O’zbekiston xalq artisti, betakror san’atkor To’ti Yusupova vafot etdi

045 Деярли ҳамқишлоғим, она қишлоғим Чордара билан  бир-бирига қўшилиб кетган, жуда кўп илму санъат одамлари туғилган Самарқанд туманидаги Туркманқишлоқнинг фарзанди, Ўзбекистон халқ артисти Тўти Юсупова вафот этди. Марҳумани Аллоҳ раҳматига олсин. Албатта, биз Аллоҳникимиз ва, албатта, биз Унга қайтгувчимиз. Опанинг оиласига,  яқинларига сабр берсин. Оилам номидан, «Хуршид Даврон кутубхонаси» сайти муштарийлари номидан ҳамдардлигимизни билдирамиз.

Тўти Юсупова 1936 йилнинг 10 март куни Самарқанд вилоятида таваллуд топган. Тошкент театр ва рассомлик институтини тамомлаган. 1957 йилдан ўзбек миллий академик драма театрида фаолият юритган. Театр саҳнасида Ҳафиза (Абдулла Қаҳҳор, «Шоҳи сўзана»), Sonyа (А.Чехов, «Ваня тоға»), Қорасоч (Уйғун, «Шубҳа»), Ҳожар (А.Қаҳҳор, «Тобутдан товуш»), Нури (Ойбек, «Қутлуғ қон»), Она (Э’ Роблес, «Ўлимдан кучли»), Хонзода (Ҳамза, «Бой ила хизматчи»), Шафақ (М. Карим, «Ой тутилган тунда»), Раҳима (Ў. Умарбеков, «Комиссия»), Сотти (С.Аҳмад, «Келинлар қўзғолони»), Фотима, Зеби (Ў.Умарбеков, «Шошма қуёш», «Қиёмат қарз»), Нодира (Т.Тўла, «Нодира»), Мастура (Ҳамза, «Паранжи сирлари») каби турли қаҳрамонлар образини яратди. Шунингдек, актриса кинода самарали фаолият юритган.

Тўти Юсупова 1994 йилда Ўзбекистон халқ артисти унвонини олган. 


Deyarli hamqishlog’im, ona qishlog’im Chordara bilan bir-biriga qo’shilib ketgan, juda ko’p ilmu san’at odamlari tug’ilgan Samarqand tumanidagi Turkmanqishloqning farzandi, O’zbekiston xalq artisti To’ti Yusupova vafot etdi. Marhumani Alloh rahmatiga olsin. Albatta, biz Allohnikimiz va, albatta, biz Unga qaytguvchimiz. Opaning oilasiga,  yaqinlariga sabr bersin. Oilam nomidan, «Xurshid Davron kutubxonasi» sayti mushtariylari nomidan hamdardligimiznibildiramiz.

To‘ti Yusupova 1936 yilning 10 mart kuni Samarqand viloyatida tavallud topgan. Toshkent teatr va rassomlik institutini tamomlagan. 1957 yildan o‘zbek milliy akademik drama teatrida faoliyat yuritgan. Teatr sahnasida Hafiza (Abdulla Qahhor, «Shohi so‘zana»), Sonya (A.Chexov, «Vanya tog‘a»), Qorasoch (Uyg‘un, «Shubha»), Hojar (A.Qahhor, «Tobutdan tovush»), Nuri (Oybek, «Qutlug‘ qon»), Ona (E’ Robles, «O‘limdan kuchli»), Xonzoda (Hamza, «Boy ila xizmatchi»), Shafaq (M. Karim, «Oy tutilgan tunda»), Rahima (O‘. Umarbekov, «Komissiya»), Sotti (S.Ahmad, «Kelinlar qo‘zg‘oloni»), Fotima, Zebi (O‘.Umarbekov, «Shoshma quyosh», «Qiyomat qarz»), Nodira (T.To‘la, «Nodira»), Mastura (Hamza, «Paranji sirlari») kabi turli qahramonlar obrazini yaratdi. Shuningdek, aktrisa kinoda samarali faoliyat yuritgan.

To‘ti Yusupova 1994 yilda O‘zbekiston xalq artisti unvonini olgan.

045

(Tashriflar: umumiy 52, bugungi 1)

Izoh qoldiring