Ўзбек илм-фани оғир жудоликка учради. Ўзбекистон Республикаси Фан арбоби, Фанлар академияси академиги, ўзбек адабиётшунослигидаги йирик олим, кўплаб шогирдларнинг устози Бахтиёр Аминович Назаров 2022 йил 18 январда 77 ёшида вафот этди. Аллоҳи Карим раҳматига олсин. Инна лиллаҳи ва инна илайҳи рожиун
«Хуршид Даврон кутубхонаси» номидан марҳумнинг оила аъзолари ва яқинларига чуқур ҳамдардлик билдирамиз.
Атоқли адабиётшунос олим Баxтиёр Назаро (1945.17.9, Тошкент)-адабиётшунос олим. Ўзбекистон ФА академиги (2000), филология фанлари доккори (1984), профессор (1994). ТошДУни тугатган (1966). Ўзбекистон ФА Тил ваадабиёт институтида илмий ходим, илмий котиб (1969-1972; 1979-1983), директор (1986-190), бўлим мудири (1996 йилдан). Ўзбекистон Республикаси Президенти давлат маслаҳатчиси (1990-1992), Олий ва ўрта махсус таълим вазирининг биринчи ўринбосари (1992-1994), айни вақтда “Ўзбек тили ва адабиёти” журналининг бош муҳаррири (1986-1994). Назаровнинг илмий ишлари 20 аср ўзбек адабиёти тараққиёти, хусусан, танқидчилик ва адабиётшунослик методологияси муаммолари, адабиёт назарияси ва адабий алоқа масалаларига бағишланган. Тадқиқотларида Фитрат, Ойбек, Ғафур Ғулом, Абдулла Қаҳҳор, Абдулла Орипов маҳорати ўрганилган. Ойбекнинг 20 жилдли Мукаммал асарлар тўпламини нашрга тайёрлашда қатнашган. Миллий истиқлол ғояси билан суғорилган, янги типдаги дарсликлар (ўрта мактабнинг 9-11-синфлари учун XX аср «Ўзбек адабиёти тарихи”)нинг муаллифларидан бири.
Atoqli adabiyotshunos olim Baxtiyor Nazarov (17-sentabr 1945-yilda Toshkentda tugʻilgan) — adabiyotshunos olim. Oʻzbekiston Fanlar Akademiyasi akademigi (2000), filologiya fanlari doktori (1984), professor (1994). Toshkent davlat universiteti tugatgan (1966). Oʻzbekiston Fanlar Akademiyasi til va adabiyot intstituda ilmiy xodim, ilmiy kotib (1969— 1972; 1979—1983), direktor (1986—1990), boʻlim mudiri (1996-yildan). Oʻzbekiston Fanlar Akademiyasi Bosh ilmiy kotibi oʻrinbosari (1973—1979), vitse-prezident vazifasini bajaruvchi (1999—2000). Oʻzbekiston Respublikasi Prezidenti davlat maslahatchisi (1990— 92), Oliy va oʻrta maxsus taʼlim vazirining birinchi oʻrinbosari (1992—1994), ayni vaqtda „Oʻzbek tili va adabiyoti“ jurnalining bosh muharriri (1986-1994).
Nazarovning ilmiy ishlari 20-asr oʻzbek adabiyoti taraqqiyoti, xususan, tanqidchilik va adabiyotshunoslik metodologiyasi muammolari, adabiyot nazariyasi va adabiy aloqa masalalariga bagʻishlangan. Tadqiqotlarida Fitrat, Oybek, Gʻafur Gʻulom, Abdulla Qahhor, Abdulla Oripov mahorati oʻrganilgan. Oybekning 20 jildli „Mukammal asarlar“ toʻplamini nashrga tayyorlashda qatnashgan. Milliy istiqlol gʻoyasi bilan sugʻorilgan, yangi tipdagi darsliklar (oʻrta maktabning 9-, 11-sinflari uchun „Oʻzbek adabiyoti“, oliy maktab uchun „20 asr oʻzbek adabiyoti tarixi“ ning mualliflaridan biri.
