Таниқли адабиётшунос олим, филология фанлари номзоди Омонулла Мадаев кеча, 2 март куни 76 ёшида вафот этди. Инна Лиллаҳи ва инна илайҳи ражиун. Узоқ йиллар менгаям халқ оғзаки ижодидан сабоқ берган домламизни Аллоҳи Карим раҳматига олсин.

Омонулла Мадаев 1942 йилнинг 20 майида Тошкент шаҳрида туғилган. 1964 йил Тошкент давлат университетининг филология факультетини тамомлаган. 1958 йил Тошкент шаҳар 1- сонли мактаб-интернат ўқитувчиси, 1964 йил Тошкент шаҳар 82-сонли ўрта мактаб ўқитувчиси сифатида ишлаган.

Тошкент Давлат университетидаги фаолиятини 1966 йили Ўзбек мумтоз адабиёти кафедраси катта ёрдамчиси бўлиб бошлади. 1982 йилдан Тошкент давлат университетининг ўзбек мумтоз адабиёти кафедрасида доцент лавозимида фаолият олиб борган. 1973 йил “Хоразм халқ достонларининг ўзига хос хусусиятлари” мавзусида номзодлик диссертациясини ҳимоя қилган.

Омонулла Мадаев ўзбек халқ оғзаки ижоди, адабиётшунослик ва педагогикага оид бир қатор дарсликлар муаллифи ҳисобланади, хусусан, “Иншо қандай ёзилади?” (1989), 7, 9-синфлар учун “Ватан адабиёти” дарслиги, академик лицейлар учун “Халқ оғзаки поэтик ижоди” дарслиги муаллифидир.

Устоз Омонулла Мадаев кўп йиллар давомида Ўзбек педагогика мактаби, фольклоршунослик мактаби ва журналистикасига катта ҳисса қўшиб келган атоқли олимлардан бири ҳисобланган.

Олим жамиятда кечаётган ўзгаришларга нисбатан ўзининг теран фикрлари, чуқур таҳлили ва ўткир сўзлари билан ажралиб турган. Омонулла Мадаев Kun.uz билан ҳам суҳбатда жамият ва тил, тарбия ва ахлоқ масалаларига алоҳида эътибор қаратган эди.

Маълумот учун, Омонулла Мадаев 1942 йилнинг 20 майида Тошкент шаҳрида туғилган. 1964 йил Тошкент давлат университетининг филология факультетини тамомлаган. 1958 йил Тошкент шаҳар 1- сонли мактаб-интернат ўқитувчиси, 1964 йил Тошкент шаҳар 82-сонли ўрта мактаб ўқитувчиси сифатида ишлаган. 1966 йил ТошДУ Ўзбек мумтоз адабиёти кафедрасида ишлаган, 1982 йилдан Тошкент давлат университетининг ўзбек мумтоз адабиёти кафедрасида доцент лавозимида фаолият олиб борган.

Омонулла Мадаев Ўзбекистондаги абитуриентларни тайёрловчи илк дарсларни ташкил этган педагог бўлиб, маълум вақт Ўзбекистон Миллий университети журналистика факультети декани сифатида ҳам фаолият юритган.

Омонулла Мадаев ўзбек халқ оғзаки ижоди, адабиётшунослик ва педагогикага оид бир қатор дарсликлар муаллифи ҳисобланади.

«Кун.уз» нашрининг ёзишича, марҳум яқинларининг маълумот беришига кўра, Омонулла Мадаев сўнгги манзилга 3 март куни «Шайх Зайниддин ота» масжидида пешин намози вақтида кузатилади.

«Хуршид Даврон кутубхонаси» кўп мингли аъзолари номидан Домланинг оиласи ва яқинларига чуқур ҳамдардлик билдиради.

Taniqli adabiyotshunos olim, filologiya fanlari nomzodi Omonulla Madayev kecha, 2 mart kuni 76 yoshida vafot etdi. Inna Lillahi va inna ilayhi rajiun Uzoq yillar mengayam xalq ogʻzaki ijodidan saboq bergan domlamizni Allohi Karim rahmatiga olsin.

Omonulla Madayev 1942 yilning 20 mayida Toshkent shahrida tugʻilgan. 1964 yil Toshkent davlat universitetining filologiya fakultetini tamomlagan. 1958 yil Toshkent shahar 1- sonli maktab-internat oʻqituvchisi, 1964 yil Toshkent shahar 82-sonli oʻrta maktab oʻqituvchisi sifatida ishlagan.

Toshkent Davlat universitetidagi faoliyatini 1966 yili Oʻzbek mumtoz adabiyoti kafedrasi katta yordamchisi boʻlib boshladi. 1982 yildan Toshkent davlat universitetining oʻzbek mumtoz adabiyoti kafedrasida dotsent lavozimida faoliyat olib borgan. 1973 yil “Xorazm xalq dostonlarining oʻziga xos xususiyatlari” mavzusida nomzodlik dissertatsiyasini himoya qilgan.

Omonulla Madayev oʻzbek xalq ogʻzaki ijodi, adabiyotshunoslik va pedagogikaga oid bir qator darsliklar muallifi hisoblanadi, xususan, “Insho qanday yoziladi?” (1989), 7, 9-sinflar uchun “Vatan adabiyoti” darsligi, akademik litseylar uchun “Xalq ogʻzaki poetik ijodi” darsligi muallifidir.

Ustoz Omonulla Madayev koʻp yillar davomida Oʻzbek pedagogika maktabi, folklorshunoslik maktabi va jurnalistikasiga katta hissa qoʻshib kelgan atoqli olimlardan biri hisoblangan.

Olim jamiyatda kechayotgan oʻzgarishlarga nisbatan oʻzining teran fikrlari, chuqur tahlili va oʻtkir soʻzlari bilan ajralib turgan. Omonulla Madayev Kun.uz bilan ham suhbatda jamiyat va til, tarbiya va axloq masalalariga alohida eʼtibor qaratgan edi.

Maʼlumot uchun, Omonulla Madayev 1942 yilning 20 mayida Toshkent shahrida tugʻilgan. 1964 yil Toshkent davlat universitetining filologiya fakultetini tamomlagan. 1958 yil Toshkent shahar 1- sonli maktab-internat oʻqituvchisi, 1964 yil Toshkent shahar 82-sonli oʻrta maktab oʻqituvchisi sifatida ishlagan. 1966 yil ToshDU Oʻzbek mumtoz adabiyoti kafedrasida ishlagan, 1982 yildan Toshkent davlat universitetining oʻzbek mumtoz adabiyoti kafedrasida dotsent lavozimida faoliyat olib borgan.

Omonulla Madayev Oʻzbekistondagi abituriyentlarni tayyorlovchi ilk darslarni tashkil etgan pedagog boʻlib, maʼlum vaqt Oʻzbekiston Milliy universiteti jurnalistika fakulteti dekani sifatida ham faoliyat yuritgan.

Omonulla Madayev oʻzbek xalq ogʻzaki ijodi, adabiyotshunoslik va pedagogikaga oid bir qator darsliklar muallifi hisoblanadi.

“Kun.uz” nashrining yozishicha, marhum yaqinlarining maʼlumot berishiga koʻra, Omonulla Madayev soʻnggi manzilga 3 mart kuni “Shayx Zayniddin ota” masjidida peshin namozi vaqtida kuzatiladi.

“Xurshid Davron kutubxonasi” koʻp mingli aʼzolari nomidan Domlaning oilasi va yaqinlariga chuqur hamdardlik bildiradi.