Туғилган куним Бухородан, Абдунаби Ҳамродан табрик келди. Ўқиб қувондим.Раҳмат, дўстим!
Абдунаби Ҳамро
ХУРШИД ДАВРОН ҚАНАҚА ШОИР?
Хуршид Даврон китобга ўхшар
Тарих китобига ўхшар у,
Унда минглаб қисматлар яшар
Ҳар саҳфада – армон ва орзу.
Хуршид Даврон хитобга ўхшар
“Уйғонинглар!” деган хитобга,
Варақлардан бирма-бир ошар
Тик ундовдай тушар ҳар бобга.
Хуршид Даврон шитобга ўхшар
Зумда бориб қайтар минг йилга,
Асрларни оралаб шошар
Нур улашар ҳар бир кўнгилга.
Хуршид Даврон жавобга ўхшар
Берилмаган саволларингга,
Ўзбекистон бўлиб руҳ қўшар
У туркона хаёлларингга.
Хуршид Даврон шунақа шоир
Руҳдай енгил, тарихдай оғир…
Tug’ilgan kunim Buxorodan, Abdunabi Hamrodan tabrik keldi. O‘qib quvondim.Rahmat, do‘stim!
Abdunabi Hamro
XURSHID DAVRON QANAQA SHOIR?
Xurshid Davron kitobga o‘xshar
Tarix kitobiga o‘xshar u,
Unda minglab qismatlar yashar
Har sahfada – armon va orzu.
Xurshid Davron xitobga o‘xshar
“Uyg‘oninglar!” degan xitobga,
Varaqlardan birma-bir oshar
Tik undovday tushar har bobga.
Xurshid Davron shitobga o‘xshar
Zumda borib qaytar ming yilga,
Asrlarni oralab shoshar
Nur ulashar har bir ko‘ngilga.
Xurshid Davron javobga o‘xshar
Berilmagan savollaringga,
O‘zbekiston bo‘lib ruh qo‘shar
U turkona xayollaringga.
Xurshid Davron shunaqa shoir
Ruhday yengil, tarixday og‘ir…
