Rauf Parfi. Derazamga uriladi qor…& «Ko’zlar» to’plami (1978)

Ashampoo_Snap_2017.12.14_14h23m01s_001_.pngУстоз Рауф Парфи таваллудининг 75 йиллиги олдидан

   Рауф Парфи (1943 — 2005) ХХ аср ўзбек адабиётининг энг ёрқин сиймоларидан биридир.  Бу саҳифада устознинг қор мавзусида ёзилган энг сара шеърлари тақдим этилмоқда.

Рауф Парфи
ДЕРАЗАМГА УРИЛАДИ ҚОР
07

ДЕРАЗАМГА УРИЛАДИ ҚОР,0-RP-1.JPG
Жаранглайди жарангсиз кумуш.
Деразамга урилади қор,
Қор сингари оппоқ бўлди туш.

Бир ажойиб қор ёғар бу кеч,
Учиб тушар менинг ёнимга…
Мен-ку, сени ўйламасман ҳеч,
Сен тушасан аммо ёдимга…

1963

АЙЛАНИБ ТУШАР ҚОР ЙЎЛИМГА…
Қўлингни қўйгил ёр, қўлимга.

Сен қолдинг муҳр каби лабимда.
Сен- бир дард асабий, қалбимда.

Кўзимга беркитай ва лекин
Ёшдай оқиб кетма, севгилим.

1963

ПАҒА-ПАҒА ОППОҚ ҚОР ЁҒАР,
Боғлар киймиш илоҳий либос.
Юрагимни бир оташ доғлар –
Қуёш тутиб келаётир ёз.

Нима бўлди? Кипригинг намли,
Кўзларингда яширин асрор.
Девордаги суратим қани?
Нима бўлди? Қалбингда не бор?

Ёғар оппоқ, паға-паға қор,
Дардим қорлар каби сочилар.
Ҳув, йироқда гуллаган баҳор
Бўйлари кўксимга санчилар…

1969

qorRauf Parfi (1943 — 2005) XX asr o‘zbek adabiyotining eng yorqin siymolaridan biridir. Bu sahifada ustozning qor mavzusida yozilgan eng sara she’rlari taqdim etilmoqda.

Rauf Parfi
DЕRAZAMGA URILADI QOR
07

DЕRAZAMGA URILADI QOR,343s.jpeg
Jaranglaydi jarangsiz kumush.
Derazamga uriladi qor,
Qor singari oppoq bo‘ldi tush.

Bir ajoyib qor yog‘ar bu kech,
Uchib tushar mening yonimga…
Men-ku, seni o‘ylamasman hech,
Sen tushasan ammo yodimga…

1963

AYLANIB TUSHAR QOR YO‘LIMGA…
Qo‘lingni qo‘ygil yor, qo‘limga.

Sen qolding muhr kabi labimda.
Sen- bir dard asabiy, qalbimda.

Ko‘zimga berkitay va lekin
Yoshday oqib ketma, sevgilim.

1963

PAG‘A-PAG‘A OPPOQ QOR YOG‘AR,
Bog‘lar kiymish ilohiy libos.
Yuragimni bir otash dog‘lar –
Quyosh tutib kelayotir yoz.

Nima bo‘ldi? Kipriging namli,
Ko‘zlaringda yashirin asror.
Devordagi suratim qani?
Nima bo‘ldi? Qalbingda ne bor?

Yog‘ar oppoq, pag‘a-pag‘a qor,
Dardim qorlar kabi sochilar.
Huv, yiroqda gullagan bahor
Bo‘ylari ko‘ksimga sanchilar…

1969

Rauf Parfi. Ko’zlar by Khurshid Davron on Scribd

011

(Tashriflar: umumiy 297, bugungi 1)

Izoh qoldiring