Севги ҳеч қачон кексаймайди. Эҳтимол киприк тўкилиб соч оқарар, балки ёноқлардан нур кетиб, ажин тушар, лекин севган юрак ҳеч қачон  кишининг қаҳратон совуғини ҳис қилмайди. Ундан хали ҳам ёзнинг тафти уфуриб турган бўлади (Леонардо да Винчи).

СЕВГИ ТЎҒРИСИДА ҲИКМАТЛАР
Инглиз тилидан Шуҳрат Сатторов таржимаси

    Яшаганимиз учун эмас, севганимиз учун ҳам ҳаётни яхши кўрамиз. Севгида доим қандайдир телбалик бўлади. Бу телбалик учун эса ҳар доим сабаб топилади.
Фридрех Нитше

   Гўзаллик бизни худога шубҳа қилишдан тўхтатиб турувчи кучлардан биридир.
Жин Эноил

  Дунёни эркак кишисиз тасаввур қилиб кўринг: жиноят йўқ, бахтга тўла олам. Аммо аёллар бу қадар гўзал бўлмаган бўишар эди.
Марион Смит

   Севиш учун яшасанг, яшаш учун севасан.
Леонард Читунху

  Севгига ҳамма нарсани бағишла. Юрагингга қулоқ тут.
Ралф Уолдо Эмерсон

  Ютуқ, севги ва орзу ҳаётинг ҳамда ўзингни назорат қилишингга ёрдам беради.
Жон Уайне Шатлер

   Севгисиз абадийликдан кўра ўлим ҳукмрон бўлган маконда яшашни маъқуллайман.
Роберт Ж.Игерсол

   Севгининг севишдан бўлак шифоси йўқ.
Ҳенри Дэвид Троа

Ўттиз ёшда дўст излаймиз. Қирқ ёшимизда эса дўст бизни севги каби қадрлай олмаслигини тушунамиз.
Эврипид

Севги гольфга ўхшайди: агар унга жиддий қарамасанг унинг қизиғи йўқ. Уни жиддий деб қабул қилсанг, қалбингни вайрон қилади.
Арнольд Дейли

Севги олам гардишини айлантирмайди. Севги шу гардиш айланишига маъно бағишлайди.
Франклин Жонес

Фақат юракдагина энг баланд самовий юксакликка кўтарилиш мумкин.
Жалолиддин Румий

Сен пайқаган аёл – гўзал. Сени пайқаган аёл эса дилбардир.
Адлай Стевенсон

Доимо севиш қўлидан келадиган аёл ҳеч қачон кексаймайди.
Жин Пацл Ричер

Ўзингни севмай туриб бошқани сева олмайсан. Қандай қилиб ўзингга ажрата олмаган вақт ва қувватни ўзга инсонга беришинг мумкин?
Барбара де Анжельс

Севгини қўшиқ куйлашга ўхшатаман: ҳар ким хуморидан чиққунича куйлайди. Аммо бу қўшиқлар ҳеч кимни ҳайратга солмайди.
Зора Хурстон

Севгининг энг катта кучи ўзи теккан нарсани илоҳийлаштира олишидир.
Барбара де Анжелис

Севиб қурилган оила ҳар қандай ҳиссий қийинчиликларга бардош бера олади.
Матт Гроенинг

Ундан бошқасини кўрмаслик севгидир. Севгин, фақат уни ва тоабад!
Роберт Бёрнс

Севги ва урушдаги барча нарса адолатлидир.
Францис Эдвард Смедлий

Севгининг боши ва интиҳоси биз ўйлаганчалик эмас. Муҳаббат бу – кураш. Муҳаббат бу – уруш! Севиш бу – улғайиш демакдир.
Жеймс Бальдвин

Севилиш учун севиш инсонийлик, севиш учун севиш эса фаришталикдир.
Алфонс Марие Луис де Ламартине

Муҳаббат берувчини ҳам, олувчини ҳам даволайди.
Карл Меннингер

Мағрур бўйинда бошланган севги соф бўлади.
Сматер Уинсолоу

Замин севиш учун энг маъқул жой. Бундан яхшироғини билмайман.
Роберт Ли Фрост

Севги лаззати бир зум, азоби эса бутун умрликдир.
Қадимий юнон ҳикмати

Мен севган кишимга эркин бўлишини тилайман. Ҳаттоки мендан ҳам.
Анна Линдберг

Севги – бу бир-бирига тикилиш эмас, бир-бирининг ички дунёсини ўрганишдир.
Антуан де Сэнт Экзюпери

