Kitobning o’zi uyingizga boradi

055    Мен мана шундай сайт бизда-Ўзбекистондаям пайдо бўлармикан деб орзу қилардим. Шундай сайт пайдо бўлди ва ишлай бошлади. Энди сиз қаерда яшашингиздан қатъи назар,Ўзбекистоннинг хоҳлаган шаҳру қишлоғидан мамлакат пойтахтида нашр этилган китобларга буюртма беришингиз ва жуда қисқа вақт — уч—тўрт кун ичида сиз танлаган китобни почта орқали етказиб беради. Масалан, Тошкентдан жўнатилган китоб 3 кун ичида Қорақалпоғистонга етказилиб берилади. Сизга тақдим этилаётган суҳбатда ана шу янги сайт (www.tak.uz)нинг ташкилотчиси ва раҳбари Анвар Жалолов янги веб-саҳифа ҳақида сўзлаб беради.

022
КИТОБНИНГ ЎЗИ УЙИНГИЗГА БОРАДИ
TAK.UZ сайти раҳбари Анвар Жалолов билан суҳбат
«ХДК»  илтимосига кўра Анвар Намозов суҳбатлашди
09

   Китоб ҳақида кўп ва хўп ёзилган. Бундан кейин ҳам ёзилади. Бироқ китоб ўқийдиганлар ҳақида-чи? Уларнинг сони камайиб бораётгани хусусида-чи? Бугунги тамаддун, “электрон” аср, китоб ўқишга вақт “етишмаслиги” борасида нималар дейиш мумкин? Кутубхоналар ўз йўлига, китоб дўконларида не гаплар? Умуман, чекка-чекка ҳудудлар, туман, қишлоқларда истиқомат қилувчилар мутолаа қилишмоқдами? Уларнинг китобга бўлган эҳтиёжи ва талаблари қай даражада қондириляпти? Китоб дўконлари танқис экан, китобни қаердан олишсин? Китобхонлар сафи камайганининг сабабларидан бири китоб етказиб берилмаётганида эмасми? Наҳотки бунинг самарали йўли бўлмаса? “Бунинг йўли бор ва жуда оддий”, — дейди TAK.UZ сайти раҳбари Анвар Жалолов.

02

— Анвар ака, сиз билан суҳбатлашишдан аввал сайтингиз билан танишдим. “Китобни кўчада изламанг. Китобнинг ўзи уйингизга “боради” деган жимжимадор сўзлар орқали китобхонни босма кўринишдаги китобдан кўра электрон китоб билан “авраш” назарда тутилмаганми?

— Китоб ҳар қандай замон ва маконда китоблигича қолади. Электрон китоб қоғоз кўринишидаги китоб ўрнини тўлиқ боса олмайди. Бу асосли равишда ўз исботини топган. Сайтимиз орқали етказиб бериладиган китоблар электрон кўринишни назарда тутмайди.

— Аниқроғи, китоб электрон ҳолда эмас, босмадан чиққан қоғоз ҳолида китобхоннинг қўлига етиб борадими?

— Албатта, шундай! Кўз олдингизга келтиринг компьютерингизга тикилиб ўтириб, китобга пул тўладингиз ва бир, икки кундан кейин почта ходими уйингизга китобни келтириб турибди. Бундай ҳолатни бизнинг WWW.TAK.UZ интернет-дўконимизда кузатишингиз мумкин. Интернет-дўкон дейишимизга сабаб, сайтимизга кирган ҳар бир харидор ўзи ҳоҳлаган китобни излаши, унинг мазмуни билан танишади, мазмун, нарх-наво ва бошқа ҳолатлар бўйича бошқа китобларга ҳар томонлама таққослаб кўради. Агар ёқиб қолсагина сотиб олиши ва етказиб берилиши учун аниқ манзилни белгилаб қўйиши мумкин. Бунинг учун барча имкониятлар мавжуд.
Аҳолида бирор китобга эҳтиёж туғилса, вилоят марказига бориб, китоб дўконларига мурожаат қилишларига тўғри келади. Биздаги ахборотларга кўра, фақат Яккабоғ ва Поп туманлари марказларида китоб савдосини таклиф этадиган дўконлар фаолият олиб боряпти. Қишлоқларимизда эса китоб дўконлари мавжуд эмас. Ваҳоланки, китобхонлар сони камаймайди, балки ҳар доим ўсиб бораверади. Чунки, инсон ўсиш-ривожланишда экан, унда тизимли ва сифатли билимга эҳтиёж доим мавжуд бўлади. Бугунги кунда кўчаларимизда автомобиллар тўлиб, ҳашаматли бинолар, йўллар қурилиши жадал олиб борилиши ва бошқа бир қатор кўрсаткичлар ҳаётимизнинг тараққий этиб бораётганини кўрсатмоқда. Демак, айни шу ривожланиш туфайли одамларда билимга чанқоқлик ошаверади, оқибатда китоб, маълумотларга эҳтиёж ортади. Кутубхоналар ҳар бир мактаб ва коллежларда ташкил этилган, бу жуда муҳим ҳолат. Шунга қарамай, янги чоп этилган китобни сотиб олиш, уйида фарзандлари учун кутубхона ташкил этиш, бу — бошқа масала.
WWW.TAK.UZ интернет-дўконимиз тавсия қиладиган китоблар арзон. Чунки биз нашриётдан чиққан китобларни ўртадаги ортиқча воситачиларсиз, яъни қўшимча нарх қўювчиларни четда қолдирган ҳолда, тўғридан-тўғри харидорнинг қўлига етказиб бериш имкониятига эгамиз.

