O‘zbekiston xalq shoiri Anvar Obidjon vafot etdi / Ўзбекистон халқ шоири Анвар Обиджон вафот этди

045 11 апрель куни Ўзбекистон халқ шоири, ўзбек болалар адабиётининг ёрқин сиймоси Анвар Обиджон вафот этди. Бу ҳақда Ёзувчилар уюшмаси хабар берди. Аллоҳи Карим кўп йиллик хизматдошим, акамдек қадрдон инсонни раҳматига олган бўлсин. Инна лиллаҳи ва инна илайҳи рожиъун

Анвар Обиджон Ўзбек адабиётининг кўзга кўринган намояндаларидан бири, ҳажвий адабиёт анъаналарини муваффақият билан ривожлантириб келаётган адиб эди. У 1947 йил 8 январда Фарғона вилоятининг Олтиариқ туманидаги Полосон қишлоғида туғилган. ТошДУ (ҳозирги ЎзМУ)нинг журналистика факультетини тамомлаган.

«Она ер», «Эй, Ёруғ дунё», «Оловжон ва унинг дўстлари», «Безгакшамол», «Аканг қарағай Гулмат», «Масхарабоз бола», «Жуда қизиқ воқеа», «Ерликлар», «Мешполвоннинг жанглари», «Аламазон ва Гулмат ҳангомаси», «Ажойибхона», «Олтиариқ ҳангомалари», «Одобли бўлиш осонми?», «Танланган шеърлар», «Ўғирланган паҳлавон», «Баҳромнинг ҳикояси» каби достон, қиссалар, шеърлар, пьесалар ва ҳажвий асарлардан иборат тўпламлар муаллифидир. Унинг «Қўнғироқли ёлғончи», «Топсанг ҳай-ҳай», «Қоринботир», «Тўтиқул» каби асарлари мамлакатимиз театрларида саҳналаштирилган.

Адиб 1997 йилда «Шуҳрат» медали, 2011 йилда «Фидокорона хизматлари учун» ордени билан тақдирланган.

«Хуршид Даврон кутубхонаси» вебсаҳифаси кўп сонли муштарийлари номидан марҳумнинг яқинларига ҳамдардлик билдиради.

«Хуршид Даврон кутубхонаси»да Анвар Обиджон ҳаёти ва ижоди билан боғлиқ саҳифалар.

11 aprel’ kuni O‘zbekiston xalq shoiri, o‘zbek bolalar adabiyotining yorqin siymosi Anvar Obidjon vafot etdi. Bu haqda Yozuvchilar uyushmasi xabar berdi. Allohi Karim ko‘p yillik xizmatdoshim, akamdek qadrdon insonni rahmatiga olgan bo‘lsin. Inna lillahi va inna ilayhi roji’un

Anvar Obidjon O‘zbek adabiyotining ko‘zga ko‘ringan namoyandalaridan biri, hajviy adabiyot an’analarini muvaffaqiyat bilan rivojlantirib kelayotgan adib edi. U 1947 yil 8 yanvarda Farg‘ona viloyatining Oltiariq tumanidagi Poloson qishlog‘ida tug‘ilgan. ToshDU (hozirgi O‘zMU)ning jurnalistika fakul’tetini tamomlagan.

«Ona yer», «Ey, Yorug‘ dunyo», «Olovjon va uning do‘stlari», «Bezgakshamol», «Akang qarag‘ay Gulmat», «Masxaraboz bola», «Juda qiziq voqea», «Erliklar», «Meshpolvonning janglari», «Alamazon va Gulmat hangomasi», «Ajoyibxona», «Oltiariq hangomalari», «Odobli bo‘lish osonmi?», «Tanlangan she’rlar», «O‘g‘irlangan pahlavon», «Bahromning hikoyasi» kabi doston, qissalar, she’rlar, p’esalar va hajviy asarlardan iborat to‘plamlar muallifidir. Uning «Qo‘ng‘iroqli yolg‘onchi», «Topsang hay-hay», «Qorinbotir», «To‘tiqul» kabi asarlari mamlakatimiz teatrlarida sahnalashtirilgan.

Adib 1997 yilda «Shuhrat» medali, 2011 yilda «Fidokorona xizmatlari uchun» ordeni bilan taqdirlangan.

«Xurshid Davron kutubxonasi» veb-sahifasi ko‘p sonli mushtariylari nomidan marhumning yaqinlariga hamdardlik bildiradi.

«Xurshid Davron kutubxonasi»da Anvar Obidjon hayoti va ijodi bilan bog‘liq sahifalar

021

(Tashriflar: umumiy 350, bugungi 1)

Izoh qoldiring