Инсон қачон ютуқлардан узоқлашмайди? Омадни ушлаб туришнинг калити борми? Инсон ҳаётини издан чиқарувчи омиллар қайси? Назаримда ушбу саволларнинг жавоби барча учун бирдек қизиқ. Австралиялик таниқли мутахассис Билл Ньюменнинг “Муваффақиятга эришишнинг мўъжизавий 10 йўли” китобидан айни шу саволларнинг жавобини топиш мумкин. Қуйида инсонларнинг ҳаёт ҳақидаги тажрибалари умумлашмаси бўлган китобдан саралаганларимизни сизга ҳам илиндик.
БИЛЛ НЬЮМЕН
“МУВАФФАҚИЯТГА ЭРИШИШНИНГ
МЎЪЖИЗАВИЙ 10 ЙЎЛИ» КИТОБИДАН
Фикрлашга кетган вақт бу вақтни энг кўп тежаш. Болтасини қайрашга кеткизган вақтидан ўтинчи ҳеч қачон зарар кўрмайди.
***
Агар бирор умид бўлмаса, ҳеч кимда деворга қўйилган нарвонга чиқиш истаги уйғонмайди.
***
Ютуқ бу қатор тўғри қабул қилинган қарорлар демакдир.
***
Инсон барча ўнғайсизликларга жисман ва руҳан тоқат қилишга тайёр. Лекин бир нарса борки, унга ҳеч қачон тоқат қилолмайди бу маъносиз ҳаёт. Биз ҳаётимизга қандайдир маъно беришимиз керак, акс ҳолда, ақлдан озиш ҳеч гап эмас.
***
Инсон ўзини қандай деб тасаввур этса, амалда ҳам худди шундай одам.
***
Агар мағлубият хавфи бўлмаганда, ғалаба қувончи ҳам бўлмас эди.
***
Дунёда кишини ҳайратда қолдирадиган нарсалардан бири бу айтган сўзимизнинг ҳаётимизга кўрсатадиган таъсири.
***
Учта хавфли душман билан курашишингизга тўғри келади. Бу – ташвиш, шубҳа ва даҳшат. Сиз уларга ҳар куни дуч келасиз. Улар вақтингизни ўғирлайди.
***
Ҳеч нарсага эришиб бўлмайди, деб ўйлайдиганлар деярли ҳеч қачон ютуққа эриша олмайди. Ёки улар эришган чўққилари ўртачадан нарига ўтмайди.
***
Шундай мутлақ ҳақиқат мавжуд: агар сиз режалаштиришдаёқ мўлжалдан адашсангиз, демак, деярли ўз мағлубиятингизни режалаштирган бўласиз.
***
Шунчаки кутиб ўтирган одамга ҳеч қачон омад кулиб боқмайди. Курашга киришишга жасорати етган одамларгагина у кулиб боқади.
***
Ҳақиқий ҳаёт фожиаси мақсадга эришиш мумкин эмаслигида эмас, мақсаднинг ўзи йўқлигидадир.
***
Шуни билингки, айтган ҳар бир гапингиз — бумеранг (учбурчакка ўхшаш эгик ёғоч қурол. Мўлжалга отилгач, унга тегмаса, отган одамнинг ўзига қайтиб келади). Шунинг учун ҳам ҳар бир гапни билиб айтишни истасак, энг аввало, ўз тафаккуримизнинг эгаси бўлмоғимиз лозим. Зеро, яхши ёки ёмон сўзлар оқилона ёки аҳмоқона фикрлар асосида пайдо бўлади.
***
Тадқиқотлар кўрсатишича, болаларга нисбатан айтилган битта салбий фикрни тўғрилаш учун камида тўртта ижобий гап айтишингиз лозим.
***
Қўрқув, иккиланиш, ишончсизлик ва ёмон ўйдаги сўзлар сизни умрбод мағлуб этиши мумкин. Аксинча, келажакка ишонч, яхши ният ва истакдаги сўзлар сизга умидли келажакни ваъда қилади.
***
Болаларга доимо ўзларига бўлган ишончни қарор топтиришга интилмоқ зарур.
***
Масъулият – бу ютуқларга эришишнинг энг асосий калити.
***
Ношудлар ҳаёт йўриғидан чиқмайди, ғолиблар эса ҳаётни ўз йўриғига солади.
***
Ҳар бир одамнинг қулоғига ҳамманикидан кўра ўзининг исм-шарифи ёқимлироқ эшитилади.
