Ҳар гал Шавкат Раҳмоннинг сўнгги шеърларидан «Нодиражон,Шоиражон»ни  ўқиганимда томоғимга йиғи тиқилади. Азиз жўрам ва акамнинг чорасиз дард олдида бўзлаган нидоси йиллар ўтгани сайин юрагимда тоғ бўлиб юксалаётган соғинчга қўшилиб вужудимни титратади. Бу шеър ҳақида гапириш мен учун жуда оғир. Ҳар қандай сўз ортиқча…

Дўстим,биродарим Муҳаммадкаримга ушбу шеърни қўшиққа айлантиргани учун миннатдорчилигимни билдираман.

Шавкат Раҳмон
НОДИРАЖОН,ШОИРАЖОН

Нодиражон, Шоиражон,
танам қимир этмайди,
олис-олис воҳалардан
тоғларимни чақиринг,
осмон тўла ҳаволар
фақат менга етмайди.

Нодиражон, Шоиражон
танам қимир этмайди,
кўзимда бир томчи ёш,
сойлар ювса кетмайди.

Нодиражон, Шоиражон,
танам қимир этмайди,
пешонамнинг шўридан
бино бўлган бу дарё…
осмон тўла ҳаволар
фақат менга етмайди.

Нодиражон, Шоиражон,
танам қимир этмайди,
боринг, қорли тоғларга:
бир шоир ётибди денг,
Худонинг ҳовлисида…
Осмон тўла ҳаволар
фақат менга етмайди…

  Har gal Shavkat Rahmonning so‘nggi she’rlaridan “Nodirajon,Shoirajon”ni o‘qiganimda tomog‘imga yig‘i tiqiladi. Aziz jo‘ram va akamning chorasiz dard oldida bo‘zlagan nidosi yillar o‘tgani sayin yuragimda tog‘ bo‘lib yuksalayotgan sog‘inchga qo‘shilib vujudimni titratadi. Bu she’r haqida gapirish men uchun juda og‘ir. Har qanday so‘z ortiqcha…

  Do‘stim,birodarim Muhammadkarimga ushbu she’rni qo‘shiqqa aylantirgani uchun minnatdorchiligimni bildiraman.

Shavkat Rahmon
NODIRAJON,SHOIRAJON

Nodirajon, Shoirajon,
tanam qimir etmaydi,
olis-olis vohalardan
tog‘larimni chaqiring,
osmon to‘la havolar
faqat menga yetmaydi.

Nodirajon, Shoirajon
tanam qimir etmaydi,
ko‘zimda bir tomchi yosh,
soylar yuvsa ketmaydi.

Nodirajon, Shoirajon,
tanam qimir etmaydi,
peshonamning sho‘ridan
bino bo‘lgan bu daryo…
osmon to‘la havolar
faqat menga yetmaydi.

Nodirajon, Shoirajon,
tanam qimir etmaydi,
boring, qorli tog‘larga:
bir shoir yotibdi deng,
Xudoning hovlisida…
Osmon to‘la havolar
faqat menga yetmaydi…