Atoqli san’atkor O’lmas Rasulov vafot etdi

71Кеча Ўзбекистон давлат санъат ва маданият институти профессори, Ўзбекистон халқ артисти Ўлмас Расулов вафот этди. Инна лиллаҳи ва инна илайҳи рожиун. Аллоҳи Карим раҳматига олсин.

Ўлмас Расулов 1951 йилда Денов туманида таваллуд топган. 1976 йилда Тошкент Консерваториясини тамомлаган. 1976-1977 йилларда Бухоро мусиқа билим юрти, 1987-1994 йилларда Тошкент Консерваторияси, 2002 йилдан Ҳамза номидаги Республика мусиқа коллежида педагог, 1995-2002 йилларда Бухоро давлат университетида доцент ва 1995-2000 йилларда кафедра мудири, 1987-1994 йилларда «Зарафшон» ансамблида созанда, 1997-2002 йилларда «Ўзбекнаво» бирлашмаси Бухоро вилояти бўлими бадиий раҳбари, 2002 йилдан «Дуторчи қизлар» ансамбли маслаҳатчиси лавозимларида фаолият олиб борган.

Шунингдек, Ўлмас Расулов олий ва ўрта махсус ўқув юртларида педагоглик фаолиятини самарали давом эттириб ёшларга таълим берди ва кўплаб шогирдлар етиштирди. Охирги йилларда Ўзбекистон давлат санъат ва маданият институтининг «Миллий қўшиқчилик» кафедраси доценти, 2021 йилдан эса профессор вазифасида фаолият юритди.

Созанда сифатида унинг репертуаридан Шашмақом, Фарғона-Тошкент йўлларига оид мумтоз ва анъанавий куйлар ўрин олган. Хонанда сифатида эса «Содирхон Ушшоғи», Машраб ғазали билан «Сиғмадим», «Ор йиғлайди» каби ашулалар, Бухоро йўлларидан «Забоний», «Жавоний», «Гул рези» каби асарларнинг маҳоратли ижроси билан халқ қалбига кириб борган.

Ўлмас Расулов «Ойпалак», «Тавоис», «Ўчаётган табассум», «Само» каби чолғу куйлари, «Сўрамайсан» (Ҳ. Аҳмедова шеъри билан), «Ширу-шакар», «Карашма», «Магар Наврўз ила байрам» (Навоий, Ғозий, Насимий ғазаллари билан), «Нозик мухаммас» (Нозик Биби Хўқандий асари билан) ва бошқа бир қатор ашула ва туркумлар, шунингдек, «Бобур», «Кеча ва кундуз», «Имом Бухорий» каби видео ва бадиий фильмларга мусиқа басталаган.

У 2005 йилда «Ўзбекистон халқ артисти» унвони билан тақдирланган.

Kecha O‘zbekiston davlat san’at va madaniyat instituti professori, O‘zbekiston xalq artisti O‘lmas Rasulov vafot etdi. إِنَّا لِلَّٰهِ وَإِنَّا إِلَيْهِ رَاجِعُونَ

O‘lmas Rasulov 1951 yilda Denov tumanida tavallud topgan. 1976 yilda Toshkent Konservatoriyasini tamomlagan. 1976-1977 yillarda Buxoro musiqa bilim yurti, 1987-1994 yillarda Toshkent Konservatoriyasi, 2002 yildan Hamza nomidagi Respublika musiqa kollejida pedagog, 1995-2002 yillarda Buxoro davlat universitetida dotsent va 1995-2000 yillarda kafedra mudiri, 1987-1994 yillarda «Zarafshon» ansamblida sozanda, 1997-2002 yillarda «O‘zbeknavo» birlashmasi Buxoro viloyati bo‘limi badiiy rahbari, 2002 yildan «Dutorchi qizlar» ansambli maslahatchisi lavozimlarida faoliyat olib borgan.

Shuningdek, O‘lmas Rasulov oliy va o‘rta maxsus o‘quv yurtlarida pedagoglik faoliyatini samarali davom ettirib yoshlarga ta’lim berdi va ko‘plab shogirdlar yetishtirdi. Oxirgi yillarda O‘zbekiston davlat san’at va madaniyat institutining «Milliy qo‘shiqchilik» kafedrasi dotsenti, 2021 yildan esa professor vazifasida faoliyat yuritdi.

Sozanda sifatida uning repertuaridan Shashmaqom, Farg‘ona-Toshkent yo‘llariga oid mumtoz va an’anaviy kuylar o‘rin olgan. Xonanda sifatida esa «Sodirxon Ushshog‘i», Mashrab g‘azali bilan «Sig‘madim», «Or yig‘laydi» kabi ashulalar, Buxoro yo‘llaridan «Zaboniy», «Javoniy», «Gul rezi» kabi asarlarning mahoratli ijrosi bilan xalq qalbiga kirib borgan.

O‘lmas Rasulov «Oypalak», «Tavois», «O‘chayotgan tabassum», «Samo» kabi cholg‘u kuylari, «So‘ramaysan» (H. Ahmedova she’ri bilan), «Shiru-shakar», «Karashma», «Magar Navro‘z ila bayram» (Navoiy, G‘oziy, Nasimiy g‘azallari bilan), «Nozik muxammas» (Nozik Bibi Xo‘qandiy asari bilan) va boshqa bir qator ashula va turkumlar, shuningdek, «Bobur», «Kecha va kunduz», «Imom Buxoriy» kabi video va badiiy filmlarga musiqa bastalagan.

U 2005 yilda «O‘zbekiston xalq artisti» unvoni bilan taqdirlangan.

04

(Tashriflar: umumiy 70, bugungi 3)

Izoh qoldiring