Ғафур Ғулом номидаги адабиёт ва санъат нашриёти
Тошкент — 1979
Муҳаррир — Шавкат Раҳмон

Хуршид Давроннинг “Қадрдон қуёш” тўпламига кирган шеърларида табиат ва инсондаги уйғунлик, она-Ерга садоқат, уруш қолдирган жароҳатлар андуҳи, муҳаббатнинг қадрдон ва изтиробли онлари қаламга олинади. У борлиққа ошиқлигини тенгдошларидан фарқли ўлароқ ўта босиқлик, қандайдир бир ёқимли меҳр билан ифода этади. “Яшилгина майсалар”га лаб босиб, уларни эркалаб, она – замин олдидаги фарзандлик бурчини адо этишга уринади. Унинг баҳор ҳақидаги битикларидан ялпиз, чучмома, майсалар, жийда гулининг ҳиди анқиб туради. Гўзалликка ташналик уни далалар бағрига, ой чўмилган кечалар қаърига етаклайди. Намунча севмаса, дегинг келади, бу йигит ялпизни… (Асқарали Шароповинг ”Руҳий эҳтиёж ва масъулият масаласи” (1980) мақоласидан. Мақолани мана бу саҳифада ўқинг)

Xurshid Davron. Qadrdon quyosh.
G’afur G’ulom nomidagi adabiyot va san’at nashriyoti
Toshkent — 1979
Muharrir — Shavkat Rahmon

Xurshid Davronning “Qadrdon quyosh” to’plamiga kirgan she’rlarida tabiat va insondagi uyg’unlik, ona-Yerga sadoqat, urush qoldirgan jarohatlar anduhi, muhabbatning qadrdon va iztirobli onlari qalamga olinadi. U borliqqa oshiqligini tengdoshlaridan farqli o’laroq o’ta bosiqlik, qandaydir bir yoqimli mehr bilan ifoda etadi. “Yashilgina maysalar”ga lab bosib, ularni erkalab, ona – zamin oldidagi farzandlik burchini ado etishga urinadi. Uning bahor haqidagi bitiklaridan yalpiz, chuchmoma, maysalar, jiyda gulining hidi anqib turadi. Go’zallikka tashnalik uni dalalar bag’riga, oy cho’milgan kechalar qa’riga yetaklaydi. Namuncha sevmasa, deging keladi, bu yigit yalpizni… (Asqarali Sharopoving ”Ruhiy ehtiyoj va mas’uliyat masalasi” (1980) maqolasidan. Maqolani mana bu sahifada o’qing)

Xurshid Davron.Qadrdon quyosh — 1979 (Kiril & Lotin) by Khurshid Davron on Scribd