Bugun betakror hofiz Tavakkal Qodirov tavallud topgan kun & Orziqul Ergash. Аrmon yoxud Tavakkal Qodirovning qishlogʼimizga kelgani haqida hikoya

045 24 апрель — Бетакрор ҳофиз Таваккал Қодиров таваллуд топган кун

Таваккал ҚОДИРОВ (1926.24.4, Қува тумани — 1996.13.4, Фарғона) — хонанда (лирик тенор), Ўзбекистон халқ артисти (1989). Фарғона мусиқа билим юрти (1961) ва Фарғона пед. инти (1990) ни тугатган.

Дастлаб қувалик Турсунбой Каримовдан доира ва ғижжак (скрипка) чалишни, «Дугоҳ», «Сегоҳ» каби мумтоз чолғу куйларини, Ғ. ва Е. Ҳошимовлардан ашула йўллари, («Ёлғиз», Т. Жалилов; «Ўлтирғуси», Ж. Султонов ва б.)ни ўрганган. Кейинчалик К. Отаниёзов, Ж. Султоновдан ўзбек мумтоз ва замонавий бастакорлар ашулаларини ўзлаштирган. Қува тумани маданият уйида бадиий раҳбар (195159), Фарғона театри (1959-78), Фарғона вилоятлараро филармониясида яккахон хонанда (1978 — 91), директор (1978 — 83), Фарғона ун-тида проф. (1991 й. дан). Бетакрор, ширали, жарангдор ва тиниқ, ниҳоятда кенг ва юқори диапазонли овоз соҳиби. 1955 й. дан Ж. Охунов билан ҳамнафаслик қилган. репертуаридан Фарғона-Тошкент мусиқа услуби намуналари («Қўқон Ушшоғи», «Тошкент Ироғи», «Танавор», «Насруллойи» ва б.), Хоразм йўллари («Сувора», «Феруз», «Сегоҳ»), замонавий бастакорлар («Тўй муборак», Фахр. Содиқов; «Бизни ташлаб», «Фарғона тонг отгунча», М. Муртазоев; «Доғман», К. Отаниёзов; «Ўлмасин», Ж. Султонов ва б.) ҳамда мумтоз ва замонавий шоирлар ғазалларига ўзи яратган («Ўхшайдику», Ҳамза шеъри; «Шунчамиди», О. Ҳакимов; «Жамолларингдан», Нақший; «Кеча ойдин», Миртемир; «Ўйнасин», Ҳабибий ва б.) ашула ва яллалар кенг ўрин олган. Ижро услуби баланд авжларни кенг ишлатилиши, равонлик, кенг нафас, ҳар бир сўзини донадона қилиб айтиши билан ажралиб туради. Ижодига бағишланган 2 телефильм (1963, 1992) ва видеофильм (1991) суратга олинган. Ижролари бир неча грампластинка ва Ўзтелерадиокомпанияси фонотекасига ёзилган. Н. Ҳамроқулов, Н. Ҳайдаров, С. Маннопов, Ўзбекистонда хизмат кўрсатган артист А. Каримов ва б. га устозлик қилган. Фарғонада санъат коллежи ҳамда кўчалардан бирига Қодиров номи берилган.

Tavakkal QODIROV (1926.24.4, Quva tumani — 1996.13.4, Farg’ona) — xonanda (lirik tenor), O’zbekiston xalq artisti (1989). Farg’ona musiqa bilim yurti (1961) va Farg’ona ped. inti (1990) ni tugatgan. Dastlab quvalik Tursunboy Karimovdan doira va g’ijjak (skripka) chalishni, «Dugoh», «Segoh» kabi mumtoz cholg’u kuylarini, G’. va Ye. Hoshimovlardan ashula yo’llari, («Yolg’iz», T. Jalilov; «O’ltirg’usi», J. Sultonov va b.)ni o’rgangan. Keyinchalik K. Otaniyozov, J. Sultonovdan o’zbek mumtoz va zamonaviy bastakorlar ashulalarini o’zlashtirgan. Quva tumani madaniyat uyida badiiy rahbar (195159), Farg’ona teatri (1959-78), Farg’ona viloyatlararo filarmoniyasida yakkaxon xonanda (1978 — 91), direktor (1978 — 83), Farg’ona un-tida prof. (1991 y. dan). Betakror, shirali, jarangdor va tiniq, nihoyatda keng va yuqori diapazonli ovoz sohibi. 1955 y. dan J. Oxunov bilan hamnafaslik qilgan. repertuaridan Farg’ona-Toshkent musiqa uslubi namunalari («Qo’qon Ushshog’i», «Toshkent Irog’i», «Tanavor», «Nasrulloyi» va b.), Xorazm yo’llari («Suvora», «Feruz», «Segoh»), zamonaviy bastakorlar («To’y muborak», Faxr. Sodiqov; «Bizni tashlab», «Farg’ona tong otguncha», M. Murtazoyev; «Dog’man», K. Otaniyozov; «O’lmasin», J. Sultonov va b.) hamda mumtoz va zamonaviy shoirlar g’azallariga o’zi yaratgan («O’xshaydiku», Hamza she’ri; «Shunchamidi», O. Hakimov; «Jamollaringdan», Naqshiy; «Kecha oydin», Mirtemir; «O’ynasin», Habibiy va b.) ashula va yallalar keng o’rin olgan. Ijro uslubi baland avjlarni keng ishlatilishi, ravonlik, keng nafas, har bir so’zini donadona qilib aytishi bilan ajralib turadi. Ijodiga bag’ishlangan 2 telefilьm (1963, 1992) va videofilьm (1991) suratga olingan. Ijrolari bir necha gramplastinka va O’zteleradiokompaniyasi fonotekasiga yozilgan. N. Hamroqulov, N. Haydarov, S. Mannopov, O’zbekistonda xizmat ko’rsatgan artist A. Karimov va b. ga ustozlik qilgan. Farg’onada san’at kolleji hamda ko’chalardan biriga Qodirov nomi berilgan.

033

(Tashriflar: umumiy 26, bugungi 1)

Izoh qoldiring