Севган кўнгил доимо ёш.
Юнон мақоли

Севги фасллар алмашинувига бўйсунмай унувчи ва ғунча тугадиган ягона гулдир.
Жуброн Халил Жуброн

Ҳаттоки энг ёлғиз дақиқаларда ҳам бошингни тик тутиб яша. Узоқ вақт ҳаттоки танамиз тупроққа кириб, хок бўлганда ҳам, океан сувлари қуриб кетганида ҳам мен сен билан бирга бўламан.
Сорин Керин

Менга сени ким севишини айт, мен сенга кимлигингни айтаман.
Антуан де Сент Экзюпери

Дўст бу бизни биладиган ва шу билан бирга бизни севадиган инсондир.
Жером Каммингс

Мен ўзимнинг ошиғимман ва менинг севиклим бу – ўзим.
«Соломон» («Сулаймон) қўшиғидан парча

Худони англашнинг энг яхши йўли севишдир.
Ван Гог

Севги азоб келтиради. Бу азоб билан эса гўзаллик келади.
Лейлана Лин

Биз ёлғиз эмаслигимизни ҳис қилиш учун ҳам севамиз.
Клив Луис

Севги ажойиб, аммо у қарзларни тўламайди.
Жессика Мартин

Муҳаббат кўпроқ ёввойи атиргулга ўхшайди: гўзал ва нафис. Аммо, у ўз ҳимояси учун қон тўкишдан ҳам тўхтамайди.
Марк Овербай

Ҳеч ким бизни севмаса биз ўзимизни севишдан воз кечамиз.
Энн Луис

Очиғини айтсам, севги курашиш учун, кучли бўлиш учун, таваккал қилиш учун арзийди. Хавфли томони шундаки, севишга таваккал қилмаслик ундан ҳам ёмонига таваккал қилиш дегани.
Эрика Жонг

Менинг севиклигим доимо оқиб турувчи сувдир. Доимо ҳаракатда бўлгани учун ҳеч қачон алдамайди. Тугамаганлиги учун ҳам ўзгармайди.
Хуан Рамон

Ёш эмаслигини тушунган одамнинг ёшлиги уни аслида анча олдин ташлаб кетган бўлади.
Сомерсет Моэм

Мени сев ёки нафратлан. Эътиборингдан айирмасанг бўлди.
Либби Фудим

Ҳар ким оташин севгига йўлиқади. Чин ошиқларгина унинг бемаъниликларига дош бера олади.
Роуз Франкин

Мен доимо худога “ё парвардигор менга ички гўзаллик бер” деб дуо қиламан.
Суқрот

Бир-бирини севмай туриб, юрган уятсизлар ҳам бор.
Франчес Дук

Биз доимо биринчи севгининг охиргиси ҳамда охирги севгининг биринчиси эканлигига ишонамиз.
Жорж Жон

Чоршанбада ҳам сени севишим сен учун шунчаки одатий ҳол. Пайшанбада сендан воз кечишим эса сен учун аҳамиятли ҳол.
Эдна Винсент Миллай

Ўз қалбидан меҳр, ҳурмат, истак,сабр, афсус, ҳаяжон ва кечиримлилик элементларини топиб, уларни бирлаштирган кимёгар севги деб аталган атомни яратади.
Жуброн Халил Жуброн

Йўқлик севгини заифлаштиради ва ундан-да буюгини яратади. Худди қандилни ўчирган шамол гулханни аланга олдиргандек.
Франциз де Ла Рочфоколд

Севгининг ҳам муқаддаслигини унутма. Сен тақдиримдаги авлиё, қалбимдаги ишончсан.
Сорин Керин

Одамларни қулашига йўл қўймаслик, уларни қўллаб-қувватлаш ва севиш мендаги бош мақсаддир.
Уэльс маликаси Диана

Севиш ва эришиш жуда яхши. Севиш ва йўқотиш эса кейинги яхшиликнинг боши.
Уильям Теккери

Сенинг вазифанг севгини излаш эмас, балки муҳаббатга зид бўлган ичингдаги тўсиқларни топишдир.
Жалолиддин Румий

Ишққа мубтало бўлиш эътиқодни топиш билан баробар.
Хорхе Луис Борхес

Кун келиб биз шамол ва тўлқинларни, ернинг тортишиш кучини бошқарганимиздан кейин севги қувватидан бохабар бўламиз. Шунда жаҳон тарихида инсон оловни иккинчи маротаба кашф қилгандек бўлади.
Пиерре де Чардин

