Бугун таниқли ёзувчи, Ўзбекистонда хизмат кўрсатган маданият ходими, бир неча тарихий мавзуда ёзилган асарлар муаллифи Асад Дилмурод вафот этди.Инна лиллаҳи ва инна илаҳи рожиун. Оллоҳ раҳматига олсин!
Асад Дилмурод 1947 йил 20 июлда Самарқанд вилояти Ургут туманидаги Қоратепа қишлоғида таваллуд топди. ТошДУ (ҳозирги Ўзбекистон Миллий университети)нинг журналистика факультетида сиртдан таҳсил олган.
Меҳнат фаолиятини «Ургут садоси» газетасида адабий ходим сифатида бошлади (1969), сўнгра «Зарафшон», «Ўзбекистон овози» газеталари, «Камалак» (ҳозирги «Янги аср авлоди») нашриёти, «Соғлом авлод учун», «Шарқ юлдузи» журналлари, «Ўзбеккино» миллий агентлигида турли вазифаларда меҳнат фаолиятини давом эттирган.
Адиб ижодида тарих билан замон руҳи ўзаро синтезлашган. «Мулк», «Гириҳ», «Интиҳо» (1988–1991) қиссалари, миллий қаҳрамонлардан бири Маҳмуд Торобий тақдири ва қўзолони ҳақидаги «Маҳмуд Торобий» (1990–1998) ҳамда «Паҳлавон Муҳаммад» романи (2001–2006) шалар жумласидандир. «Фано даштидаги қуш» (1998–2002), «Ранг ва меҳвар» (2012) романлари ўқувчиларни бефарқ қолдирмади.
Ўзбекистонда хизмат кўрсатган маданият ходими Асад Дилмурод асарлари рус, украин, қозоқ, тожик, турк, уйғур тилларига таржима қилинган.
«Хуршид Даврон кутубхонаси» кўп сонли муштарийлари номидан ёзувчи Асад Дилмуроднинг вафоти муносабати билан марҳумнинг оила аъзоларига чуқур ҳамдардлик билдиради.
Bugun taniqli yozuvchi, Oʻzbekistonda xizmat koʻrsatgan madaniyat xodimi, bir necha tarixiy mavzuda yozilgan asarlar muallifi Asad Dilmurod vafot etdi.Inna lillahi va inna ilahi rojiun. Olloh rahmatiga olsin!
Asad Dilmurod 1947 yil 20 iyulda Samarqand viloyati Urgut tumanidagi Qoratepa qishlogʻida tavallud topdi. ToshDU (hozirgi Oʻzbekiston Milliy universiteti)ning jurnalistika fakultetida sirtdan tahsil olgan.
Mehnat faoliyatini “Urgut sadosi” gazetasida adabiy xodim sifatida boshladi (1969), soʻngra “Zarafshon”, “Oʻzbekiston ovozi” gazetalari, “Kamalak” (hozirgi “Yangi asr avlodi”) nashriyoti, “Sogʻlom avlod uchun”, “Sharq yulduzi” jurnallari, “Oʻzbekkino” milliy agentligida turli vazifalarda mehnat faoliyatini davom ettirgan.
Adib ijodida tarix bilan zamon ruhi oʻzaro sintezlashgan. “Mulk”, “Girih”, “Intiho” (1988–1991) qissalari, milliy qahramonlardan biri Mahmud Torobiy taqdiri va qoʻzoloni haqidagi “Mahmud Torobiy” (1990–1998) hamda “Pahlavon Muhammad” romani (2001–2006) shalar jumlasidandir. “Fano dashtidagi qush” (1998–2002), “Rang va mehvar” (2012) romanlari oʻquvchilarni befarq qoldirmadi.
Oʻzbekistonda xizmat koʻrsatgan madaniyat xodimi Asad Dilmurod asarlari rus, ukrain, qozoq, tojik, turk, uygʻur tillariga tarjima qilingan.
“Xurshid Davron kutubxonasi” koʻp sonli mushtariylari nomidan yozuvchi Asad Dilmurodning vafoti munosabati bilan marhumning oila aʼzolariga chuqur hamdardlik bildiradi