— Демак, китоб харид қилишни истаган киши сайт орқали буюртма беради. Тегишли тўловни амалга оширгач, ўша китоб унга етказиб берилади. Ижобий ҳол. Бироқ ўйлашимча, буни фақат марказий ҳудудларда амалга ошириш мумкин?

— Сайтимизнинг оғриқли нуқталаридан бири ҳам интернет тизимининг барча ҳудудларда бирдай тез ва узлуксиз ишлашига тўлиқ эришилмаганлигидир. Албатта, ахборот-телекоммуникациянинг ривожланиши, жадаллиги яқин келажакка нисбатан қараладиган бўлса, жуда ҳам юқори. Умумий ўрта таълим ва ўрта махсус, касб-ҳунар таълими тизимларига информатика фанининг умумтаълим фани сифатида киритилиши туфайли ёшлар интернет технологиялари билан яқиндан танишдилар. Лекин бу ишлар қачонки интернетдан фойдаланиш барчага қулай бўлгандагина тўла-тўкис самара беришини англашимиз даркор. Шу билан биргаликда, мобил алоқа воситалари бугунги кунда кенг тарқалиб, унинг ҳаммабоп бўлиши сайтимиз хизматларидан фойдаланиш имкониятларини кенгайтиришга ёрдам бермоқда. Бугунги кун ҳолати шуни кўрсатмоқдаки, агар китобхонга китоб зарур бўлса, у барча тўсиқларни енгиб ўтади. Интернетнинг ҳар бир туман марказига етиб борганлиги ва қўл телефонлари орқали интернетга уланиш имкониятининг мавжудлигини қўшимча имконият деб ҳисоблаш мумкин.

— Яқинда мен вақтим тиғизлигига қарамай, “Шарқ зиёкори” дўконига бордим. У ердан Бобур энциклопедиясини харид қилдим. Кейин уни Сурхондарёнинг Бойсунига қатнайдиган такси ҳайдовчиларидан дадамга бериб юбордим. Чунки дадамнинг танишлари илтимос қилган, бу китоб у ердан топилмаганди. Менинг камида ярим кун вақтим сарфланди, қолаверса, кира ҳақи, такси ҳайдовчиси учун қилган харажатларим… Ваҳоланки, сайтингиз орқали буни амалга ошириш жуда осон экан.

— Бугунги кунда республикамиздаги барча нуфузли нашриётлар билан ҳамкорликни йўлга қўйганмиз. Ўзбек, рус, қозоқ, қорақалпоқ, тожик тилларидаги энг қизиқарли китобларни сайтимиздан бемалол харид қилишингиз мумкин. Бундан ташқари сайтимиз етказиб берадиган энг ноёб китоблар борки, уларга санъат асари деб қарашингиз мумкин. Сиз харид тўловини амалга ошириб, яқинларингизнинг туғилган куни, дўстингиз ва бошқаларга совға сифатида тақдим этишингиз мумкин. Ахир неча-неча йиллардан буён таваллуд кунларига китоб туҳфа қилинмапяти-ку! Ёки, дейлик, бўлғуси қайнота, қаноналар “келин-сарпо” ёки “куёв-сарпо” тарзида тақдим қилинаётган устоз адибимиз Тоҳир Маликнинг китобларига буюртма беришлари мумкин. Бу билан, биринчидан, вақт сарфини камайтирадилар, иккинчидан, танлов имкониятини оширадилар.

— Шу ўринда китобни етказиб бериш кафолати ҳақида сўзласангиз.

— Китобни етказиб бериш ҳамкоримиз — махсус курьер “Ўзбекистон почтаси” ОАЖнинг зиммасида. Яъни, бу — китобнинг йўқолмай, қисқа вақтда, арзон нархда ва, асосийси, давлат кафолати асосида ўз эгасига етиб боради, деганидир. Яна бир кафолат ҳақида айтмоқчиман: биз токи буюртмачига етазиб берилгунга қадар китобнинг қайси йўналиш бўйлаб “бораётгани”ни электрон-харита орқали кузатиб турамиз.

— Китоблар мавзуси, рукнлари чекланмаганми?

— Чекланмаган. Сайтимиз ўттизга яқин рукнни ўз ичига олган ва бизга мурожаат қилаётган нашриётлар таклифига кўра уларнинг сони янада ошиб бормоқда. Рукнлар орасида энг қизиқарлиси, жажжи китобхонларимизга аталган “Болалар ва ўсмирлар адабиёти”дир. Унда 3 ёшлилар учун мантиқни ёшликдан шаккллантириб борувчи китоблардан тортиб, 12 ёшлиларнинг психологик муаммолари ҳал этилишига қаратилган махсус адабиётлар ҳам мавжуд. Шунингдек, эртаклар, топишмоқ, тезайтиш, шеърий китоблар ўрин олган.

— Демак, сайт фаолияти китобхон учун ҳам, китоб чиқараётган нашриётлар учун ҳам фойдали.

— Китобхон WWW.TAK.UZ интернет-дўконида ўзига керакли китобни излаши учун китобнинг ичидаги бирор “калит” сўзни киритса кифоя, сайт тегишли китоблар рўйхатини тақдим этади, ваҳоланки анъанавий китоб дўконлари бундай имкониятни тақдим эта олмади.
Нашриётлар ҳам биз билан ҳамкорликдан манфаатдор. Сабаби, биринчидан, улар ўз китобларини бизнинг сайт орқали бепул реклама қиладилар; иккинчидан, уларнинг маҳсулоти, яъни китоблари сотилади; учинчидан, бу китоблар сайтимиз орқали китобхонга етказиб ҳам берилади. Энг муҳими, биз билан ҳамкор нашриётлар тайёр маркетинг хизматини бепул қўлга киритадилар. Биз уларга қандай китобларга эҳтиёж ортиб ёки камайиб бораётгани, режалаштирилаётган китобларига харидорлар бўлиш-бўлмаслиги, китобхонлар учун қандай мавзулар долзарб ҳисобланиши каби муҳим кўрсаткичларни прогноз қилишда кўмак бера оламиз.