Парвардигор кўплаб жумбоқли бўлакларни яратган. Бир-бири учун яратилган икки бўлакдангина гўзал тасвир яралади.
Жессика Кочран

Табиани севиш санъатни янада кўпроқ тушунишнинг тўғри йўлидир.
Винсент Ван Гог

Севги – эътиқод қилиш жараёни демакдир. Эътиқодли киши эса аллақачон севгидан хабардор бўлади.
Эрих Фром

Кимнидир севиш унда парвардигорнинг гўзаллигини кўриш демакдир.
Виктор Гюго

Севиш – бир зумга бўлса-да жаннатий ҳаловатга эришиш демакдир.
Карен Сунде

Ўзи муҳтож бўлган нарсани излаб, дунё бўйлаб сафарга отланган киши уни топиш учун бир кун уйга қайтади.
Жорж Мур

Муҳаббат ҳақидаги суҳбатларда шу қадар дилбарлик ва маккорлик бўладики, севги ўз соҳибларини осонлик билан фош этади.
Сенека

Ҳақиқий севги беминнат қайғуриш бошланган дақиқадан туғилади.
Антуан де Сэнт Экзюпери

Муҳаббат: туйғудан бехабар инсоннинг жонсиз танадан фарқи йўқ, фақатгина унинг кўзлари очиқ.
Альберт Эйнштейн

Эътиқод, умид ва севги каби илоҳий мукофотлар ичида энг буюги – муҳаббатдир.
Инжилдан

Кимдир менга “Сени севаман”, деса назаримда у пешонамга қурол тираб тургандек. Унга “Мен ҳам сени севаман”, деб жавоб беришдан бошқа чорам қолмайди.
Курт Воннегут

Чин муҳаббат ғийбатга ўхшайди: у тўғрида ҳамма гапиради, аммо камдан-кам киши унинг гувоҳи бўлган.
Франциз де Ла Рочфоколд

Улар севишмаганликлари боис севгини кўз-кўз қилишмайди. Чин муҳаббатнинг йўли ҳеч қачон текис бўлмаган. Севги бизга яқин қадрдон. Севги – зулм. Унингдек лаззат бериб, азобловчи йўқ.
Уильям Шекспир

Биз такаббур жонзотмиз. Аммо бизда муҳаббат, дўстлик, сахийлик, меҳрибонлик, эътиқод ва шодлик деган имкониятлар ҳам борлигини унутмайлик.
Дин Конотз

Ҳаёт телбаликлари бизга ота-онамизни севишни ўргатса, илоҳий фалсафа уларни кечиришга даъват қилади.
Монтескье

Ушбу мўъжиза чин севги соҳибларигагина насиб қилади: улар қанча кўп билишса, шунча кўпроқ эгалик қилишади.
Мария Рилке

Меҳр ва севгининг эсда қолмайдиган кичик тафсилотлари инсон ҳаётининг энг лаззатли дамларидир.
Уильям Вордс

Барча севги ширин. Олингани ҳам, берилгани ҳам. Бундан илҳомланганлар омадли худди мендек. Аммо, буни ҳис қилганлар чинакамига бахтиёрдирлар.
Перси Шеллей

Мен ҳар дақиқа, ҳар соат, ҳар кун ва ҳар ой сева оламан. Муҳими бу қўлимдан келади ва мен бундан бахтиёрман.
Альфред Стюарт

Севги кўп нарсани ваъда қилмайди, аммо севиб қолган кўп нарса бера олади.
Франк Тиббетс

Севгисиз яшалган умр қаровсиз қолган каминга ўхшайди: олови сўнган, овози тинган ва ёруғи ўчган.
Франк Теббетс

Севги ҳеч қачон кексаймайди. Эҳтимол киприк тўкилиб соч оқарар, балки ёноқлардан нур кетиб, ажин тушар, лекин севган юрак ҳеч қачон кишининг қаҳратон совуғини ҳис қилмайди. Ундан хали ҳам ёзнинг тафти уфуриб турган бўлади.
Леонардо да Винчи

Одамлар севиш ўрнига, севгидан қўрқадилар. Мактабда буни ўргатишмайди. Бироқ, бу ҳақиқат.
Леонардо да Винчи

Севги азоби – тириклик азоби ниҳоясиз жароҳат- мусобақа якуний сарҳад.
Маурин Даффи