***
Ҳаёт – бу одамлар ўртасидаги муносабатларнинг синови.
***
Ҳақиқий дўстларсиз ҳаттоки миллионерлар ҳам қашшоқ.
***
Ҳаётда тушкун кайфиятда яшаш – бу танангиздаги заҳарнинг худди ўзгинаси, у сизни касал қилиши ва ҳатто руҳий тушкунликка олиб келиши мумкин.
***
Вақтида фойдаланилмаган нарсани бутунлай йўқотасиз.
***
Дўст хатоларингизни кўнглингизни қолдирмайдиган тарзда юзингизга айта оладиган инсон. Қадимги Хитой мақоли бор: “Дўстингнинг пешонасидаги пашшани ҳайдаш учун ойболтани ишлатма”.
***
Оламда бирор бир муаммосиз бўлган бирдан-бир жой бор — бу қабристон.
***
Кимдир сизнинг ортингиздан кесак отса, демак, сиз ундан олдинда кетаяпсиз.
***
Дўстсиз инсон танҳоликка маҳкум. Дўст ўзингизни эркин тутадиган ва бирбирингизни сўзсиз ҳам бемалол англайдиган хавфсиз бекат.
***
Иш бу роҳат қилиб шуғулланиладиган машғулот. Ҳатто луғатларда ҳам “муваффақият” сўзи “меҳнат” сўзидан кейинда туради.
***
Тараққиёт йўлидаги энг катта тўғаноқ отам замонидан қолган мана шу эскича тушунча: “Ахир, биз буни ҳамиша шундай қилиб келганмиз”.
***
Яхши ва аъло ўртасидаги фарқ озгина қўшимча ҳаракат.
***
Мағлубият бу мутлақо ҳалокат эмас. Агар у ҳалокат бўлганида, биз ёппасига бахтсиз кишилар бўлар эдик.
***
Эдисон қиздириш лампасини ихтиро қилиш йўлидаги дастлабки олти минг уринишда ўз мақсадига эриша олмади. Бундан умидсизликка тушгантушмаганини сўраганларида, улуғ инсон қуйидагича жавоб берган эди: “Йўқ. Мен ҳозир бу муваффақиятга эришиб бўлмайдиган олти минг усулни биламан”.
Арслонбек тайёрлаган.
Манба: «Қашқадарё» газетаси веб-саҳифаси
Inson qachon yutuqlardan uzoqlashmaydi? Omadni ushlab turishning kaliti bormi? Inson hayotini izdan chiqaruvchi omillar qaysi? Nazarimda ushbu savollarning javobi barcha uchun birdek qiziq. Avstraliyalik taniqli mutaxassis Bill Nyumenning “Muvaffaqiyatga erishishning mo»jizaviy 10 yo’li” kitobidan ayni shu savollarning javobini topish mumkin. Quyida insonlarning hayot haqidagi tajribalari umumlashmasi bo’lgan kitobdan saralaganlarimizni sizga ham ilindik.
BILL NYUMEN
“MUVAFFAQIYATGA ERISHISHNING
MO»JIZAVIY 10 YO’LI» KITOBIDAN
Fikrlashga ketgan vaqt bu vaqtni eng ko’p tejash. Boltasini qayrashga ketkizgan vaqtidan o’tinchi hech qachon zarar ko’rmaydi.
***
Agar biror umid bo’lmasa, hech kimda devorga qo’yilgan narvonga chiqish istagi uyg’onmaydi.
***
Yutuq bu qator to’g’ri qabul qilingan qarorlar demakdir.
***
Inson barcha o’ng’aysizliklarga jisman va ruhan toqat qilishga tayyor. Lekin bir narsa borki, unga hech qachon toqat qilolmaydi bu ma’nosiz hayot. Biz hayotimizga qandaydir ma’no berishimiz kerak, aks holda, aqldan ozish hech gap emas.
***
Inson o’zini qanday deb tasavvur etsa, amalda ham xuddi shunday odam.
***
Agar mag’lubiyat xavfi bo’lmaganda, g’alaba quvonchi ham bo’lmas edi.
***
Dunyoda kishini hayratda qoldiradigan narsalardan biri bu aytgan so’zimizning hayotimizga ko’rsatadigan ta’siri.
***
Uchta xavfli dushman bilan kurashishingizga to’g’ri keladi. Bu – tashvish, shubha va dahshat. Siz ularga har kuni duch kelasiz. Ular vaqtingizni o’g’irlaydi.