— Сир бўлмаса, ҳозиргача китобхонларга қанча китоб етказиб берилди?

— WWW.TAK.UZ интернет-дўкони фаолият бошлаганига 6 ой бўлишига қарамай, республикамизнинг ҳар бир туманига китоб етказиб беришга эришилди. Масалан, олис Қорақалпоғистон тумани, Термиз ва ҳоказо ҳудудлапга буюртмалар еткзилди. Респубилкамизнинг 200 га яқин туманида харидорларимиз мавжуд. Эътиборли жиҳати, улар сайтда рўйхатдан ўтганликлари сабабли янги нашр этилган китоблар ҳақида мунтазам равишда sms-хабарларини олиб турадилар.

— Сайтингизда тест саволлари орқали ёшларнинг касб танлашига оид мурожаатлари ҳам ижобий ҳал қилинади, деб эшитдик.

— Сайтимизга асосан китобсеварлар ташриф буюришини инобатга олиб уларнинг фарзандлари учун “Касбга йўналтириш” номли электрон дастур ўрнатилган. Ҳар бир ота-она ўз ўғил-қизининг келажакда ким бўлишини билишга интилиши табиий ҳол. Агар фарзанд ўзининг келажагини аниқ тасаввур қилса, жуда катта маънавий ва моддий харажатларини тежашга эришади. Шу билан бирга, мақсадли йўналтирилган ҳаёт мароқли бўлади. Фарзандни шу каби кафолатли йўлга солишнинг омили, бу — унинг ёшлик, шаклланиш (20 ёшгача) даврида аниқ касбга боғланиши билан изоҳланади. Бир соҳани бир марта муваффақиятли эгаллаган кимса бошқа касбларни ҳам эгаллаш малакасини ўзида шакллантиради, бу эса унда барча вазиятларга мослашиб бориш имкониятини оширади.
Юқорида қайд этилганларнинг барчасига туртки бўладиган бошланғич нуқта эса сайтимиздаги “Касбга йўналтириш” номли электрон дастури ҳисобланади.

— Ҳар ҳолда мазкур тестлар мутахассислар текширувидан ўтган бўлса керак?

— “Касбга йўналтириш” номли электрон дастури Ўзбекистон Интеллектуал мулк агентлигида қайд этилиб, патент олинган, Халқ таълими вазирлигининг махсус хизматида текширувдан ўтган. Дарвоқе, “Касбга йўналтириш” номли электрон дастуридан ўтиш, мақбул бўлган касбларнинг рўйхатини олиши бепул, ўқувчи махсус таҳлилий маълумотни талаб қилгандагина тегишли сумма (арзон — 3000 сўм)га ҳисоб тақдим этилади. Ушбу ҳисобни эса Paynet ёки Clik тўлов тизимлари орқали амалга ошириш мумкин.

— Дарвоқе, WWW.TAK.UZ да олий ўқув юртларига ўқишга кирмоқчи бўлган абитуриентлар учун тест саволлари ҳам ҳавола қилинган. Шу ҳақда батафсилроқ тушунча берсангиз.

— Китобни ўқийверган билан агар ҳаётга қўлланмаса, у шунчаки қуруқ маълумот бўлиб қолади. Биласиз, олий маълумот олиш инсон ҳаётида катта ютуқ. Сайтимизнинг ёш китобхонлар учун энг катта манфаатли жиҳати уларни университет, институтларга ўқишга киришига имконият тақдим этаётганидир. Бу соҳада ҳам уларга ўзгача ёндашувни таклиф қилдик.
Сайтимизда “Абитуриент-2015” номли тест синови ишга туширилган. Унда ҳар бир талабгор абитуриент белгиланган муддатда (120 дақиқа давомида) қайси интитутга киришига қараб махсус тест синовидан ўтади. Тест синовидан ўтиш бепул, бу жараённи истаганча амалга ошириб, махсус кўникмаларни шакллантиришлари мумкин. Фақат таҳлилий материал, яъни натижаларни олишда абитуриентга тегишли сумма (бу ҳам арзон — 4000 сўм)га ҳисоб жўнатилади. Мазкур ҳисобни ҳам Paynet ёки Clik тўлов тизимлари орқали тўлаш мумкин.

— Сайт орқали китоблар, газета ва журналларга ҳам обуна бўлиш мумкинлиги ростми? Амалиётда шундай ҳолатлар рўй бердими?

— Обуна фаолияти анча куч ва харажатларни талаб қилишига қарамасдан буни ҳам йўлга қўйишни олдимизга мақсад қилганмиз. Сабаби, обуна нашр соҳасини кескин ривожлантиришга хизмат қилади. Бугунги кунда сайтимиз орқали “Синфдош” ва “Таълим технологиялари” журналлари учун обуна йўлга қўйилган. Бошқа газета, журналлар муҳарририятлари ҳам бу хизматдан фойдаланишга қизиқиш билдирмоқда, улар билан тегишли ҳамкорлик йўлга қўйилади. Шахсан мен “Тафаккур”, “Жаҳон адабиёти” каби “забардаст” журналларимизни сайтимиз обунаси орқали чекка-чеккадаги ўқувчиларга етказиб беришни бажонидил амалга оширган бўлардим. Келажакда нафақат газета ва журналлар, балки китобларга ҳам обуна хизматининг йўлга қўйилиши кўпчилик учун қулайлик туғдиради, деб ўйлайман.

