Иқтидорли хонанда ва жонажон укам Шуҳрат Қаюмов билан ҳамкорликда бир неча қўшиқ ёзганман. Уларнинг энг машҳури буюк Абдулла Қодирийнинг ўлмас асаридан илҳомланиб яратилган «Сиз ўшаму?» қўшиғидир…

Хуршид ДАВРОН
СИЗ ЎШАМУ?

Юлдузим деб,излаганим,
Армонларда бўзлаганим,
Кеча-кундуз сўзлаганим —
Сиз ўшаму,сиз ўшаму?

Олислардан топмаганим,
Аммо асло тонмаганим,
Ўйлаб-ўйлаб қонмаганим —
Сиз ўшаму,сиз ўшаму?

Тушларимга кириб юрган,
Юлдузлардай ёниб турган,
Мени ўйлаб хаёл сурган
Сиз ўшаму,сиз ўшаму?

Қолманг дейман заволимга,
Жамолингиз хаёлимда,
Дилим дарди саволимда,
Сиз ўшаму,сиз ўшаму?

Пешонамга тақдир битган,
Юрагимни абгор этган,
Отабегим дея кутган
Сиз ўшаму,сиз ўшаму?

Бир бор кўриб,ўлай дейман,
Кулгичига тўяй дейман,
Кўксига бош қўяй дейман,
Сиз ўшаму,сиз ўшаму?

  Iqtidorli xonanda va jonajon ukam Shuhrat Qayumov bilan hamkorlikda bir necha qo‘shiq yozganman. Ularning eng mashhuri buyuk Abdulla Qodiriyning o‘lmas asaridan ilhomlanib yaratilgan “Siz o‘shamu?” qo‘shig‘idir…

Xurshid DAVRON
SIZ O‘SHAMU?

Yulduzim deb,izlaganim,
Armonlarda bo‘zlaganim,
Kecha-kunduz so‘zlaganim —
Siz o‘shamu,siz o‘shamu?

Olislardan topmaganim,
Ammo aslo tonmaganim,
O‘ylab-o‘ylab qonmaganim —
Siz o‘shamu,siz o‘shamu?

Tushlarimga kirib yurgan,
Yulduzlarday yonib turgan,
Meni o‘ylab xayol surgan
Siz o‘shamu,siz o‘shamu?

Qolmang deyman zavolimga,
Jamolingiz xayolimda,
Dilim dardi savolimda,
Siz o‘shamu,siz o‘shamu?

Peshonamga taqdir bitgan,
Yuragimni abgor etgan,
Otabegim deya kutgan
Siz o‘shamu,siz o‘shamu?

Bir bor ko‘rib,o‘lay deyman,
Kulgichiga to‘yay deyman,
Ko‘ksiga bosh qo‘yay deyman,
Siz o‘shamu,siz o‘shamu?