خورشید دوران

خورشید دوران 1952 ایل سمرقنده توغیلگن .عالی معلوماتلی ، اؤزبیکستان ملی عالی بیلیم یورتینینگ ژورنالیستیکه فاکولته تینی توگتگن .محنت فعالیتینی 1969 ایلده قورولیشده عادی ایشچیلیکدن باشلگن. او 1971 ایللرده حربی خذمتده بؤلگن . 1974 — 1992 ایللر اورته لریده تورلی نشریاتلرده خذمت قیلدی.خورشید دوران 1994 — 96 ایللر مابینیده ریسپوبلیکه معنویت و معرفت جماعتچیلیک مرکزینی رهبرینینگ بیرینچی اؤرینباسری بؤلیب ایشلدی . 1996 ایلدن باشلب اؤزبیکستان تیلویزیونیده فعالیت یوریتدی .1998 — 2005 ایللرده «یاشلر» تیلی کانالینینگ باش دیریکتری صفتیده فعالیت یوریتدی .حاضر ده او «اؤزبیکستان » تیلی کانالی نینگ رهبری .خورشید دوردان استعدادلی شاعر ، معرفتچی ادیب ، بیلیمدان تاریخچی و پوبلیسیست ، ماهر ترجماندیر.1980 ایلدن اؤزبیکستان یازووچیلر اویوشمه سینینگ اعضاسی .اونینگ اثرلری 1992 ایلدن مکتب درسلیکلریگه کیریتیلگن .
او بلغاریا ، پولند ، گرجستان ، یونانستان ، تورکیه و روسیه ده اؤتکزیلگن شعریت انحمنلرینینگ ، امرشکانینگ واشنگتن شهریده بؤلیب اؤتگن آسیا ادیبلری کانگریسینینگ قتنشچیسیدیر.
خورشید دوران ایل — یورت آلدیده گی خذمتلری اوچون 1997 ایلده «دوستلیک » اوردینی ، ادبی فعالیتی اوچون 1999 ایلده «اؤزبیکستان رسپوبلیکه سی خلق شاعری » عنوانی بیلن تقدیرلنگن .
خورشید دوران نینگ بوتون ایجادی آنه تورکستان و سمرقند تاریخی بیلن یؤغریلگن . اونینگ «سمرقند خیالی» ،»صاحب قران نبیره سی » ، » شهیدلر شاهی یاحود شیخ کبرا توشلری» اثرلری امیر تیمور ، میرزا بابر حیاتی و فعالیتینینگ ایریم باسقیچلریگه ، تورکستان تصوف مکتبلری تاریخیگه بغیشلنگن .
خورشید دوران درامتورگیه ساحه سیده هم ایجاد قیلدی. «بابرساغینچی » ، «الغول یولدوزی » (میرزا اولوغ بیک)پیسه لرنینگ مؤلفی . «بابر ساغینچی» اثری 2003 ایلده مقیمی نامیده گی مقیمی -درامه تیاتیری و 2004 ایلده اؤزبیکستان صنعت انیستیتونینگ طلبه لرتیاتیری صحنه سیده قؤیلگن.التماس سیز عزیز یورتداشلردن منه بؤ  جناب خورشید دوران نینگ ویب سایتی ، ایرکین و بی ملال کیریب ینگی — ینگی ایجادلری بیلن تنیشیب و اؤز آنه تیلینگیزنی بای ایتیب بارینگلر ساغ و سلامت بؤلینگلر.
حرمت وادب بیلن عزیز فاریاب.
خورشید دوران نینگ شعری دن بیر پرچه :

ماوی رنگلی آسمانگه باقدیم ،
آسمانیمگه ایلندی آسمان.
زومرد دله مینیکی بؤلدی
باققنیمده چیکسیزلیک تامان .

پیشیب یاتگن باغلرگه باقدیم
و کؤکسیمگه باشین قؤیدی کوز.
تانگ نورینینگ تؤلقینیده جیم
یوره گیمده چقنه دی یولدوز.

ایچدیم اؤتلی شماللرنی مین
شماللرگه ایلندی بغریم .
سیودیم گل و عیاللرنی مین
و حیاتنی یانیب کویلدیم .

هر کیم نینگ هم بؤلسین آسمانی ،
اؤت گللری بؤلسین قلبیم نینگ .
ایرکده ی اولوغ اؤزبیکستانی ،
چیکسیز لیگی بؤلسین هر کیم نینگ .
خورشید دوران
ایل .

1973

***

طبیعت دیر مینینگ دوامیم ،
توتش ایرور بغریم بغریگه .
عمریم باغلیق آی-یو آفتابی ،
دریا ، دله ، درختلریگه .

یلپیزلرنی قوچاقلب سرخوش ،
محبتگه چولغه نر قلبیم ،
باشم اوزره اوچیب اؤتر قوش ،
خیالیم نینگ دوامی کبی .

تونلرنفس آلمه ی یاته من ،
مینی قوچر قوانچ و الم .
درخت کولگوسینی کؤرگن من ،
کؤرگن من کؤز یاشلرینی هم .
خورشید دوران

1978

حرمتلی وعزیز دوستلر بو ویبلاگه خوش کیلدینگیز .سیز بو ویبلاگه یازیلگن ادبی فرهنگی تاریخی اجتماعی مضمونلر نی قویگن من .اوقوب وکمچیلیک لرنی تولدیره سیز دیگن امیده من.باشلنیش بیتیده حرمتلی متفکر شاعر ایرکین واحدوف نینگ اوزبیگیم عنوانلی شعرینی قویب شو شعر اساسیده آزگینه بولسه هم تورک اوزبیک تاریخی توغری سیده معلومات لر قیدیریب وب گه تشلب باره یابمن .سیز اولوغ شخصلر گه مقول بولسه دیگن امیده من.داکتر عزیزالله فاریابی

 
AZIZULLAH FARYABI
DR.FARYABI@GMAIL.COM
DR-FARYABI@HOTMAIL.COM
کانادا
+1
778 998 3643
SKYPE
DR-FARYABI65

Manba: Dr. Azizullah Faryabining «O’zbegim» blogi