— Шундай дейсиз-у, келгусида китобга буюртма берувчилар сони кўпайиб кетса, фаолиятингиз қийин кечмайдими?

— Буюртма берувчилар сони кўпайиб кетиши ҳолатини кутиб ётибмиз! Ўшанда юз бериши мумкин бўлган “қийинчилик”лар биз учун байрам бўлади.

— Анвар ака, “Табиб табиб эмас, бошига тушган табиб” деганларидек, ўзингиз китоб чиқариб, муаммоларга дуч келганингиз учун шу ишларга қўл урдингизми?

— Биринчи марта китобим нашрдан чиққанида, китобхонларга таклиф этган пайтларимни эслайман. Бошдан ўтказган кечинмаларим эса “китобнинг нашриётдан тўғри китобхонга бориши”, тўловнинг тўппа-тўғри нашриётга тушиши ҳақида қайта-қайта ўйлашга мажбур этганди. Қадим хитой файласуфлари: “Эҳтиёт бўлинг, фикрлар моддиятнинг бошланишидир” деб огоҳлантирганлари бежиз эмас экан. Ўзимизнинг “Қимирлаган қир ошар” нақлидан келиб чиқадиган бўлсак, каминанинг хаёли, орзуси уч йил деганда амалдаги сайтга айланди.

— Яна нималар деган бўлардингиз?

— Инсонни мия бошқаради, мияни эса билим шакллантиради. Оддий одам кўча-кўйда эшитганлари, яъни бошқалардан кўриб, эшитиб ўрганганлари умр кечириш учун етарли деб ўйлашади. Умр “кечириш”, кечириб ташлаб юбориш нуқтаи-назаридан улар ҳақдир, лекин инсон сифатида яшаш учун “кўча илми” етарли эмаслигини ҳамма ҳам тушуниб етавермайди. Китобда тизимлаштирилган маълумотлар, ҳақиқий ривожланишга олиб келадиган билимлар сақланган. Китоб ҳақида кўп ва хўп гапирилган, яна гапириш мумкин, лекин китобнинг муҳимлик даражаси ҳали тўлиқ англаб етилмаган деб биламан. Барпо этилаётган иншоотлар, бинолар, завод ва фабрикаларнига барчасини жам қилганда ҳам китоб барибир ўзининг устунлигини сақлаб қолади.

Мен халқимизга китоб етказиб беришни сифатли озиқ-овқат, кийим-кечак ва бошқа маҳсулотлар билан бир қаторга қўйган бўлардим. Шу йўлда ҳамиша изланиш ва ҳаракатдаман. Энг асосийси эса, мен қилаётган ишимдан мамнунман!

090

Қуйидаги  www.tak.uz сайти рукнлари қандай номлангани маъқул?
Ўз таклифларингизни сайтга маълум қилинг ёки шу саҳифа остида изоҳ ёзиб қолдиринг:

09

1. Ўқув-режалаштириш хужжатлари
1. Бадиий китоблар

2. Дунё адабиёти хазинаси
2. Дунё адабиёти хазинасидан

3. Заковат дурдоналари
3. Машҳур шахслар ҳаёти

4. Камолот кутубхонаси
4. Детектив китоблар

5. Мустақил сабоқлар
5. Болалар адабиёти
6. Саломатлик ва аёллар кутубхонаси
6. Жаҳон халқлари эртаклари

7. Даврий нашрлар
7. Шеърий китоблар
8. Илмий-оммабоп китоблар
8. Психология, бизнес ва оила

9. XXI аср романи
9. XXI аср романи

10. Буюк шахслар
10. Шахс маънавияти

11. Гўзаллик сирлари
11. Муваффақият тамойиллари

12. Детектив
12. Даврий нашрлар

13. Жаҳон адабиёти
13. Саломатлик сирлари

14. Жаҳон халқлари эртаклари
14. Илмий-оммабоп китоблар

15. Қизиқ дунё бу
15. Дунё ғаройиботлари

16. Моҳир қўллар
16. Дарсликлар

17. Пазандачилик сирлари
17. Мустақил сабоқлар

18. Репетитор
18. Репетитор

19. Саломатлик сирлари
19. Абитуриентлар учун қўлланмалар
20. Саргузашт, мистика, қисса ва ҳикоялар
20. Дарсликлар

21. Шахс маънавияти
21. Аёллар ва гўзаллик

22. Юлдузлар сўйлайди
22. Дарсликлар

23. Илмий китоблар
23. Камолот кутубхонаси

24. Дарсликлар
24. Ўқув-режалаштириш ҳужжатлари

25. Бадий китоблар
25. Юлдузлар сўйлайди

26. Психология, бизнес ва оила
26. Саргузашт, мистика, қисса ва ҳикоялар

27. Ҳажвий китоблар
28. Пазандачилик сирлари

29. Мумтоз адабиёт
30. Заковат дурдоналари

06
04

   Men mana shunday sayt bizda-O’zbekistondayam paydo bo’larmikan deb orzu qilardim. Shunday sayt paydo bo’ldi va ishlay boshladi. Endi siz qaerda yashashingizdan qat’i nazar,O’zbekistonning xohlagan shahru qishlog’idan mamlakat poytaxtida nashr etilgan kitoblarga buyurtma berishingiz va juda qisqa vaqt — uch—to’rt kun ichida siz tanlagan kitobni pochta orqali yetkazib beradi. Masalan, Toshkentdan jo’natilgan kitob 3 kun ichida Qoraqalpog’istonga yetkazilib beriladi. Sizga taqdim etilayotgan suhbatda ana shu yangi sayt (www.tak.uz)ning tashkilotchisi va rahbari Anvar Jalolov yangi veb-sahifa haqida so’zlab beradi.