Севги бу мангуликка кираверишда сўнгги мусобақа ва синовдир.
Данте Габриел Розетти

Севги бу аёл ва эркакнинг асл қиёфасини кўрсатувчи алданишдир.
Ҳ. Л. Мэнкэн

Кўп нарсани сев. Ҳақиқат шуларнинг бирида бўлади, албатта. Кимки кўп севса, ҳаракатларида ҳам бу кўпроқ кўринади, ҳамда кўп нарсага эришади.
Ван Гог

Донишманд дағал кийим кийиб юрса ҳам, қалбида қимматбаҳо хазинани олиб юради. У бундан бохабар бўлса ҳам, ўзини кўз-кўз қилмайди. У ўзини севади. Аммо, ўзига юқори баҳо бермайди.
Лао Цзу

Агар сенда севги бўлса, бошқа нарсанинг кераги бўлмайди. Агар сенда бу бўлмаса, сендаги бор нарса ҳеч нимага арзимайди.
Жеймс Берри

Қаергадир йўл олсанг, қалбинг ҳам ўзинг билан кетади. Аммо, қачонки дўстларингни тарк этсанг, уларнинг қалблари ҳам сеники билан бирга кетади.
Бенжамин Франклин

Севги- бу сабр ва меҳрдир. У хасислик ёки мақтанчоқлик эмас. У такаббур ҳам эмас.
Инжилдан

Файласуф- бу донишмандликнинг, тўғрироғи, ҳақиқатнинг ошиғидир.
Вольтер

Севги – бу сенинг нимадир бўлишинг эмас, бу сенинг нимадир қилишинг.
И. Челси

Агар сени севсам, буни сенга қандай тааллуқли жойи бор,
Гёте

Бу ҳақиқатни айтиш қанчалик қийин бўлмасин, бироқ севги –ҳаётдаги орзуларимизнинг бахтсиз натижасидир.
Сорин Керин

Севгининг кўзи кўр, шу сабабли ошиқлар ўзлари йўл қўйган майда аҳмоқликларини кўрмайдилар.
Вильям Шекспир

Сен ҳеч кимни сени севишга ёки сенга пул қарз беришга мажбурлай олмайсан.
Яҳудий мақоли

Нафрат ҳаётни тўсиб қўяди; муҳаббат бу тўсиқдан озод қилади. Нафрат ҳаётни чигаллаштиради; муҳаббат уни уйғунлаштиради. Нафрат ҳаётни зулматга бошлайди; муҳаббат уни чароғон қилади.
Мартин Лютер Кинг

Муҳаббат – идеал нарса. Турмуш – ҳақиқат; ҳақиқат ҳам, идеал ҳам жазоланмай қолмаган.
Гёте

Пок севгигина севги уйғота олади.
Перл Бак

Бошқаларни деб сабр қилиш Муҳаббат, ўзи учун сабр қилиш Умид, Худо учун сабр қилиш эса Эътиқод деб аталади.
Адел Беставрос

Ёлғиз яшашга интилган киши инсон сифатида ҳеч нимага эриша олмайди. Агар унинг юраги бошқа бир юракнинг уришига жавоб бермас экан, сўлишга маҳкум. Ўз ўй-хаёлларидан ўзгасини тан олмайдиган инсоннинг онги ҳам кундан-кунга торайиб боради.
Перл Бак

Муҳаббат йўқ жойда мангу яшагандан кўра, ўлим ҳукмрон ерда яшаб, севишни афзал биламан.
Роберт Инжерсол

“Севмоқ” феъли форс тилида “дўст бўлмоқ” деб таржима қилинади. “Мен сени севаман” эса “Мен сенинг дўстингман”га тўғри келади. “Мен сени ёмон кўраман” дейиш учун “Сен менинг дўстим эмассан” дейиш кифоя.
Шуша Гаппи

Муҳаббатда қўрқув бўлмайди. Чин севги қўрқувга барҳам беради.
Инжилдан

Севги ёнимиздаги аёлнинг биз каби яшаётгани ва нафас олаётганини, биз каби ўйлаб, қувонч-дардимизга шерик бўлаётганини ҳис қилишдир.
Баронез Оркзи

Сенга тинчлик соғинаман. Сенга севги соғинаман. Сенга дўстлик соғинаман. Сенинг гўзаллигинг менга аён. Сенинг заруратинг менга аён. Менинг донишмандлигим Олий Асосга суянади. Бу асос сенинг Қалбинг. Кел, биргалашиб муҳаббат учун курашайлик.
Моҳандас Ганди

