“Uzbekistan Airports” акциядорлик жамиятида “Китобхонлик куни” тадбири доирасида, жамиятнинг хотин-қизлар қаноти ҳамда давлат тилини ривожлантириш бўйича маслаҳатчиси билан ҳамкорликда тайёрланган маърифий учрашув бўлиб ўтди. Ушбу тадбирда акциядорлик жамиятида ишлаб келаётган ёшлар, адабиёт ихлосмандлари кўплаб халқаро адабий мукофотлар соҳиби, шоир, таржимон, драматург ва жамоат арбоби, Ўзбекистон халқ шоири Хуршид Даврон билан мулоқот қилдилар.

Таниқли адиб ўзбек халқининг тарихи, Амир Темур, темурий маликалар ва шаҳзодалар, Мирзо Бобур ва Самарқанд, Туркистон тасаввуф тариқатлари, жадид боболаримиз ҳаёти ва фаолияти ҳақида сўзлаб берди, иштирокчиларнинг кўп асрлик тарихимиз билан боғлиқ саволларига жавоб берди. Тадбир сўнгида иштирокчиларга адиб китобларидан ҳамда акциядорлик жамият томонидан тайёрлаб қўйилган китоблар тақдим этилди. Китобхонлик тадбири иштирокчилари Халқ шоирига қизиқарли суҳбат учун самимий миннатдорлик билдирдилар.

“Uzbekistan Airports” aksiyadorlik jamiyatida “Kitobxonlik kuni” tadbiri doirasida, jamiyatning xotin-qizlar qanoti hamda davlat tilini rivojlantirish bo‘yicha maslahatchisi bilan hamkorlikda tayyorlangan ma’rifiy uchrashuv bo‘lib o‘tdi. Ushbu tadbirda aksiyadorlik jamiyatida ishlab kelayotgan yoshlar, adabiyot ixlosmandlari ko‘plab xalqaro adabiy mukofotlar sohibi, shoir, tarjimon, dramaturg va jamoat arbobi, O‘zbekiston xalq shoiri Xurshid Davron bilan muloqot qildilar.
Taniqli adib o‘zbek xalqining tarixi, Amir Temur, temuriy malikalar va shahzodalar, Mirzo Bobur va Samarqand, Turkiston tasavvuf tariqatlari, jadid bobolarimiz hayoti va faoliyati haqida so‘zlab berdi, ishtirokchilarning ko‘p asrlik tariximiz bilan bog‘liq savollariga javob berdi. Tadbir so‘ngida ishtirokchilarga adib kitoblaridan hamda aksiyadorlik jamiyat tomonidan tayyorlab qo‘yilgan kitoblar taqdim etildi. Kitobxonlik tadbiri ishtirokchilari Xalq shoiriga qiziqarli suhbat uchun samimiy minnatdorlik bildirdilar.