022
KITOBNING O’ZI UYINGIZGA BORADI
TAK.UZ sayti rahbari Anvar Jalolov bilan suhbat
«XDK» iltimosiga ko’ra Anvar Namozov suhbatlashdi
09

Kitob haqida ko’p va xo’p yozilgan. Bundan keyin ham yoziladi. Biroq kitob o’qiydiganlar haqida-chi? Ularning soni kamayib borayotgani xususida-chi? Bugungi tamaddun, “elektron” asr, kitob o’qishga vaqt “etishmasligi” borasida nimalar deyish mumkin? Kutubxonalar o’z yo’liga, kitob do’konlarida ne gaplar? Umuman, chekka-chekka hududlar, tuman, qishloqlarda istiqomat qiluvchilar mutolaa qilishmoqdami? Ularning kitobga bo’lgan ehtiyoji va talablari qay darajada qondirilyapti? Kitob do’konlari tanqis ekan, kitobni qaerdan olishsin? Kitobxonlar safi kamayganining sabablaridan biri kitob yetkazib berilmayotganida emasmi? Nahotki buning samarali yo’li bo’lmasa? “Buning yo’li bor va juda oddiy”, — deydi TAK.UZ sayti rahbari Anvar Jalolov.

02

— Anvar aka, siz bilan suhbatlashishdan avval saytingiz bilan tanishdim. “Kitobni ko’chada izlamang. Kitobning o’zi uyingizga “boradi” degan jimjimador so’zlar orqali kitobxonni bosma ko’rinishdagi kitobdan ko’ra elektron kitob bilan “avrash” nazarda tutilmaganmi?

— Kitob har qanday zamon va makonda kitobligicha qoladi. Elektron kitob qog’oz ko’rinishidagi kitob
o’rnini to’liq bosa olmaydi. Bu asosli ravishda o’z isbotini topgan. Saytimiz orqali yetkazib beriladigan kitoblar elektron ko’rinishni nazarda tutmaydi.

— Aniqrog’i, kitob elektron holda emas, bosmadan chiqqan qog’oz holida kitobxonning qo’liga yetib boradimi?

— Albatta, shunday! Ko’z oldingizga keltiring komp`yuteringizga tikilib o’tirib, kitobga pul to’ladingiz va bir, ikki kundan keyin pochta xodimi uyingizga kitobni keltirib turibdi. Bunday holatni bizning WWW.TAK.UZ internet-do’konimizda kuzatishingiz mumkin. Internet-do’kon deyishimizga sabab, saytimizga kirgan har bir xaridor o’zi hohlagan kitobni izlashi, uning mazmuni bilan tanishadi, mazmun, narx-navo va boshqa holatlar bo’yicha boshqa kitoblarga har tomonlama taqqoslab ko’radi. Agar yoqib qolsagina sotib olishi va yetkazib berilishi uchun aniq manzilni belgilab qo’yishi mumkin. Buning uchun barcha imkoniyatlar mavjud.
Aholida biror kitobga ehtiyoj tug’ilsa, viloyat markaziga borib, kitob do’konlariga murojaat qilishlariga to’g’ri keladi. Bizdagi axborotlarga ko’ra, faqat Yakkabog’ va Pop tumanlari markazlarida kitob savdosini taklif etadigan do’konlar faoliyat olib boryapti. Qishloqlarimizda esa kitob do’konlari mavjud emas. Vaholanki, kitobxonlar soni kamaymaydi, balki har doim o’sib boraveradi. Chunki, inson o’sish-rivojlanishda ekan, unda tizimli va sifatli bilimga ehtiyoj doim mavjud bo’ladi. Bugungi kunda ko’chalarimizda avtomobillar to’lib, hashamatli binolar, yo’llar qurilishi jadal olib borilishi va boshqa bir qator ko’rsatkichlar hayotimizning taraqqiy etib borayotganini ko’rsatmoqda. Demak, ayni shu rivojlanish tufayli odamlarda bilimga chanqoqlik oshaveradi, oqibatda kitob, ma’lumotlarga ehtiyoj ortadi. Kutubxonalar har bir maktab va kollejlarda tashkil etilgan, bu juda muhim holat. Shunga qaramay, yangi chop etilgan kitobni sotib olish, uyida farzandlari uchun kutubxona tashkil etish, bu — boshqa masala.
WWW.TAK.UZ internet-do’konimiz tavsiya qiladigan kitoblar arzon. Chunki biz nashriyotdan chiqqan kitoblarni o’rtadagi ortiqcha vositachilarsiz, ya’ni qo’shimcha narx qo’yuvchilarni chetda qoldirgan holda, to’g’ridan-to’g’ri xaridorning qo’liga yetkazib berish imkoniyatiga egamiz.

— Demak, kitob xarid qilishni istagan kishi sayt orqali buyurtma beradi. Tegishli to’lovni amalga oshirgach, o’sha kitob unga yetkazib beriladi. Ijobiy hol. Biroq o’ylashimcha, buni faqat markaziy hududlarda amalga oshirish mumkin?

