Akbar Qo’shali. Bu oqshom tog’larda yomg’ir yog’ajak

044    Акбар ҚЎшали (Əkbər Qoşalı )– 1973 йили 3 апрелда Озарбайжоннинг Товуз туманидаги Қўша қишлоғида туғилган. 1998 йилдан Озарбайжон Ёзувчилар уюшмаси аъзоси. “»Ömür qoyub gedənlər» (1998), «Nursultan Nazarbayev» (2002), «Ölümlərin ötəsi» (şeir və deyimlər 2007) номли китоблари нашр этилган. Қозоғистонда нашр қилинадиган “Оқин” журналининг Озарбайжондаги вакили. “Ёшлар мукофоти”, Шаҳмар Акбарзода номидаги Халқаро мукофот соҳиби.

064
Акбар ҚЎШАЛИ
БУ ОҚШОМ ТОҒЛАРДА ЁМҒИР ЁҒАЖАК
Озарбайжончадан Севинч Норқобилова таржималари
063

* * *
044
Булутлар ўзини отди денгизга,
Бу оқшом тоғларда ёмғир ёғажак.
Нима дуо қилсанг, етар манзилга,
Тангри эшикларни кенгроқ очажак.
Бу оқшом… Бу оқшом ёмғир ёғажак,
Инсонлар қочажак фалакка томон,
Бир телба кўксини очиб қочажак,
Қочажак энг яқин юракка томон.
Қоч ахир, қоч ахир, ойларга сари,
Яхшилик, гўзаллик бордир тоғларда.
Кетган ҳам:“Тангри,” — дер,
Келган дер: “Тангри!”
Девона йўлларни солар тоғларга.
Бу оқшом Талишга ёмғир ёғажак.
Денгизга бош қўйиб ётар булутлар.
Тангри эшикларни кенгроқ очажак,
Гўёки денгиздан тошажак сутлар.

* * *

Йиллар келар ёш олмоққа,
Қисмат келар ёш олмоққа.
Нега қўймас яшамоққа,
Дунё биздан не келди?
Севинч келар— йўлак олур,
Малак келар—фалак олур.
Биздан кимлар ўрнак олур,
Дунё биздан не истайди?
На кўзи, на сўзи билар,
Не истасанг — Ўзи билар.
Дедим: “Шайтон сўзни билар.”
Демадим: “Ер не истамас.”

* * *

Яхши кун сенда қолсин,
Ёмон кунда менга кел,
Ҳеч йўқ суҳбат этайлик
Кел,
Эй кел,
Сен.
Кел,
Эй кел,
Сен.

* * *

Шоирлар ёнар, улғаяр,
Ёнди шам, ёнар парвона…
Субҳ ўлар, оқшом туғилар,
Шамнинг тўрт ёни парвона.
Борар гўё севги ёниб,
Борар минг сўзга айланиб,
Қиёматни аниқ таниб,
Ўйнарми янги парвона?
Муаммо кўп ҳақиқатдан,
Дардим сиғмас кенг жаҳона.
Парвонани ёндирди шам,
Ёндирди шамни парвона.

Манба: http://sizuchun.blogspot.com/

044

Akbar Qo’shali (Əkbər Qoşalı)– 1973 yili 3 aprelda Ozarbayjonning Tovuz tumanidagi Qo’sha qishlog’ida tug’ilgan. 1998 yildan Ozarbayjon Yozuvchilar uyushmasi a’zosi. “»Ömür qoyub gedənlər» (1998), «Nursultan Nazarbayev» (2002), «Ölümlərin ötəsi» (şeir və deyimlər 2007)  nomli kitoblari nashr etilgan. Qozog’istonda nashr qilinadigan “Oqin” jurnalining Ozarbayjondagi vakili. “Yoshlar mukofoti”, Shahmar Akbarzoda nomidagi Xalqaro mukofot sohibi.

064
Akbar QO’SHALI
BU OQSHOM TOG’LARDA YOMG’IR YOG’AJAK
Ozarbayjonchadan Sevinch Norqobilova tarjimalari
063

* * *

Bulutlar o’zini otdi dengizga,
Bu oqshom tog’larda yomg’ir yog’ajak.
Nima duo qilsang, yetar manzilga,
Tangri eshiklarni kengroq ochajak.
Bu oqshom… Bu oqshom yomg’ir yog’ajak,
Insonlar qochajak falakka tomon,
Bir telba ko’ksini ochib qochajak,
Qochajak eng yaqin yurakka tomon.
Qoch axir, qoch axir, oylarga sari,
Yaxshilik, go’zallik bordir tog’larda.
Ketgan ham:“Tangri,” — der,
Kelgan der: “Tangri!”
Devona yo’llarni solar tog’larga.
Bu oqshom Talishga yomg’ir yog’ajak.
Dengizga bosh qo’yib yotar bulutlar.
Tangri eshiklarni kengroq ochajak,
Go’yoki dengizdan toshajak sutlar.

* * *

Yillar kelar yosh olmoqqa,
Qismat kelar yosh olmoqqa.
Nega qo’ymas yashamoqqa,
Dunyo bizdan ne keldi?
Sevinch kelar— yo’lak olur,
Malak kelar—falak olur.
Bizdan kimlar o’rnak olur,
Dunyo bizdan ne istaydi?
Na ko’zi, na so’zi bilar,
Ne istasang — O’zi bilar.
Dedim: “Shayton so’zni bilar.”
Demadim: “Er ne istamas.”

* * *

Yaxshi kun senda qolsin,
Yomon kunda menga kel,
Hech yo’q suhbat etaylik
Kel,
Ey kel,
Sen.
Kel,
Ey kel,
Sen.

* * *

Shoirlar yonar, ulg’ayar,
Yondi sham, yonar parvona…
Subh o’lar, oqshom tug’ilar,
Shamning to’rt yoni parvona.
Borar go’yo sevgi yonib,
Borar ming so’zga aylanib,
Qiyomatni aniq tanib,
O’ynarmi yangi parvona?
Muammo ko’p haqiqatdan,
Dardim sig’mas keng jahona.
Parvonani yondirdi sham,
Yondirdi shamni parvona.

Manba: http://sizuchun.blogspot.com/

044

(Tashriflar: umumiy 147, bugungi 1)

Izoh qoldiring