas. Rasm-rusumi bilan hodisa haqida qon-qarindoshlarga ma’lum qilingan, tayyorgarlik ko‘rilgan, mozorda jajji bolakay uchun joy hozirlangan. Shifokorlar: «O‘ldi», degan chaqaloq operatsiyadan uch soat o‘tib, mayit yuvuvchiga topshirilgan. «Mayit yuvuvchi endi ishga kirishaman desa, chaqaloq qo‘lini yozib, murda yuvuvchiga qarab turganmish. Dod deb, bola tirik, deb chiqishdi», — dedi Nargiza Qurbonova.

Chaqaloq shoshilinch ravishda yana kasalxonaga olib borilgan, jonlantirish bo‘limiga joylashtirilgan. «Do‘xtirlarning hammasi hayron. Chaqaloqni o‘rab bergan sanitar ayol o‘sha yerning o‘zida hushidan ketib qoldi… Mana, to‘qqizinchi kun o‘tdi, bolam yashayapti», — deydi Nargiza Qurbonova. Lekin, buvining aytishicha, mo‘’jiza tufayli omon qolgan bolaga shifokorlar hozir ham yetarlicha e’tibor qaratmayapti.

«Qachon bosh shifokorning oldiga tushib, yig‘lab-baqirsam, do‘xtirlar bolaga qaraydi, bo‘lmasa — yo‘q. Dori bepul deb yozib qo‘ygan, lekin oxirgi shpritsigacha o‘zim olib keldim. Dori-darmonini ham olib kelyapman, bolamga qarasin deb, do‘xtirning tushlik-kechki ovqatlarini ham olib beryapman. Meni to‘g‘ri tushuning, bunday vaziyatda, kerak bo‘lsa, joningizni ham berib yuborasiz, ovqat nima degan gap», — deydi Nargiza Qurbonova.

Qorni ochiq, axlati maxsus quvurcha bilan tashqariga chiqarib tashlanayotgan Muhammadjon hayot, o‘zi-da hayot uchun kurashmoqda — buvisining aytishicha, har kuni sut emyapti. Biroq shifokorlarning munosabati, Nargiza Qurbonovaning aytishicha, qoniqarsiz — qorni ochiq bola yotgan Qashqadaryodagi kasalxonada na konditsioner, na ventilyator bor; operatsiya qilingan joylari esa «qizarib, gazak olib ketgan». «Mayli, Xudo bolamning taqdiriga umrdan bergan bo‘lsa, yashab ketar. Lekin boshqalarning ham farzandini bunday xarob qilishmasin!», — deydi Nargiza Qurbonova ko‘zda yosh bilan.

Mazkur holat yuzasidan «Daryo» internet-nashri tahririyati shoshilinch izoh olish maqsadida Qashqadaryo viloyat Sog‘liqni saqlash boshqarmasi va Qashqadaryo viloyat bolalar ko‘p tarmoqli tibbiyot markazi bilan bog‘lanishga urindi, biroq hozircha urinishlar javobsiz qoldi.

Manba: Daryo

08

(Tashriflar: umumiy 1 422, bugungi 1)

5 izoh

  1. Шифокорларнинг билимсизлиги,дарди молу дуне.
    Бит йил мукаддам,2016 йил бизнинг туман марказий шифохонасида хам бир чакалокни улган деб морг га жунатишган.Бир муддатдан сунг бит ходима чакалок овозини эшитиб колган. Шифохонада ички шов шув булди.Хеч Ким бушамади.
    Чакалокни ота онаси шу ерни узида бир куй суйиб эхсон килди.
    Бу каби холатларга жиддий жозо берилиши керак

  2. Хуршид ака, мурғак гўдакнинг ҳақига дуодамиз. Шундай бир таклиф тушмоқда:
    Kimdir oila bilan bog’lanib
    1. Bolani ahvolini bilsin
    2. Toshkentga obkelish rejalari bor-yo’qlogini
    3. Western union uchun kerak bo’ladigan to’lov uchun detallar: ism-sharif; adres bilsin
    Балки қандайдир бир амалий ёрдам кўрсата олармиз.

  3. Facebookdagi sahifamdan yozuvlar

    Nigora Shopayziyeva Alloh buyukdir. Norasidani panohida asragay. Omin

    Fatima Sattarova Omin!!

    Aslzoda Jo’rabekovna Болаларни асрасин Яраткан эгам.

    Афсона Хонпошша Хонпошша Худо кайтиб берибди! УЗИ асрасин!

    Xolida Tangirova Alloh shu beg’ubor chaqaloqni ota-onasiga uni umrini, baxtini, rohatini ko’rish nasib aylasin!!!

    Зилолабону Холикова Юрагим ўртаниб кетди

    Lola Tosheva Ё Оллоҳ юракларим эзилиб кетди!!! Ё Оллоҳим одамларни қалбига меҳру шафқатни жойла.Шу бегуноҳ гўдакни ўз пушти паноҳингда асра.Дардига шифойи комил бер.Ота онаси камолини кўрсин.