— Saytimizning og’riqli nuqtalaridan biri ham internet tizimining barcha hududlarda birday tez va uzluksiz ishlashiga to’liq erishilmaganligidir. Albatta, axborot-telekommunikatsiyaning rivojlanishi, jadalligi yaqin kelajakka nisbatan qaraladigan bo’lsa, juda ham yuqori. Umumiy o’rta ta’lim va o’rta maxsus, kasb-hunar ta’limi tizimlariga informatika fanining umumta’lim fani sifatida kiritilishi tufayli yoshlar internet texnologiyalari bilan yaqindan tanishdilar. Lekin bu ishlar qachonki internetdan foydalanish barchaga qulay bo’lgandagina to’la-to’kis samara berishini anglashimiz darkor. Shu bilan birgalikda, mobil aloqa vositalari bugungi kunda keng tarqalib, uning hammabop bo’lishi saytimiz xizmatlaridan foydalanish imkoniyatlarini kengaytirishga yordam bermoqda. Bugungi kun holati shuni ko’rsatmoqdaki, agar kitobxonga kitob zarur bo’lsa, u barcha to’siqlarni yengib o’tadi. Internetning har bir tuman markaziga yetib borganligi va qo’l telefonlari orqali internetga ulanish imkoniyatining mavjudligini qo’shimcha imkoniyat deb hisoblash mumkin.

— Yaqinda men vaqtim tig’izligiga qaramay, “Sharq ziyokori” do’koniga bordim. U yerdan Bobur entsiklopediyasini xarid qildim. Keyin uni Surxondaryoning Boysuniga qatnaydigan taksi haydovchilaridan dadamga berib yubordim. Chunki dadamning tanishlari iltimos qilgan, bu kitob u yerdan topilmagandi. Mening kamida yarim kun vaqtim sarflandi, qolaversa, kira haqi, taksi haydovchisi uchun qilgan xarajatlarim… Vaholanki, saytingiz orqali buni amalga oshirish juda oson ekan.

— Bugungi kunda respublikamizdagi barcha nufuzli nashriyotlar bilan hamkorlikni yo’lga qo’yganmiz. O’zbek, rus, qozoq, qoraqalpoq, tojik tillaridagi eng qiziqarli kitoblarni saytimizdan bemalol xarid qilishingiz mumkin. Bundan tashqari saytimiz yetkazib beradigan eng noyob kitoblar borki, ularga san’at asari deb qarashingiz mumkin. Siz xarid to’lovini amalga oshirib, yaqinlaringizning tug’ilgan kuni, do’stingiz va boshqalarga sovg’a sifatida taqdim etishingiz mumkin. Axir necha-necha yillardan buyon tavallud kunlariga kitob tuhfa qilinmapyati-ku! Yoki, deylik, bo’lg’usi qaynota, qanonalar “kelin-sarpo” yoki “kuyov-sarpo” tarzida taqdim qilinayotgan ustoz adibimiz Tohir Malikning kitoblariga buyurtma berishlari mumkin. Bu bilan, birinchidan, vaqt sarfini kamaytiradilar, ikkinchidan, tanlov imkoniyatini oshiradilar.

— Shu o’rinda kitobni yetkazib berish kafolati haqida so’zlasangiz.

— Kitobni yetkazib berish hamkorimiz — maxsus kur`er “O’zbekiston pochtasi” OAJning zimmasida. Ya’ni, bu — kitobning yo’qolmay, qisqa vaqtda, arzon narxda va, asosiysi, davlat kafolati asosida o’z egasiga yetib boradi, deganidir. Yana bir kafolat haqida aytmoqchiman: biz toki buyurtmachiga yetazib berilgunga qadar kitobning qaysi yo’nalish bo’ylab “borayotgani”ni elektron-xarita orqali kuzatib turamiz.

— Kitoblar mavzusi, ruknlari cheklanmaganmi?

— Cheklanmagan. Saytimiz o’ttizga yaqin ruknni o’z ichiga olgan va bizga murojaat qilayotgan nashriyotlar taklifiga ko’ra ularning soni yanada oshib bormoqda. Ruknlar orasida eng qiziqarlisi, jajji kitobxonlarimizga atalgan “Bolalar va o’smirlar adabiyoti”dir. Unda 3 yoshlilar uchun mantiqni yoshlikdan shakkllantirib boruvchi kitoblardan tortib, 12 yoshlilarning psixologik muammolari hal etilishiga qaratilgan maxsus adabiyotlar ham mavjud. Shuningdek, ertaklar, topishmoq, tezaytish, she’riy kitoblar o’rin olgan.

— Demak, sayt faoliyati kitobxon uchun ham, kitob chiqarayotgan nashriyotlar uchun ham foydali.

— Kitobxon WWW.TAK.UZ internet-do’konida o’ziga kerakli kitobni izlashi uchun kitobning ichidagi biror “kalit” so’zni kiritsa kifoya, sayt tegishli kitoblar ro’yxatini taqdim etadi, vaholanki an’anaviy kitob do’konlari bunday imkoniyatni taqdim eta olmadi.
Nashriyotlar ham biz bilan hamkorlikdan manfaatdor. Sababi, birinchidan, ular o’z kitoblarini bizning sayt orqali bepul reklama qiladilar; ikkinchidan, ularning mahsuloti, ya’ni kitoblari sotiladi; uchinchidan, bu kitoblar saytimiz orqali kitobxonga yetkazib ham beriladi. Eng muhimi, biz bilan hamkor nashriyotlar tayyor marketing xizmatini bepul qo’lga kiritadilar. Biz ularga qanday kitoblarga ehtiyoj ortib yoki kamayib borayotgani, rejalashtirilayotgan kitoblariga xaridorlar bo’lish-bo’lmasligi, kitobxonlar uchun qanday mavzular dolzarb hisoblanishi kabi muhim ko’rsatkichlarni prognoz qilishda ko’mak bera olamiz.

