Бир меҳрли кўзга зорман,
Сувга зорман, тузга зорман,
Ўша автобусларда куйиб кетган йигитларнинг қўшиғи бу..
Бу Андижону Бухоро, Фарғона-ю Сурхон, Тошканду Самарқанд, Сирдарё-ю Наманган, Қашқадарё-ю Жиззах, Хоразму Кармана, жанозада тобутни кўтарадиган йигитлари қолмаган қишлоқлар фарёди бу!
Бу фақат уни 2-3 йил аввал ижро этган истеъдодли ҳофиз йигит Адҳам Солиев эмас,
Менинг,
Сенинг,
Фарзандини минг азоб билан улгайтириб, роҳатини кўрмаган онаю оталаримиз фарёди,
Тул қолган 17-20 яшар келинчаклар фарёди,
Отасиз қолган болалар фарёди!
Бу қўшиқ энг олий раҳбар қатнашган мажлисларидан то энг қуйи мулозимлар бошқарган мажлисларда ижро этилсин! Токи бу еб тўймас амалдорлар Ватанимизни, халқимизни не кўйга солганларини билишсин!
Бутун ўзбек эстрадасини мана шу бир қўшиққа алишаман!
Бир меҳрли кўзга зорман,
Сувга зорман, тузга зорман
Оҳ бир ширин Сўзга зорман.
Онажоним, жон онажон,
Мусофирлик тўнин кийдим.
Ит топмас жойларда ётиб
Ўзга юртда жойдан тўйдим.
Bir mehrli ko‘zga zorman,
Suvga zorman, tuzga zorman,
O‘sha avtobuslarda kuyib ketgan yigitlarning qo‘shig‘i bu..
Bu Andijonu Buxoro, Farg‘ona-yu Surxon, Toshkandu Samarqand, Sirdaryo-yu Namangan, Qashqadaryo-yu Jizzax,Xorazmu Karmana, janozada tobutni ko‘taradigan yigitlari qolmagan qishloqlar faryodi bu!
Bu faqat uni 2-3 yil avval ijro etgan iste’dodli hofiz yigit Adham Soliyev emas,
Mening,
Sening,
Farzandini ming azob bilan ulgaytirib, rohatini ko‘rmagan onayu otalarimiz faryodi,
Tul qolgan 17-20 yashar kelinchaklar faryodi,
Otasiz qolgan bolalar faryodi!
Bu qo‘shiq eng oliy rahbar qatnashgan majlislaridan to eng quyi mulozimlar boshqargan majlislarda ijro etilsin! Toki bu yeb to‘ymas amaldorlar Vatanimizni, xalqimizni ne ko‘yga solganlarini bilishsin!
Butun o‘zbek estradasini mana shu bir qo‘shiqqa alishaman!
Bir mehrli ko‘zga zorman,
Suvga zorman, tuzga zorman
Oh bir shirin So‘zga zorman.
Onajonim, jon onajon,
Musofirlik to‘nin kiydim.
It topmas joylarda yotib
O‘zga yurtda joydan to‘ydim.
