Zuhra Ochilova. Kuz she’rlari

004    Шаҳрисабзлик истеъдодли, изланувчан шоира Зуҳра Очилованинг “Мовий ифор”, “Гулшамол”, “Тафтли ошён” номли шеърий тўпламлари нашр қилинган. “ Сезимлар ҳисси” тўплами нашр этилиш арафасида. Бугунги саҳифамизда шоиранинг янги шеърлари билан танишасиз. Шахсан менга бу шеърлар яхши таассурот қолдирди…

Зуҳра Очилова
КУЗ ШЕЪРЛАРИ
007

 044  Зуҳра Очилова (Ачилова Зухра Қурбоновна) – 1975-йил 30- ноябрда Қашқадарё вилояти Шаҳрисабз шаҳрида туғилган. Шаҳардаги Қори – Ниёзий номли 7-сонли умумий ўрта таълим мактабида сабоқ олган. Ҳамза номидаги Шаҳрисабз Педагогика билим юртининг мактабгача таълим мутахассислиги бўйича сиртдан ўқиган. Қарши Давлат Университетининг ўзбек филологияси факулътетеда сиртдан таҳсил олган. Кўп йиллардан буён таълим соҳасида фаолият юритиб келмоқда. Илмий-услубий ва илмий- адабий мақолалари республика ва хориж илмий-амалий анжуман нашрларида чоп этилган.
  Зуҳра Очилованинг туман, вилоят, республика матбуотларида назмий, насрий, публицистик асарлари эълон қилинган. Хусусан, “Мангулик даъвати”, “Қашқадарё баёзи”, “Теран илдизлар”, “ Ҳаёт чашмалари”, “Кенгликлар шовури” каби жамоавий тўпламларида ижодидан намуналар ўрин олган.
Шоиранинг “Мовий ифор”, “Гулшамол”, “Тафтли ошён” номли шеърий тўпламлари нашр қилинган. “ Сезимлар ҳисси” тўплами нашр этилиш арафасида.

***

Уммон тубидан соҳилга
чиқиб қолган чиғаноқнинг
бўш уясини
пуфлайди кўнгил излаб йўлга
отланган шамол
чайқалади зангор уммон
мудроқлик чекинар
оҳиста чайқалар тўлқинлар

чиғаноқнинг навоси ишорат
олиб борар шамолни
бошланган ва туганмас
кўнгил синоатига
шунғийди чексизлик сари хаёл
туйғуларга тинимоқ истар

2018 

***

Ташландиқ ўйлар
сонсираб ётибди
онларининг оҳори эскириб

чивин бузолмас
вақти тугаётган фаслни
босириқ тўсиғин

тирикчиликдан эзилган жони
ўзини еб тугатар
чиқинди титкилаган қумурсқа

яшил қурт ўрмалар
маъюс тусга кирар ҳаракат
ибтидоси хазонрезни пинҳона изми…

кириб келар кузни тўзғин ёмғири…

2018 

***

Ваҳий келгач
Сўз пилласидан
Учиб чиқар улғайиб
Ёнарчироқ бўлгали дил
Дунёлар келар ибодатга…

2018 

***

Хайрли тонг умрим
Хайрли кечсин кутилаётган бугуним
татигулик битикларни қўмсаган аср
Хайрли муҳаббатни
Хайрли шавқатни истайман
Фақат Ўзингдан
Хайрли қил илтижомни
Хайрли таваллудинг бўлай қароғингда
Хайрли тонг азиз боқийлик

2018 

***

1.
Ҳозир Кузман –
Биров борлигимни билмаган
Нотаниш рангдаги фасл
Кутилмаган ғайриаломат каби
(кўринишим шунақа холос)

2.

Кузнинг зарғалдоқ оғочи – мен
Илдизимдан такрор гуллайди баҳор
Япроғим упасидан безанади кун
Кўника олмас менсиз ўзини борлигига
Бокира исимни соғинади ҳаёт
Кузни яшаб ўтяпман ҳозирча…

2018

Мен

Мақсад на эди жаҳона келдинг?
Кайфиятини баён этиб кет.
Нодира

Тўққиз ойли рақамда авайланган –
ҒОЙИБ ҲИСларининг тарихиман
Ахир
ДИЛ қилиб,
СЎЗ қилиб,
ДАРД қилиб туққан куюнчак онам

“Мен”им ташрифимга
мунтазир бўлган жаҳона
Бесабаб келмас
Бемақсад эмас
Мендан қадар менга имтиҳон манзилим бор
Танимоғим учун ўзимни
Қисматимни кайфиятини
Баён этмоққа келганлигим рост
Ҳикоятим – МЕН!
Мен бу – Мен!…
Сўйланиши керак бўлган Мен!…

2018 

Шамол муаллақлиги

Мувозанати бор
Муаллақ шамолнинг
Унинг борлиғи –
Ҳечликка ўхшамас латиф
ёввойилик…

Севгиси тутқуч бермаган
Муаллақ шамол
Изларидан қўзғалар ҳаво
Товонига илашиб
Гуллагай замин
Кўклам исмига ўгрилар