— Sir bo’lmasa, hozirgacha kitobxonlarga qancha kitob yetkazib berildi?

— WWW.TAK.UZ internet-do’koni faoliyat boshlaganiga 6 oy bo’lishiga qaramay, respublikamizning har bir tumaniga kitob yetkazib berishga erishildi. Masalan, olis Qoraqalpog’iston tumani, Termiz va hokazo hududlapga buyurtmalar yetkzildi. Respubilkamizning 200 ga yaqin tumanida xaridorlarimiz mavjud. E’tiborli jihati, ular saytda ro’yxatdan o’tganliklari sababli yangi nashr etilgan kitoblar haqida muntazam ravishda sms-xabarlarini olib turadilar.

— Saytingizda test savollari orqali yoshlarning kasb tanlashiga oid murojaatlari ham ijobiy hal qilinadi, deb eshitdik.

— Saytimizga asosan kitobsevarlar tashrif buyurishini inobatga olib ularning farzandlari uchun “Kasbga yo’naltirish” nomli elektron dastur o’rnatilgan. Har bir ota-ona o’z o’g’il-qizining kelajakda kim bo’lishini bilishga intilishi tabiiy hol. Agar farzand o’zining kelajagini aniq tasavvur qilsa, juda katta ma’naviy va moddiy xarajatlarini tejashga erishadi. Shu bilan birga, maqsadli yo’naltirilgan hayot maroqli bo’ladi. Farzandni shu kabi kafolatli yo’lga solishning omili, bu — uning yoshlik, shakllanish (20 yoshgacha) davrida aniq kasbga bog’lanishi bilan izohlanadi. Bir sohani bir marta muvaffaqiyatli egallagan kimsa boshqa kasblarni ham egallash malakasini o’zida shakllantiradi, bu esa unda barcha vaziyatlarga moslashib borish imkoniyatini oshiradi.
Yuqorida qayd etilganlarning barchasiga turtki bo’ladigan boshlang’ich nuqta esa saytimizdagi “Kasbga yo’naltirish” nomli elektron dasturi hisoblanadi.

— Har holda mazkur testlar mutaxassislar tekshiruvidan o’tgan bo’lsa kerak?

— “Kasbga yo’naltirish” nomli elektron dasturi O’zbekiston Intellektual mulk agentligida qayd etilib, patent olingan, Xalq ta’limi vazirligining maxsus xizmatida tekshiruvdan o’tgan. Darvoqe, “Kasbga yo’naltirish” nomli elektron dasturidan o’tish, maqbul bo’lgan kasblarning ro’yxatini olishi bepul, o’quvchi maxsus tahliliy ma’lumotni talab qilgandagina tegishli summa (arzon — 3000 so’m)ga hisob taqdim etiladi. Ushbu hisobni esa Paynet yoki Clik to’lov tizimlari orqali amalga oshirish mumkin.

— Darvoqe, WWW.TAK.UZ da oliy o’quv yurtlariga o’qishga kirmoqchi bo’lgan abiturientlar uchun test savollari ham havola qilingan. Shu haqda batafsilroq tushuncha bersangiz.

— Kitobni o’qiyvergan bilan agar hayotga qo’llanmasa, u shunchaki quruq ma’lumot bo’lib qoladi. Bilasiz, oliy ma’lumot olish inson hayotida katta yutuq. Saytimizning yosh kitobxonlar uchun eng katta manfaatli jihati ularni universitet, institutlarga o’qishga kirishiga imkoniyat taqdim etayotganidir. Bu sohada ham ularga o’zgacha yondashuvni taklif qildik.
Saytimizda “Abiturient-2015” nomli test sinovi ishga tushirilgan. Unda har bir talabgor abiturient belgilangan muddatda (120 daqiqa davomida) qaysi intitutga kirishiga qarab maxsus test sinovidan o’tadi. Test sinovidan o’tish bepul, bu jarayonni istagancha amalga oshirib, maxsus ko’nikmalarni shakllantirishlari mumkin. Faqat tahliliy material, ya’ni natijalarni olishda abiturientga tegishli summa (bu ham arzon — 4000 so’m)ga hisob jo’natiladi. Mazkur hisobni ham Paynet yoki Clik to’lov tizimlari orqali to’lash mumkin.

— Sayt orqali kitoblar, gazeta va jurnallarga ham obuna bo’lish mumkinligi rostmi? Amaliyotda shunday holatlar ro’y berdimi?

— Obuna faoliyati ancha kuch va xarajatlarni talab qilishiga qaramasdan buni ham yo’lga qo’yishni oldimizga maqsad qilganmiz. Sababi, obuna nashr sohasini keskin rivojlantirishga xizmat qiladi. Bugungi kunda saytimiz orqali “Sinfdosh” va “Ta’lim texnologiyalari” jurnallari uchun obuna yo’lga qo’yilgan. Boshqa gazeta, jurnallar muharririyatlari ham bu xizmatdan foydalanishga qiziqish bildirmoqda, ular bilan tegishli hamkorlik yo’lga qo’yiladi. Shaxsan men “Tafakkur”, “Jahon adabiyoti” kabi “zabardast” jurnallarimizni saytimiz obunasi orqali chekka-chekkadagi o’quvchilarga yetkazib berishni bajonidil amalga oshirgan bo’lardim. Kelajakda nafaqat gazeta va jurnallar, balki kitoblarga ham obuna xizmatining yo’lga qo’yilishi ko’pchilik uchun qulaylik tug’diradi, deb o’ylayman.