    Олламурад Исакулов Xurshid Davron Ассалому алайкум, Масала ута жиддий.
    1.Аввало Кашкадарёлик Сизнинг мухлисларингиздан кумак сурайлик. 2.Болани олдидан доимий хабарини ФБеткизиб турадиган фаоллар зарур.
    3.Кашкадарёда Олий тоифали болалар врачлари етарли уларни топиш керак ,бу масалада уртоклар билан кулдан келгунча богланаман.
    4.Вазирликдан, мутасади ташкилотлардан ёрдам сурайлик, керак булса СанАвиа билан болани Тошкентга олиб келиш.
    5.Агар иложини килолсангиз халк ичидаги уз хурматингиздан фойдаланиб бир моддий кумак масаласида уйлаб курсангиз.
    6.Сизга жуда катта рахмат шу масалани кутарганингиз ва бошкаларга ибрат булаётганингиз учун.
    7.Бу дунёда бундай савобли ишларни узи купрок килиш керак.
    8.Уйлайманки ким шу ишга бош кушиб Мухаммаджонни саклаб колаолсак бу хар биримиз учун ХАЖ, УМРАдир.

    Сочувствую
    Возмутительно
    Шарофиддин Тулаганов Хуршид ака.Мард инсонсиз.Дуо қиламиз

    Odil Turkman Maqolaning linkini Sh.M.Mirziyoyevning Facebookdagi profiliga va mahsus elektron pochtasi-e-mailiga maqolaning toliq matni jo’natildi.Prezident yordamchilari insofi bo‘lsa zora Prezidentga doklad qilib yetkazar . Shifokor emas o‘rta tibbiy personal qing‘irlik va shafqatsizlikda shifokordanam oshib tushadi.

    Inomjon Teshaboyev Аллоҳ шифо берсин!

    Хулкар Буриева Alloh shifo bersin ilohim

    Тўхтагул Турдиева Оллоҳим ўзи асрасин, дардига шифо берсин

    Hilol Shams Оллохим узинг омон асра

    Дилбар Баходировна Дардига шифо берсин!Умри узоқ бўлсин!

    Dilorom Ergasheva SHIFOI KOMILIDAN BERSIN!

    Хуршиджон Жураев Olloh shifo bersin umrini uzoq qilsin ilohim!

    Shahnoza Kakhkharova ЎЗИ шифосини берсин !

    Маъруфжон Уктамович Муҳаммаджонга Оллоҳдан илоҳий куч-қувват сўраймиз, иншооллоҳ яшаб кетади

    Шоира Шамс Оллоҳ шифо берсин. Паноҳида асрасин!

    Хасанжон Саитов Аллоҳ шифо бериб,шу бегуноҳ ёш болани ўз паноҳингда асраб солиҳ фарзандлардан эт.Энг буюк ҳамма нарсага қодир Аллоҳ,дуодамиз.

    Зулайхо Таджибаева Илохим оллох уз панохида асрасин бегунох гулдай фариштамисол болажон сог булгин!

    Matlyuba Kushshaeva Olloh shifo bersin!

    G’ulom Jon ШИФО БЕРСИН!

    Аҳмад Соҳиб Парвардигоро, жамъики мўминларингга иноят этган сиҳату-офиятларингдан шу жажжи фарзадингга ҳам насиб эт. Сенинг синовларингдан соғ ва омон, комил ва мустаҳкам қилиб ўтишига ўзинг куч-қувват ва ғайрат бергин. Ўзинг учун ҳизмат қилгувчи солиҳ қулларинг қ…Еще

    Zarifa Xusanova Va la havla vs la quvvata illo billo aliyo‘l azim

    Jaloliddin Sayidov Xudo shifo bersin.

    Нигора Умарова Хуршид ака, мурғак гўдакнинг ҳақига дуодамиз. Шундай бир таклиф тушмоқда:
    Kimdir oila bilan bog’lanib
    1. Bolani ahvolini bilsin…Еще

    Ғиёс Малик Оллоҳдан шифо сўраб қоламиз. Иншаоллоҳ Худо шифосини беради.

    Go’zal Begim Бу касалликни САМПИда яхши муолажа қилишади. Менинг ўғлим айнан шу ташҳис билан 8 ойлигида 2 босқичда операция қилинган. Очиқ ичак билан 3 ой уйда олиб ўтирганман. Худога шукур яхши бўлиб кетди. Онасига қувват ва болажонга шифо берсин!

    Гулноз Сатторова Оллох шифо берсин!

  4. Яратган Эгам биз инсонларни ҳар турли йўл билан синайди. Бугун ҳаёт билан курашаётган бу беғубор, покиза гўдак бежиз биз инсонларнинг кўмагимиз, саховатимизга эҳтиёжманд қисмат билан дунёга келгани йўқ. Наҳот, буни шифокорлар англаб етмаяпти! Орамизда давлатли кишилар кўп. Қани энди бир олижаноб ўртага чиқсаю Муҳаммаджонни ҳаёт учун курашига суянч бўлса, аввало Парвардигори олам шу жажжи бандангни ўзинг паноҳингда асра, яшашга талпинаётган шугина гўдакка ўзинг мазмунли ва узоқ умрни ҳадя эт. Муҳаммаджон! биз ҳам сени яшашинг, келажакда катта катта эзгу ишларга қодир мард ўғлон бўлиб камол топишинг учун соғайишингни сўраб дуо қиламиз!!!

Izoh qoldiring