O’zbekiston Respublikasi Prezidenti Shavkat Mirziyoyevning O’zbekiston xalqiga Yangi yil tabrigi

Ashampoo_Snap_2017.01.01_01h12m32s_001_.png      Ўзбекистон Республикаси Президенти Шавкат Мирзиёевнинг Ўзбекистон халқига Янги йил табриги

ЎЗБЕКИСТОН РЕСПУБЛИКАСИ ПРЕЗИДЕНТИ
ШАВКАТ МИРЗИЁЕВНИНГ
ЎЗБЕКИСТОН ХАЛҚИГА

ЯНГИ ЙИЛ ТАБРИГИ
009

Азиз ва муҳтарам ватандошлар!

Бетакрор диёримизга янги – 2017 йил кириб келмоқда.

Сиз, муҳтарам отахон ва онахонлар, меҳрибон опа-сингилларимиз, навқирон ёшларимиз, бутун халқимизни янги йил байрами билан чин қалбимдан табриклайман.

Барчангизга сиҳат-саломатлик, бахт ва қувонч тилайман.

Поёнига етаётган 2016 йилда юртимиз ҳаётида яхши кунлар, улкан ютуқ ва марралар кўп бўлди. Шу билан бирга, афсуски, бошимизга оғир ташвиш ва синовлар ҳам тушди.

Лекин бу синовлар эл-юртимизни янада бирлаштирди. Мард халқимизнинг матонати туфайли биз бу синовлардан ҳам муносиб ўтдик.

Якунига етаётган йил аввало мустақил Ватанимиз 25 ёшга тўлган йил сифатида тарихимизда ўчмас из қолдирмоқда.

Ўтаётган йилни деҳқон ва фермерларимиз, ишчи ва қурувчилар, ўқитувчи ва шифокорлар, жасур ҳарбийларимиз, олимлар, ижодкор зиёлилар – барча касб эгалари ўз соҳалари бўйича ёруғ юз билан якунладилар.

Айниқса, юртимиз спортчилари Олимпиада ва Паралимпия ўйинларида эришган беқиёс ютуқлар мамлакатимиз шуҳратини бутун дунёда янада юксалтирди.

Бир сўз билан айтганда, ўтиб бораётган йилдан рози бўлиб, ҳар қанча шукрона айтсак арзийди.

Қадрли дўстлар!

Биз кириб келаётган 2017 йилга “Халқ билан мулоқот ва инсон манфаатлари йили” деб ном бердик.

Бунинг негизида “Инсон манфаатлари ҳамма нарсадан улуғ” деган олижаноб мақсад ва вазифалар ётибди.

Янги йилда бу борадаги дастурий вазифаларни амалга оширишда барчамизнинг, аввало, раҳбар ва етакчиларнинг бир жону бир тан бўлиб, астойдил меҳнат қилишларига ишонаман.

Юртимизда тинчлик ва барқарорлик, тараққиёт, ўзаро ҳурмат ва меҳр-оқибатни мустаҳкамлаш бундан буён ҳам асосий вазифамиз бўлиб қолади.

Азиз ватандошларим, қадрдонларим!

Мана шу қувончли дамларда барчангизни Янги йил байрами билан самимий муборакбод этаман.

Юртимиздаги ҳар бир оилага тинчлик-хотиржамлик, бахт ва омад ҳамда фаровонлик тилайман.

Янги – 2017 йилнинг қадами жонажон Ватанимизга қутлуғ ва баракали келсин!

Янги йил барчамизга муборак бўлсин!

O‘ZBЕKISTON RЕSPUBLIKASI PRЕZIDЕNTI
SHAVKAT MIRZIYOYEVNING
O‘ZBЕKISTON XALQIGA

YANGI YIL TABRIGI
009

5_n.jpgAziz va muhtaram vatandoshlar!

Betakror diyorimizga yangi – 2017 yil kirib kelmoqda.

Siz, muhtaram otaxon va onaxonlar, mehribon opa-singillarimiz, navqiron yoshlarimiz, butun xalqimizni yangi yil bayrami bilan chin qalbimdan tabriklayman.

Barchangizga sihat-salomatlik, baxt va quvonch tilayman.

Poyoniga yetayotgan 2016 yilda yurtimiz hayotida yaxshi kunlar, ulkan yutuq va marralar ko‘p bo‘ldi. Shu bilan birga, afsuski, boshimizga og‘ir tashvish va sinovlar ham tushdi.

Lekin bu sinovlar el-yurtimizni yanada birlashtirdi. Mard xalqimizning matonati tufayli biz bu sinovlardan ham munosib o‘tdik.

Yakuniga yetayotgan yil avvalo mustaqil Vatanimiz 25 yoshga to‘lgan yil sifatida tariximizda o‘chmas iz qoldirmoqda.

O‘tayotgan yilni dehqon va fermerlarimiz, ishchi va quruvchilar, o‘qituvchi va shifokorlar, jasur harbiylarimiz, olimlar, ijodkor ziyolilar – barcha kasb egalari o‘z sohalari bo‘yicha yorug‘ yuz bilan yakunladilar.

Ayniqsa, yurtimiz sportchilari Olimpiada va Paralimpiya o‘yinlarida erishgan beqiyos yutuqlar mamlakatimiz shuhratini butun dunyoda yanada yuksaltirdi.

Bir so‘z bilan aytganda, o‘tib borayotgan yildan rozi bo‘lib, har qancha shukrona aytsak arziydi.

Qadrli do‘stlar!

Biz kirib kelayotgan 2017 yilga “Xalq bilan muloqot va inson manfaatlari yili” deb nom berdik.

Buning negizida “Inson manfaatlari hamma narsadan ulug‘” degan olijanob maqsad va vazifalar yotibdi.

Yangi yilda bu boradagi dasturiy vazifalarni amalga oshirishda barchamizning, avvalo, rahbar va yetakchilarning bir jonu bir tan bo‘lib, astoydil mehnat qilishlariga ishonaman.

Yurtimizda tinchlik va barqarorlik, taraqqiyot, o‘zaro hurmat va mehr-oqibatni mustahkamlash bundan buyon ham asosiy vazifamiz bo‘lib qoladi.

Aziz vatandoshlarim, qadrdonlarim!

Mana shu quvonchli damlarda barchangizni Yangi yil bayrami bilan samimiy muborakbod etaman.

Yurtimizdagi har bir oilaga tinchlik-xotirjamlik, baxt va omad hamda farovonlik tilayman.

Yangi – 2017 yilning qadami jonajon Vatanimizga qutlug‘ va barakali kelsin!

Yangi yil barchamizga muborak bo‘lsin!

009

(Tashriflar: umumiy 271, bugungi 1)

Izoh qoldiring