22 июнь — машҳур немис ёзувчиси Эрих Мария Ремарк таваллуд топган кун.
Таниқли немис адиби, Ғарбда «Йўқотилган авлод» деб аталган адабиётнинг йирик вакили Эрих Мария Ремаркнинг энг машҳур асари — «Уч оғайни» романи неча авлодлар учун севимли бўлиб келган. 70-йилларда Эрих Мария Ремаркнинг айни шу ва бошқа асарларини қўлга киритиш учун ашаддий китобхонлар китоб дўконларида ойлаб навбатда туришарди.
Эрих Мария Ремарк (1898.22.6, Оснабрюк — 1970.25.9, Локарно, Швейцария) — немис ёзувчиси. Ғарбда «Йўқотилган авлод» деб аталган адабиётнинг йирик вакили. 1-жаҳон уруши қатнашчиси. Асарларида уруш даҳшатлари, 2-жаҳон уруши йиллари ва ундан кейинги даврдаги ҳаётни, фашизмнинг мудҳиш қиёфаси, маънавий эзилган, ўзини жамиятдан бегоналашган деб ҳис қилувчи кишилар қисмати акс этган: «Ғарбий фронтда ҳеч қандай ўзгариш йўқ» (1929) асари учун гитлерчилар Ремаркни немис фуқаролигидан маҳрум этган. 1932 йилдан муҳожирликда.
Урушда маънавий шикастланган авлоднинг аянчли ҳаёти «Қайтиш» (1931) романининг асосий мазмунини ташкил этади. «Уч дўст» (1938), «Зафар дарвозаси» (1946), «Ҳаёт алангаси» (1952), «Ҳаёт-мамот палласи» (1954), «Қора ҳайкал» (1956), «Осмон ҳеч қандай севиклини билмайди» (1961), «Лиссабондаги тун» (1963), «Жаннатдаги соялар» (1971) ва бошқа асарлар муаллифи. «Уч оғайни» романи тўлиқ, «Ғарбий фронтда ҳеч қандай ўзгариш йўқ» ва бошқа асарларидан парчалар ўзбек тилига таржима қилинган.
Erich Maria Remarque (talaffuzi: Erix Maria Remark; kir. Эрих Мария Ремарк; 22-iyun, 1898 – 25-sentabr 1970) — olmon yozuvchisi. Gʻarbda «Yoʻqotilgan avlod» deb atalgan adabiyotning yirik vakili. 1-jahon urushi qatnashchisi. Asarlarida urush dahshatlari, 2-jahon urushi yillari va undan keyingi davrdagi hayotni, fashizmning mudhish qiyofasi, maʼnaviy ezilgan, oʻzini jamiyatdan begonalashgan deb his qiluvchi kishilar qismati aks etgan: «Gʻarbiy frontda hech qanday oʻzgarish yoʻq» (1929) asari uchun gitlerchilar Remarkni nemis fuqaroligidan maxrum etgan. 1932-yildan muhojirlikda yashagan. Urushda maʼnaviy shikastlangan avlodning ayanchli hayoti «Qaytish» (1931) romanining asosiy mazmunini tashkil etadi. «Uch doʻst» (1938), «Zafar darvozasi» (1946), «Hayot alangasi» (1952), «Hayotmamot pallasi» (1954), «Qora haykal» (1956), «Osmon hech qanday seviklini bilmaydi» (1961), «Lissabondagi tun» (1963), «Jannatdagi soyalar» (1971) va boshqa asarlar muallifi. «Uch og’ayni» romani to’liq, «Gʻarbiy frontda hech qanday oʻzgarish yoʻq» va boshqa asarlaridan parchalar oʻzbek tiliga tarjima qilingan.
Эрих Мария Ремаркнинг «Уч оғайни» романини мутолаа қилинг ёки юклаб олинг