Севги сўзда эмас, ҳаракатда намоён бўлади.
Жероме Коммингс

Ўзингга нисбатан олижаноб бўл. Ўзингни севишни ўрган. Вақти келганда ўзингни кечиришни ҳам бил. Биз ўзимиздаги яхши фазилатларни шакллантирибгина бошқаларнинг гўзал хислатларини кўра оламиз.
Уилфред Петерсон

Биз яшаётган ҳаёт ва муҳаббат ўзимиз яратган ҳаёт ва муҳаббатдир.
Лео Бускаглиа

Она яккаю ягона фарзандини қанчалик севса, сен ҳам дунёни шунчалик сев.
Будда

Севги учун ҳамма нарсани бағишла. У ташриф буюрган юракка бўйсун.
Ральф Уолдо Эмерсон

Ўз эридан кўз-қулоқ бўлмаган хотин эрини севмайди.
Эдгар Ватсон Хоу

Бошқалар нима дейишидан қатъий назар қалбингдаги муҳаббатни асраб қолиш орқали ҳаётингни гўзаллаштира оласан.
Кен Кейес

Ютуқ, севги ва орзу ўзингни ҳамда ҳаётингни тўла назорат қила олишинг учун асос бўлади.
Жон Уайне Шатлер

Кимнидир севиш биз учун жамики вазифалардан, топшириқлардан ҳам қийин бўлиши мумкин, аммо бу қолган барча ишларга пухта тайёр бўлишнинг имконидир.
Райнер Мариа Рилке

Нафрат – гуноҳ. Севги – гоноҳкорликдир.
Моҳандас Ганди

Муҳаббат ҳеч нарсадан ташвишланмайди. Ҳеч қандай қўрқувни тан олмайди. Тўсиқларга қарши курашади. Шунинг учун у ҳаммасини уддалайди. Севмаган киши эса ожиздир холос.
Томас Кемпис

Яхши мусиқани тинглаган, яхши китоб мутолаасини одат қилган, гўзал суратларга иштиёқманд бўлган, турли ўйинлар билан машғул бўлган, яхши давраларнинг суҳбатини тинглаган киши ким бўлиши мумкин? Жавоби оддий: дунёдаги энг бахтли инсон!
Ҳелен Томсон

Севган инсонга кулдиргич ҳам ҳуснбузар бўлиб кўринади.
Япон халқ мақоли

На донолик, на машҳурлик ёки севги кўнгилнинг буюклигини кўрсата олмайди. Фақатгина меҳр буни уддалайди.
Жин Бабтист Хенри Лакордейр

Муҳаббатда энг муҳими нима? Бу билиш ва ошкор қилмаслик. Билиш – сен севган кишинг ҳақида. Ошкор қилмаслик – уни севишингдир. Андиша юзасидан ошкора қилмаётганингда билиш мустаҳкамланади. Шунинг ўзи севгини асраб қолади.
Мариа Цветова

Ҳамма ҳам эҳтиросли. Аммо телбалик чин ошиқларнинг қўлидангина келади.
Роус Дороти Франкен

Энг буюк севги она муҳаббати, сўнгра итнинг муҳаббати, кейингиси эса ошиқ муҳаббати.
Поляк халқ мақоли

Донолик ва муҳаббатнинг ягона ёқадан бош чиқариши? Бу шунчаки сафсата!
Неккархоним

Мен доимо муҳаббатнинг ҳақига дуо қиламан.
Д. Х. Лауренс

Муҳаббатда оламга хос хусусият мавжуд: бутун борлиқни тебратувчи туйғу.
Де Чардин

Севсанггина муҳаббатнинг моҳиятини тушунасан.
Теранс Динеш

Мен ҳар куни севги билан чамбарчас ҳаётимизни севгисиз яшаб, бизга берилган қудратдан фойдаланмай вақтимизни беҳуда совураётганимизга ишонч ҳосил қиламан.
Мари Чолмоделей

Қанчалик кўп берсам, шунчалик кўпаяди. Иккаласининг ҳам поёни йўқ.
Уильям Шекспир

Муҳаббатнинг нималигини энди тушуняпман. Ажрашганимизда иккимиз ҳам танамизнинг ярми йўқлигидан азобланамиз. Биз гўёки икки бўлакка бўлинган китобга ўшаймиз: на униси тугал, на буниси. Севги – айрилиқдаги икки ёртидир.
Эдмон де Гонсорт

