Isfandiyor Nazar. Men urushga kiraman.

077

Қутурган Исроилнинг Фаластин тупроғида беомон қирғин урушини олиб бораётгани ўзини шоир деб юрганларни эмас,табиий равишда асл шоирларни безовта қилмоқда. Ана шундай қирғинга қарши ўз овозини дунёга сочган шоирлардан бири Исфандиёр Назар бўлди. Ажойиб шоира Олима Набизоданинг таржимаси туфайли биз шоир овозини эшитиб, сизга тақдим этмоқдамиз.

089
ИСФАНДИЁР НАЗАР
МЕН УРУШГА КИРАМАН…
Олима Набизодадан эркин таржима
098

Инсониятни севаман.
Ёмонлик менинг тилагим эмас,
Динимда ёмонлик ояти йўқдир.
Пайғамбарим раҳмат ирмоғидан сув келтирмиш.
Қурол қўлимда фақат рамздир
Ва мен учун қонташналар бир дашном кабидир.
Мен ҳатто болалар урушиб, бир соат ранжисалар-да,
Бунга ҳам мухолифман!
Қуш уясин бузган бўронларга ҳам қаҳрим келади.
Ҳеч қачон
мен
уруш тарафдори бўлмасман,
чумоли инига сув қўймасман,
чўп суқмасман ари инига.
Инсу жину ҳайвон жаҳлин чиқармоқни ёмон кўраман.
Аммо
Агар Натанёҳу фаластин гўдагин ўлдирса,
фаластинликнинг уйин оташларга совурса,
Агар Барак бу қабиҳ жиноятда Натанёҳуга пуштибон бўлса,
Агар Саъудия бу ўтсоларда хомуш қолса…
Шунда
қиличим дастасин ўпиб,
камонимни эркалаб,
борут ҳиди атрига нафасим тўлдириб
Мен урушга кираман!
Зеро мен
шаррият эмас,
башарият тарафдориман!
Натанёҳу инсон эмас,
Ва ҳар ким унга пуштибон бўлса, бани Одамдан эмас!
Мен тинчлик тарафдориман:
Аммо Натанёҳу билан тинчликдан эмас!
Мен урушдан безорман,
Аммо Натанёҳу билан урушдан эмас!
Инсоният душмани – Натанёҳу!
Аҳриманга қарши урушга чорлаган
Худоси Аҳуро бўлган диндан ҳам сўзлай:
Мен инсониятни,
башарият пайғамбарларин севаман!
Ва раҳмат ирмоғидан сув ичганман.
Мен тинчлик тарафдориман,
аммо ёмонликка қарши
қуролланмоғим шарт!

09.08.2014

098

091Исфандиёр Назар бугунги тожик шеъриятининг ёрқин вакилларидан бири. У шоир ўз замонасининг овози бўлиши керак деб ижод қилади. Исфандиёр Назар 1971 йили Тожикистоннинг Суғд вилояти Айний туманидаги Дарғи қишлоғида туғилган. 1989 йили ўрта мактабни якунлаб, Тожикистон Миллий Университетининг шарқшунослик факультетида таҳсил олган. Илк тўплами «Руҷӯи Исфандиёр» 1993 йили нашр этилган. Шу пайтгача адибнинг «Маро супору бирав», «Як сока ребос», «Ёдгори хуну хокистар», «Аз маъбари тӯфон», «Эй шеър», «Ҳамхуни Деваштич» каби шеърий, «Пули ҳаром», «Тӯмори хунин», «Нахл дар мурдоб» каби насрий ва илмий-оммабоп йўналишида ёзилган «Шеъри шоир таронаи қудсист», «Дарғи шариф — таърихи мухтасар», «Ду ҷашни бузурги миллӣ: Наврӯз ва Меҳргон», «Наврӯзи Дарғ», «Бо лаҳҷаи дарғӣ» номли китоблари чоп этилган. Шунингдек,Шарқ назми ва тасаввуф алломалари ижоди билан боғлиқ тўпламларни тайёрлаган.

Isfandiyor Nazar bugungi tojik she’riyatining yorqin vakillaridan biri. U shoir o’z zamonasining ovozi bo’lishi kerak deb ijod qiladi. Isfandiyor Nazar 1971 yili Tojikistonning Sug’d viloyati Ayniy tumanidagi Darg’i qishlog’ida tug’ilgan. 1989 yili o’rta maktabni yakunlab, Tojikiston Milliy Universitetining sharqshunoslik fakul`tetida tahsil olgan. Ilk to’plami «Rujo’i Isfandiyor» 1993 yili nashr etilgan. Shu paytgacha adibning «Maro suporu birav», «Yak soka rebos», «Yodgori xunu xokistar», «Az ma’bari to’fon», «Ey she’r», «Hamxuni Devashtich» kabi she’riy, «Puli harom», «To’mori xunin», «Naxl dar murdob» kabi nasriy va ilmiy-ommabop yo’nalishida yozilgan «She’ri shoir taronai qudsist», «Darg’i sharif — ta’rixi muxtasar», «Du jashni buzurgi milliy: Navro’z va Mehrgon», «Navro’zi Darg'», «Bo lahchai darg’iy» nomli kitoblari chop etilgan. Shuningdek,Sharq nazmi va tasavvuf allomalari ijodi bilan bog’liq to’plamlarni tayyorlagan.

089
ISFANDIYOR NAZAR
MEN URUSHGA KIRAMAN…
Olima Nabizodadan erkin tarjima
098

Insoniyatni sevaman.
Yomonlik mening tilagim emas,
Dinimda yomonlik oyati yo’qdir.
Payg’ambarim rahmat irmog’idan suv keltirmish.
Qurol qo’limda faqat ramzdir
Va men uchun qontashnalar bir dashnom kabidir.
Men hatto bolalar urushib, bir soat ranjisalar-da,
Bunga ham muxolifman!
Qush uyasin buzgan bo’ronlarga ham qahrim keladi.
Hech qachon
men
urush tarafdori bo’lmasman,
chumoli iniga suv qo’ymasman,
cho’p suqmasman ari iniga.
Insu jinu hayvon jahlin chiqarmoqni yomon ko’raman.
Ammo
Agar Natanyohu falastin go’dagin o’ldirsa,
falastinlikning uyin otashlarga sovursa,
Agar Barak bu qabih jinoyatda Natanyohuga pushtibon bo’lsa,
Agar Sa’udiya bu o’tsolarda xomush qolsa…
Shunda
qilichim dastasin o’pib,
kamonimni erkalab,
borut hidi atriga nafasim to’ldirib
Men urushga kiraman!
Zero men
sharriyat emas,
bashariyat tarafdoriman!
Natanyohu inson emas,
Va har kim unga pushtibon bo’lsa, bani Odamdan emas!
Men tinchlik tarafdoriman:
Ammo Natanyohu bilan tinchlikdan emas!
Men urushdan bezorman,
Ammo Natanyohu bilan urushdan emas!
Insoniyat dushmani – Natanyohu!
Ahrimanga qarshi urushga chorlagan
Xudosi Ahuro bo’lgan dindan ham so’zlay:
Men insoniyatni,
bashariyat payg’ambarlarin sevaman!
Va rahmat irmog’idan suv ichganman.
Men tinchlik tarafdoriman,
ammo yomonlikka qarshi
qurollanmog’im shart!

09.08.2014

011

(Tashriflar: umumiy 57, bugungi 1)

Izoh qoldiring