***
Hech narsaga erishib bo’lmaydi, deb o’ylaydiganlar deyarli hech qachon yutuqqa erisha olmaydi. Yoki ular erishgan cho’qqilari o’rtachadan nariga o’tmaydi.
***
Shunday mutlaq haqiqat mavjud: agar siz rejalashtirishdayoq mo’ljaldan adashsangiz, demak, deyarli o’z mag’lubiyatingizni rejalashtirgan bo’lasiz.
***
Shunchaki kutib o’tirgan odamga hech qachon omad kulib boqmaydi. Kurashga kirishishga jasorati yetgan odamlargagina u kulib boqadi.
***
Haqiqiy hayot fojiasi maqsadga erishish mumkin emasligida emas, maqsadning o’zi yo’qligidadir.
***
Shuni bilingki, aytgan har bir gapingiz — bumerang (uchburchakka o’xshash egik yog’och qurol. Mo’ljalga otilgach, unga tegmasa, otgan odamning o’ziga qaytib keladi). Shuning uchun ham har bir gapni bilib aytishni istasak, eng avvalo, o’z tafakkurimizning egasi bo’lmog’imiz lozim. Zero, yaxshi yoki yomon so’zlar oqilona yoki ahmoqona fikrlar asosida paydo bo’ladi.
***
Tadqiqotlar ko’rsatishicha, bolalarga nisbatan aytilgan bitta salbiy fikrni to’g’rilash uchun kamida to’rtta ijobiy gap aytishingiz lozim.
***
Qo’rquv, ikkilanish, ishonchsizlik va yomon o’ydagi so’zlar sizni umrbod mag’lub etishi mumkin. Aksincha, kelajakka ishonch, yaxshi niyat va istakdagi so’zlar sizga umidli kelajakni va’da qiladi.
***
Bolalarga doimo o’zlariga bo’lgan ishonchni qaror toptirishga intilmoq zarur.
***
Mas’uliyat – bu yutuqlarga erishishning eng asosiy kaliti.
***
Noshudlar hayot yo’rig’idan chiqmaydi, g’oliblar esa hayotni o’z yo’rig’iga soladi.
***
Har bir odamning qulog’iga hammanikidan ko’ra o’zining ism-sharifi yoqimliroq eshitiladi.
***
Hayot – bu odamlar o’rtasidagi munosabatlarning sinovi.
***
Haqiqiy do’stlarsiz hattoki millionerlar ham qashshoq.
***
Hayotda tushkun kayfiyatda yashash – bu tanangizdagi zaharning xuddi o’zginasi, u sizni kasal qilishi va hatto ruhiy tushkunlikka olib kelishi mumkin.
***
Vaqtida foydalanilmagan narsani butunlay yo’qotasiz.
***
Do’st xatolaringizni ko’nglingizni qoldirmaydigan tarzda yuzingizga ayta oladigan inson. Qadimgi Xitoy maqoli bor: “Do’stingning peshonasidagi pashshani haydash uchun oyboltani ishlatma”.
***
Olamda biror bir muammosiz bo’lgan birdan-bir joy bor — bu qabriston.
***
Kimdir sizning ortingizdan kesak otsa, demak, siz undan oldinda ketayapsiz.
***
Do’stsiz inson tanholikka mahkum. Do’st o’zingizni erkin tutadigan va birbiringizni so’zsiz ham bemalol anglaydigan xavfsiz bekat.
***
Ish bu rohat qilib shug’ullaniladigan mashg’ulot. Hatto lug’atlarda ham “muvaffaqiyat” so’zi “mehnat” so’zidan keyinda turadi.
***
Taraqqiyot yo’lidagi eng katta to’g’anoq otam zamonidan qolgan mana shu eskicha tushuncha: “Axir, biz buni hamisha shunday qilib kelganmiz”.
***
Yaxshi va a’lo o’rtasidagi farq ozgina qo’shimcha harakat.
***
Mag’lubiyat bu mutlaqo halokat emas. Agar u halokat bo’lganida, biz yoppasiga baxtsiz kishilar bo’lar edik.
***
Edison qizdirish lampasini ixtiro qilish yo’lidagi dastlabki olti ming urinishda o’z maqsadiga erisha olmadi. Bundan umidsizlikka tushgantushmaganini so’raganlarida, ulug’ inson quyidagicha javob bergan edi: “Yo’q. Men hozir bu muvaffaqiyatga erishib bo’lmaydigan olti ming usulni bilaman”.
Arslonbek tayyorlagan.
Manba: «Qashqadaryo» gazetasi veb-sahifasi
