Ўзбекистон Республикаси Президенти Шавкат Мирзиёевни Туркия Республикаси Президенти саройида расмий кутиб олиш маросими ва икки давлат раҳбарлари ўртасида музокаролар бўлди.

Олий мартабали меҳмон шарафига фахрий қоровул саф тортган. Шавкат Мирзиёев ва Ражаб Тоййиб Эрдўған шоҳсупага кўтарилишган. Ўзбекистон ва Туркиянинг давлат мадҳиялари янграган. Президентлар фахрий қоровул сафи олдидан ўтишган.

Шундан сўнг, давлат раҳбарлари тор доирада учрашув ўтказди.

Мулоқотда мамлакатлар ўртасидаги ҳамкорликни ривожлантириш истиқболлари муҳокама қилинган, томонларни қизиқтирган минтақавий ва халқаро масалалар юзасидан фикр алмашилган.