— Shunday deysiz-u, kelgusida kitobga buyurtma beruvchilar soni ko’payib ketsa, faoliyatingiz qiyin kechmaydimi?

— Buyurtma beruvchilar soni ko’payib ketishi holatini kutib yotibmiz! O’shanda yuz berishi mumkin bo’lgan “qiyinchilik”lar biz uchun bayram bo’ladi.

— Anvar aka, “Tabib tabib emas, boshiga tushgan tabib” deganlaridek, o’zingiz kitob chiqarib, muammolarga duch kelganingiz uchun shu ishlarga qo’l urdingizmi?

— Birinchi marta kitobim nashrdan chiqqanida, kitobxonlarga taklif etgan paytlarimni eslayman. Boshdan o’tkazgan kechinmalarim esa “kitobning nashriyotdan to’g’ri kitobxonga borishi”, to’lovning to’ppa-to’g’ri nashriyotga tushishi haqida qayta-qayta o’ylashga majbur etgandi. Qadim xitoy faylasuflari: “Ehtiyot bo’ling, fikrlar moddiyatning boshlanishidir” deb ogohlantirganlari bejiz emas ekan. O’zimizning “Qimirlagan qir oshar” naqlidan kelib chiqadigan bo’lsak, kaminaning xayoli, orzusi uch yil deganda amaldagi saytga aylandi.

— Yana nimalar degan bo’lardingiz?

— Insonni miya boshqaradi, miyani esa bilim shakllantiradi. Oddiy odam ko’cha-ko’yda eshitganlari, ya’ni boshqalardan ko’rib, eshitib o’rganganlari umr kechirish uchun yetarli deb o’ylashadi. Umr “kechirish”, kechirib tashlab yuborish nuqtai-nazaridan ular haqdir, lekin inson sifatida yashash uchun “ko’cha ilmi” yetarli emasligini hamma ham tushunib yetavermaydi. Kitobda tizimlashtirilgan ma’lumotlar, haqiqiy rivojlanishga olib keladigan bilimlar saqlangan. Kitob haqida ko’p va xo’p gapirilgan, yana gapirish mumkin, lekin kitobning muhimlik darajasi hali to’liq anglab yetilmagan deb bilaman. Barpo etilayotgan inshootlar, binolar, zavod va fabrikalarniga barchasini jam qilganda ham kitob baribir o’zining ustunligini saqlab qoladi.

Men xalqimizga kitob yetkazib berishni sifatli oziq-ovqat, kiyim-kechak va boshqa mahsulotlar bilan bir qatorga qo’ygan bo’lardim. Shu yo’lda hamisha izlanish va harakatdaman. Eng asosiysi esa, men qilayotgan ishimdan mamnunman!

Quyidagi  www.tak.uz sayti ruknlari qanday nomlangani ma’qul?
O’z takliflaringizni saytga ma’lum qiling yoki shu sahifa ostida izoh yozib qoldiring:

09

1. O’quv-rejalashtirish xujjatlari
1. Badiiy kitoblar

2. Dunyo adabiyoti xazinasi
2. Dunyo adabiyoti xazinasidan

3. Zakovat durdonalari
3. Mashhur shaxslar hayoti

4. Kamolot kutubxonasi
4. Detektiv kitoblar

5. Mustaqil saboqlar
5. Bolalar adabiyoti
6. Salomatlik va ayollar kutubxonasi
6. Jahon xalqlari ertaklari

7. Davriy nashrlar
7. She’riy kitoblar
8. Ilmiy-ommabop kitoblar
8. Psixologiya, biznes va oila

9. XXI asr romani
9. XXI asr romani

10. Buyuk shaxslar
10. Shaxs ma’naviyati

11. Go’zallik sirlari
11. Muvaffaqiyat tamoyillari

12. Detektiv
12. Davriy nashrlar

13. Jahon adabiyoti
13. Salomatlik sirlari

14. Jahon xalqlari ertaklari
14. Ilmiy-ommabop kitoblar

15. Qiziq dunyo bu
15. Dunyo g’aroyibotlari

16. Mohir qo’llar
16. Darsliklar

17. Pazandachilik sirlari
17. Mustaqil saboqlar

18. Repetitor
18. Repetitor

19. Salomatlik sirlari
19. Abiturientlar uchun qo’llanmalar
20. Sarguzasht, mistika, qissa va hikoyalar
20. Darsliklar

21. Shaxs ma’naviyati
21. Ayollar va go’zallik

22. Yulduzlar so’ylaydi
22. Darsliklar

23. Ilmiy kitoblar
23. Kamolot kutubxonasi

24. Darsliklar
24. O’quv-rejalashtirish hujjatlari

25. Badiy kitoblar
25. Yulduzlar so’ylaydi

26. Psixologiya, biznes va oila
26. Sarguzasht, mistika, qissa va hikoyalar

27. Hajviy kitoblar
28. Pazandachilik sirlari

29. Mumtoz adabiyot
30. Zakovat durdonalari

04

(Tashriflar: umumiy 548, bugungi 1)

3 izoh

  1. Saytingizda kitob sotib olishda to’lov qanday amalga oshiriladi.Shu haqida ma’lumot bersangiz

  2. Bu savolni biz maqolada ko’rsatgan bog’lanma orqali sayt sahifasiga o’tib bersangiz ma’qul bo’ladi.

Izoh qoldiring