Олим эдинг, ориф бўлдинг. Энди ошиқ бўлишга мажолинг борми? Ҳаммаси қалбингга боғлиқ: қалбингни ўзгартир, дунёинг ҳам ўзгарсин. Баъзан ортингга қараб қўй: шунда қаердан келганингни унутмайсан.

ШАМСИ ТАБРИЗИЙ
ҲИКМАТЛАР
Маъруфжон Йўлдошев таржимаси

Олим эдинг, ориф бўлдинг. Энди ошиқ бўлишга мажолинг борми?

Ҳаммаси қалбингга боғлиқ: қалбингни ўзгартир, дунёинг ҳам ўзгарсин.

Баъзан ортингга қараб қўй: шунда қаердан келганингни унутмайсан.

Одамлар шароб ичиб сархуш бўлади. Ишқ аҳли эса ичмай туриб маст бўлади.

Ошиқларга уйқу ҳаромдир.

Баъзан узоқлашмоқ керак, яқинлашмоқ учун. Баъзан эсламоқ керак, эсланмоқ учун. Баъзан йиғламоқ керак,
очилмоқ учун. Баъзан сукут яхшидир, тингламоқ учун.

Севишни қалб буюрдими ёки ёлғизлик? Рости, севги деганлари нима ўзи? Бир шамни тутатмоқми ёхуд ёнаётган оташга тегинмоқми?

Бу ҳаётда ҳар ким бўлишинг мумкин, аммо энг муҳими ИНСОН бўлмоғингдир.

Сўзлар ҳақиқат эмас, бор йўғи оғиздан чиққан товушлардир. Ҳақиқатни англамоқ учун яшамоққа эҳтиёж бор.

Гўзал гулни, осуда кечани, дуруст дўстни ҳамма хоҳлайди. Муҳими, гулни тикани билан, кечани асрори билан, дўстни дарди билан қабул қила олмоқликдир.

Қалб эшигимизни қоққанларга қалбимизни очдик…

Олдин ишқни англайлик…

Кўлмак елвизакда ҳам чайқалаверади. Уммонларнинг тўлқини муҳаббатнинг маҳобатидандир. Англадимки, теран ва асрорангиз бўлган нарсалар сокин бўлади. Англадимки, сокин бўлган насалар теран ва ҳайбатли бўлади.

Севмаганга чумоли ҳам юк, севганга филлар ҳам чумолидек гап. Агар инсон ошиқ бўлса ва ишонса тоғни ҳам елкасида таший олади.

Ҳузун ишқни айнишдан асрайди.

Ярамдан ҳам мамнунман, ёримдан ҳам.

Етарки, сен бўл! Хоҳ ёр бўл, хоҳ яра. Лутфинг ҳам бошим устида, қаҳринг ҳам…

Илм уч нарсадан иборатдир: зокир тил, шокир қалб ва собир бадан.

Сенда ундан ҳам бор, бундан ҳам бор. Фалон борми дедилар, бор. Фисмадон борми дедилар, бор. Яхши, СЕНда
СЕНдан нима бор, Мавлоно?!

Ҳар нарсанинг меъёри яхши. Одобнинг эса ортиғи.

Дўст дегани гулдай бўлмоғи керак: ҳам япроғи, ҳам тикани билан.

Қалбингни кин ва ҳасад ила кирлатма. Чунки уларни ювиб кетказолмайсан.

Sevmaganga chumoli ham yuk, sevganga fillar ham chumolidek gap. Agar inson oshiq bo’lsa va ishonsa tog’ni ham yelkasida tashiy oladi.

SHAMSI TABRIZIY
HIKMATLAR
Ma’rufjon Yo’ldoshev tarjimasi

Olim eding, orif bo’lding. Endi oshiq bo’lishga majoling bormi?

Hammasi qalbingga bog’liq: qalbingni o’zgartir, dunyoing ham o’zgarsin.

Ba’zan ortingga qarab qo’y: shunda qaerdan kelganingni unutmaysan.

Odamlar sharob ichib sarxush bo’ladi. Ishq ahli esa ichmay turib mast bo’ladi.

Oshiqlarga uyqu haromdir.

Ba’zan uzoqlashmoq kerak, yaqinlashmoq uchun. Ba’zan eslamoq kerak, eslanmoq uchun. Ba’zan yig’lamoq kerak, ochilmoq uchun. Ba’zan sukut yaxshidir, tinglamoq uchun.

Sevishni qalb buyurdimi yoki yolg’izlik? Rosti, sevgi deganlari nima o’zi? Bir shamni tutatmoqmi yoxud yonayotgan otashga teginmoqmi?

Bu hayotda har kim bo’lishing mumkin, ammo eng muhimi INSON bo’lmog’ingdir.

So’zlar haqiqat emas, bor yo’g’i og’izdan chiqqan tovushlardir. Haqiqatni anglamoq uchun yashamoqqa ehtiyoj bor.

Go’zal gulni, osuda kechani, durust do’stni hamma xohlaydi. Muhimi, gulni tikani bilan, kechani asrori bilan, do’stni dardi bilan qabul qila olmoqlikdir.

Qalb eshigimizni qoqqanlarga qalbimizni ochdik…

Oldin ishqni anglaylik…

Ko’lmak yelvizakda ham chayqalaveradi. Ummonlarning to’lqini muhabbatning mahobatidandir. Angladimki, teran va asrorangiz bo’lgan narsalar sokin bo’ladi.  Angladimki, sokin bo’lgan nasalar teran va haybatli bo’ladi.

Sevmaganga chumoli ham yuk, sevganga fillar ham chumolidek gap. Agar inson oshiq bo’lsa va ishonsa tog’ni ham yelkasida tashiy oladi.

Huzun ishqni aynishdan asraydi.

Yaramdan ham mamnunman, yorimdan ham.

Yetarki, sen bo’l! Xoh yor bo’l, xoh yara. Lutfing ham boshim ustida, qahring ham…

Ilm uch narsadan iboratdir: zokir til, shokir qalb va sobir badan.

Senda undan ham bor, bundan ham bor. Falon bormi dedilar, bor. Fismadon bormi dedilar, bor. Yaxshi, SENda  SENdan nima bor, Mavlono?!

Har narsaning me’yori yaxshi. Odobning esa ortig’i.

Do’st degani gulday bo’lmog’i kerak: ham yaprog’i, ham tikani bilan.

Qalbingni kin va hasad ila kirlatma. Chunki ularni yuvib ketkazolmaysan.