Тентаклик туюлар авомга
Қуюн сасли муаллақ ўйлар
Пишқирар сувларнинг эси
Ёз шамолин қайноқ ҳилида
Севилади тошларнинг йиртқич туйғуси…

Алвонруҳ муаллақликда
алланечук мафтунлик бор
вақт рўпарасида
тўзинган кузак
орастасиз макон тўзиниб ётар
тўзғинди шамол ҳаловатида

Бўрон турар ичкарисида
буралиб бўзлайди муаллақ
ғуборсиз наводан оқланар
жулдур яланглик
қишловини бошлар мадорсиз
оғриқ
шамол муаллақ юритар бедорликни

2018 

***

Неча минг-минг асрдан буён
Ботиннинг илдизларида
Яшар туйғуларнинг
Марғуб исёни
Ғойибдан ғойибга ўтар
Руҳдан руҳга кўчар
Айланаётган Коинотлар қароғига
Битилар БУЗРУК СЎЗлар
Дунёлар тўкилар Унинг пойига
Сўнмас *Бобо Ғойиб Бузрук юлдузи…

2018 

*Аждод номи.

Изтиробнинг катта кўзлари…
( Эски дафтардан)

Қачонлардир ёзгандим
шундайин сатр:
“Изтиробнинг катта кўзлари”
Сувратини чизгандим қачонлардир
Изтиробнинг катта кўзларини
Ноёб эди изтироб ранги
Улғайиб қолди ушшоққина ақлим
Улканлашиб кетди изтиробдан юрагим
Бироқ, гўдак назари билан қарайман
Изтиробнинг катта кўзларига
Чунки унда изтиробли иймон бор
Ва хиёнат қилмас виждонга…

2018

***

Тошларга
тўқнашади эснаган осмон
ёмғир ёғилиб тўқнашар
момгулдаракни тўқнашар овози
тўқнашади камалак изи
югурик ел тўқнашар
тўқнашади қуёшли тафтлар
юлдузларни хаёли тўқнашар
тўқнашиб сочилар шабнам мунчоқлари
вақт ўйлаб топмаган
мавсумлар тўқнашар
тошлар кўксидаги
ажиб ёзғириқларга…
сўнмас тошлар садоси…

2018 

 033  Shahrisabzlik isteʼdodli, izlanuvchan shoira Zuhra Ochilovaning “Moviy ifor”, “Gulshamol”, “Taftli oshyon” nomli sheʼriy toʻplamlari nashr qilingan. “ Sezimlar hissi” toʻplami nashr etilish arafasida. Bugungi sahifamizda shoiraning yangi sheʼrlari bilan tanishasiz. Shaxsan menga bu sheʼrlar yaxshi taassurot qoldirdi…

Zuhra Ochilova
KUZ SHEʼRLARI
007

09Zuhra Ochilova (Achilova Zuxra Qurbonovna) – 1975-yil 30- noyabrda Qashqadaryo viloyati Shahrisabz shahrida tugʻilgan. Shahardagi Qori – Niyoziy nomli 7-sonli umumiy oʻrta taʼlim maktabida saboq olgan. Hamza nomidagi Shahrisabz Pedagogika bilim yurtining maktabgacha taʼlim mutaxassisligi boʻyicha sirtdan oʻqigan. Qarshi Davlat Universitetining oʻzbek filologiyasi fakulʼteteda sirtdan tahsil olgan. Koʻp yillardan buyon taʼlim sohasida faoliyat yuritib kelmoqda. Ilmiy-uslubiy va ilmiy- adabiy maqolalari respublika va xorij ilmiy-amaliy anjuman nashrlarida chop etilgan.
Zuhra Ochilovaning tuman, viloyat, respublika matbuotlarida nazmiy, nasriy, publitsistik asarlari eʼlon qilingan. Xususan, “Mangulik daʼvati”, “Qashqadaryo bayozi”, “Teran ildizlar”, “ Hayot chashmalari”, “Kengliklar shovuri” kabi jamoaviy toʻplamlarida ijodidan namunalar oʻrin olgan.
Shoiraning “Moviy ifor”, “Gulshamol”, “Taftli oshyon” nomli sheʼriy toʻplamlari nashr qilingan. “ Sezimlar hissi” toʻplami nashr etilish arafasida.