Мен кейинги тонг дўстлар бир-бирларига ҳижолат билан қарамасликлари зарурлигини ҳис қилиб севишни қадрлайман.
Нельсон Босвел

Бирор иш қилганда уни севиб бажар. Ёки уни ҳеч қачон қилма.
Моҳандас Ганди

Ҳеч қачон қовоғингни солиб юрма. Чунки сендаги табассум кимнидир мафтун қилиб, севишига сабабчи бўлишини аниқ билмайсан.
Жастин Милтон

Мен сени сенлигинг учун эмас, сенинг олдингдаги менлигим учун севаман.
Рой Крофт

Оташин муҳаббат музлаб якун топади.
Суқрот

Севиб қолганингда ухлай олмайсан. Чунки сен учун тушингдан кўра ўнгинг яхшироқ бўлади.
Доктор Сос

Мен тўғримдаги энг яхши таассурот – сенсан.
Шэннон Краун

Кўп аразлашадиган ошиқлар айниқса бир-бирларини қаттиқроқ севадилар. Бу дегани улар бир-бирларига кўп эътибор беришади.
Шауна Уолтмер

Кимнидир сени ҳамма нарсанг бўлишига йўл қўйма. Акс ҳолда, у кетиб қолса ҳеч ниманг қолмайди.
Кеня Мишел

Севги урушга ўхшайди: бошлаш осон, тугаши эса қийин.
Қадимий мақол

Севгининг кўзи кўр. Турмуш эса бу сўқирликни даволайди.
Палин Томасон

Баъзида кўнгил кўз кўра олмаган нарсани ҳам кўради.
Жэксон Браун

Бу дунёда эркак киши эгалик қила оладиган энг қимматли нарса – аёл қалбидир.
Жосиа Холланд

Севги ва ҳурмат ҳар қандай муносабатларни мустаҳкамлайди.
Стефан Рамже Ван

Севиб йўқотиш умуман севмасликдан яхшироқ.
Эрнест Хемингуэй

Севги вақтнинг ўтишига, вақт эса севгининг ўтишига хизмат қилади.
Француз мақоли

Сабрсиз одам – севгисиз одам.
Италян халқ мақоли

Ҳақиқат, сабаб ва севги икки қалбни боғлаб турувчи бош омиллар.
Уильям Шекспир

У кетди. Ўзимни ҳақоратланган ҳис қилдим. Унга қилишим керак бўлган энг катта ёрдам – ундан нафратланишдир.
Уильям Шекспир

Муҳаббат шундай ҳолатки, бунда ҳамма нарса кўзимизга аниқ-равшандек бўлиб кўринади.
Фридрих Нитше

Кимнингдир табассуми сенинг ҳам табассум қилишингга сабаб бўлиши – севгидир.
Роберт Хелен

Биринчи муҳаббат бироз телбалик ва бениҳоя қизиқувчанликка мойил.
Бернард Шоу

Севги бор жойда карамни ҳам осонлик билан тенг иккига бўлиш мумкин.
Ирланд халқ мақоли

Биз бу ҳаётда буюк ишлар қила олмаймиз. Қўлимиздан келгани кичик ишларни буюк муҳаббат билан қилишдир.
Тереза она

Эркак киши учун энг жасоратли иш аёлни севишдир.
Морт Шал

Оломон дўст дегани эмас. Ундаги қиёфалар суратлар галереясидан бошқа нарса эмас. Улар гапиришади, бироқ эшитишмайди. Чунки улар орасида муҳаббат йўқ.
Францис Бэкон

Севги бошланишида алангадек бўлади: жуда ҳам иссиқ ва шиддатли. Вақт ўтгани сайин у кўмирга ўхшаб боради: узоқ ёнади.
Генри Уард Бичер

Муҳаббат абадий бўлади. Унинг кўриниши ўзгарса ҳам, моҳияти ўзгармайди.
Винсент Ван Гог

Эркак кишининг қаерда яшаши эмас, қаерда севиши муҳим.
Лотин мақоли

Гўзал муҳаббатга эга кўнгил ҳеч қачон кексаймайди.
Турк мақоли

Юрагингда ғазаб, азоб ёки ҳасад асраб юрма. Булар қувватингни сўриб, севгидан узоқлаштиради.
Лео Бускаглиа

Севикли бўлиш учун севишни билиш керак.
Сенека

Манба: www.hikmatlar.blogspot.com