Германиянинг Ҳамбург шаҳрида ташкил этилган бокс бўйича 2017 йилги жаҳон чемпионатининг 69 килограммгача бўлган вазн тоифасидаги баҳслар финалида Шаҳрам Ғиёсов кубалик рақиби Рониэл Иглесиасни мағлубиятга учратди. Аммо, Ўзбекистоннниг фахри бўлган Ҳасанбой Дўстматовга нисбатан ҳакамлар номардлик қилишди. Ҳасанбой ўз рақибини ҳар томонлама енганини фақат тентак кўрмаслиги мумкин. Эндигина 20 ёшга кирган  Иқболжон Холдоровнинг кумуш олгани олтин олгани билан баробар.

Шаҳрам ҳар учала раундда рақибидан тўлиқ устун ҳаракат қилди. Жангдан сўнг Рониэл Илгесиаснинг ўзи ҳам мағлубиятини тан олиб, Шаҳрам Ғиёсовни олқишлади. Шаҳрам ғалабасини ўз анъанасига содиқ тарзда — Криштиану Роналду услубида нишонлади.

Ўзбекистонлик чемпион боксчи финалга қадар украиналик Евгений Барабанов, англиялик Пет Маккормак ва қозоғистонлик Аблайхон Жусуповни мағлуб этган эди. Шаҳрам Ғиёсов жаҳон чемпионатининг олтин медалини қўлга киритгани муносабати билан, мусобақа бўлиб ўтаётган Гамбургдаги аренада Ўзбекистон мадҳияси янграйди.

Жаҳон чемпионати финалига, Шаҳрам Ғиёсовдан ташқари, яна уч нафар ўзбекистонлик боксчи йўл олган эди. Уларнинг бари — Ҳасанбой Дўстматов (-49 килограмм), Жасур Латипов (-52 килограмм) ва Иқболжон Холдоров (-64 килограмм) кубалик боксчиларга мағлуб бўлиб, кумуш медаль билан кифояланди.

Germaniyaning Hamburg shahrida tashkil etilgan boks bo‘yicha 2017 yilgi jahon chempionatining 69 kilogrammgacha bo‘lgan vazn toifasidagi bahslar finalida Shahram G‘iyosov kubalik raqibi Roniel Iglesiasni mag‘lubiyatga uchratdi.  Ammo, O‘zbekistonnnig faxri bo‘lgan Hasanboy Do‘stmatovga nisbatan hakamlar nomardlik qilishdi. Hasanboy o‘z raqibini har tomonlama yenganini faqat tentak ko‘rmasligi mumkin. Endigina 20 yoshga kirgan Iqboljon Xoldorovning kumush olgani oltin olgani bilan barobar.

Shahram har uchala raundda raqibidan to‘liq ustun harakat qildi. Jangdan so‘ng Roniel Ilgesiasning o‘zi ham mag‘lubiyatini tan olib, Shahram G‘iyosovni olqishladi. Shahram g‘alabasini o‘z an’anasiga sodiq tarzda — Krishtianu Ronaldu uslubida nishonladi.

O‘zbekistonlik chempion bokschi finalga qadar ukrainalik Yevgeniy Barabanov, angliyalik Pet Makkormak va qozog‘istonlik Ablayxon Jusupovni mag‘lub etgan edi. Shahram G‘iyosov jahon chempionatining oltin medalini qo‘lga kiritgani munosabati bilan, musobaqa bo‘lib o‘tayotgan Gamburgdagi arenada O‘zbekiston madhiyasi yangraydi.

Jahon chempionati finaliga, Shahram G‘iyosovdan tashqari, yana uch nafar o‘zbekistonlik bokschi yo‘l olgan edi. Ularning bari — Hasanboy Do‘stmatov (-49 kilogramm), Jasur Latipov (-52 kilogramm) va Iqboljon Xoldorov (-64 kilogramm) kubalik bokschilarga mag‘lub bo‘lib, kumush medal bilan kifoyalandi.