* * *

Ummon tubidan sohilga
chiqib qolgan chigʻanoqning
boʻsh uyasini
puflaydi koʻngil izlab yoʻlga
otlangan shamol
chayqaladi zangor ummon
mudroqlik chekinar
ohista chayqalar toʻlqinlar

chigʻanoqning navosi ishorat
olib borar shamolni
boshlangan va tuganmas
koʻngil sinoatiga
shungʻiydi cheksizlik sari xayol
tuygʻularga tinimoq istar

2018

***

Tashlandiq oʻylar
sonsirab yotibdi
onlarining ohori eskirib

chivin buzolmas
vaqti tugayotgan faslni
bosiriq toʻsigʻin

tirikchilikdan ezilgan joni
oʻzini yeb tugatar
chiqindi titkilagan qumursqa

yashil qurt oʻrmalar
maʼyus tusga kirar harakat
ibtidosi xazonrezni pinhona izmi…

kirib kelar kuzni toʻzgʻin yomgʻiri…

2018

***

Vahiy kelgach
Soʻz pillasidan
Uchib chiqar ulgʻayib
Yonarchiroq boʻlgali dil
Dunyolar kelar ibodatga…

2018

***

Xayrli tong umrim
Xayrli kechsin kutilayotgan bugunim
tatigulik bitiklarni qoʻmsagan asr
Xayrli muhabbatni
Xayrli shavqatni istayman
Faqat Oʻzingdan
Xayrli qil iltijomni
Xayrli tavalluding boʻlay qarogʻingda
Xayrli tong aziz boqiylik

2018

***

1.
Hozir Kuzman –
Birov borligimni bilmagan
Notanish rangdagi fasl
Kutilmagan gʻayrialomat kabi
(koʻrinishim shunaqa xolos)

2.

Kuzning zargʻaldoq ogʻochi – men
Ildizimdan takror gullaydi bahor
Yaprogʻim upasidan bezanadi kun
Koʻnika olmas mensiz oʻzini borligiga
Bokira isimni sogʻinadi hayot
Kuzni yashab oʻtyapman hozircha…

2018

Men

Maqsad na edi jahona kelding?
Kayfiyatini bayon etib ket.
Nodira

Toʻqqiz oyli raqamda avaylangan –
GʻOYIB HISlarining tariximan
Axir
DIL qilib,
SOʻZ qilib,
DARD qilib tuqqan kuyunchak onam

“Men”im tashrifimga
muntazir boʻlgan jahona
Besabab kelmas
Bemaqsad emas
Mendan qadar menga imtihon manzilim bor
Tanimogʻim uchun oʻzimni
Qismatimni kayfiyatini
Bayon etmoqqa kelganligim rost
Hikoyatim – MЕN!
Men bu – Men!…
Soʻylanishi kerak boʻlgan Men!…

2018

Shamol muallaqligi

Muvozanati bor
Muallaq shamolning
Uning borligʻi –
Hechlikka oʻxshamas latif
yovvoyilik…

Sevgisi tutquch bermagan
Muallaq shamol
Izlaridan qoʻzgʻalar havo
Tovoniga ilashib
Gullagay zamin
Koʻklam ismiga oʻgrilar

Tentaklik tuyular avomga
Quyun sasli muallaq oʻylar
Pishqirar suvlarning esi
Yoz shamolin qaynoq hilida
Seviladi toshlarning yirtqich tuygʻusi…

Alvonruh muallaqlikda
allanechuk maftunlik bor
vaqt roʻparasida
toʻzingan kuzak
orastasiz makon toʻzinib yotar
toʻzgʻindi shamol halovatida

Boʻron turar ichkarisida
buralib boʻzlaydi muallaq
gʻuborsiz navodan oqlanar
juldur yalanglik
qishlovini boshlar madorsiz
ogʻriq
shamol muallaq yuritar bedorlikni

2018

***

Necha ming-ming asrdan buyon
Botinning ildizlarida
Yashar tuygʻularning
Margʻub isyoni
Gʻoyibdan gʻoyibga oʻtar
Ruhdan ruhga koʻchar
Aylanayotgan Koinotlar qarogʻiga
Bitilar BUZRUK SOʻZlar
Dunyolar toʻkilar Uning poyiga
Soʻnmas *Bobo Gʻoyib Buzruk yulduzi…

2018

*Ajdod nomi.

Iztirobning katta koʻzlari…
( Eski daftardan)

Qachonlardir yozgandim
shundayin satr:
“Iztirobning katta koʻzlari”
Suvratini chizgandim qachonlardir
Iztirobning katta koʻzlarini
Noyob edi iztirob rangi
Ulgʻayib qoldi ushshoqqina aqlim
Ulkanlashib ketdi iztirobdan yuragim
Biroq, goʻdak nazari bilan qarayman
Iztirobning katta koʻzlariga
Chunki unda iztirobli iymon bor
Va xiyonat qilmas vijdonga…

2018

***

Toshlarga
toʻqnashadi esnagan osmon
yomgʻir yogʻilib toʻqnashar
momguldarakni toʻqnashar ovozi
toʻqnashadi kamalak izi
yugurik yel toʻqnashar
toʻqnashadi quyoshli taftlar
yulduzlarni xayoli toʻqnashar
toʻqnashib sochilar shabnam munchoqlari
vaqt oʻylab topmagan
mavsumlar toʻqnashar
toshlar koʻksidagi
ajib yozgʻiriqlarga…
soʻnmas toshlar sadosi…

2018

005

(Tashriflar: umumiy 80, bugungi 1)

2 izoh

  1. Sohre singlimiz ajayyp sher yazypdyr. Sherler mazmunga bay.Sevip okidim. Yakshi yazilgan.

Izoh qoldiring