Бўлмаса ишқ,икки жаҳон бўлмасун,
Икки жаҳон демаки,жон бўлмасун.
Ишқ ул танки,анинг жони йўқ,
Ҳуснни нетсун кишиким,они йўқ.
Улуғ бобомиз ҳазрат Алишер Навоийнинг ушбу сатрлари бу оламнинг ижодкори,кўнглимиз санъаткори бўлган ишқ ҳақидадир. Ҳазрат ишқ бобида яна айтганларким:
Ошиқ они билки,эрур дарднок,
Ҳам тили, ҳам кўзию ҳам кўнгли пок.
Ким бу сифат ишқда мағлуб эрур,
Ҳар неки андин келур,ул хўб эрур.
МУҲАББАТ ҲАҚИДА
I
Фақат юракдагина энг баланд самовий юксакликка кўтарилиш мумкин.
Жалолиддин Румий
Тўғри, Севги олам гардишини айлантирмайди. Севги шу гардиш айланишига маъно бағишлайди.
Франклин Жонес
Севиш доимо қўлидан келадиган аёл ҳеч қачон кексаймайди.
Жин Патсл Ричер
Севгининг боши ва интиҳоси биз ўйлаганчалик эмас. Муҳаббат бу – кураш. Муҳаббат бу – уруш! Севиш бу – улғайиш демакдир.
Жеймс Балдвин
Севги – бу бир-бирига тикилиш эмас, бир-бирининг ички дунёсини ўрганишдир.
Антуан де Cент Экзюпери
Севги фасллар алмашинувига бўйсунмай унувчи ва ғунча тугадиган ягона гулдир.
Жуброн Халил Жуброн
Худони англашнинг энг яхши йўли унинг – бандаларини севишдир.
Ван Гог
Йўқлик севгини заифлаштириб, ишонч, садоқат каби ундан-да буюк туйғуларнинг пайдо бўлишига хизмат қилади. Худди қандилни ўчирган шамол гулханни аланга олдиргандек.
Франциз де Ла Рочфоколд
Севиш – бир зумга бўлса-да жаннатий ҳаловатга эришиш демакдир.
Карен Сунде
Ҳақиқий севги беминнат қайғуриш бошланган дақиқадан туғилади.
Антуан де Cент Экзюпери
Чин муҳаббат ғийбатга ўхшайди: у тўғрида ҳамма гапиради, аммо камдан-кам киши унинг гувоҳи бўлган.
Франциз де Ла Рочфоколд
Севги кўп нарсани ваъда қилмаса ҳам, севиб қолган ошиқ кўп нарсага қодир бўлиб қолади.
Франк Тиббетс
Севги ҳеч қачон кексаймайди. Эҳтимол киприк тўкилиб соч оқарар, балки ёноқлардан нур кетиб, ажин тушар, лекин севган юрак ҳеч қачон кишининг қаҳратон совуғини ҳис қилмайди.
Леонардо да Винчи
Муҳаббат йўқ жойда мангу яшагандан кўра, ўлим ҳукмрон ерда яшаб, севишни афзал биламан.
Роберт Инжерсол
Севги ёнимиздаги аёлнинг биз каби яшаётгани ва нафас олаётганини, биз каби ўйлаб, қувонч-дардимизга шерик бўлаётганини ҳис қилишдир.
Баронез Оркзи
Севги ин қурса, ошиққа маҳбубасининг ҳуснбузари ҳам кулгич бўлиб кўринади.
Япон халқ мақоли
Бу дунёда эркак киши эгалик қила оладиган энг қимматли нарса – аёл қалбидир.
Жосиа Ҳолланд
Инглиз тилидан Шуҳрат Сатторов таржимаси
II
Севмоқ — севган кишинг учун курашиш демакдир.
Михаил Прашвин
Бир-бирини севиш учун ўзи билан курашмоқ керак.
Фёдор Достоевский
Чин муҳаббат бошқа инсон тақдирига куйиниш ҳиссини туйган юракдагина туғилади.
В. Сухомлинский
Чин муҳаббатнинг биринчи белгиси йигитда уятчанлик, қизда эса жасоратдир.
Виктор Гюго
Кимнидир севмоқчи бўлсангиз, аввал кечиришни ўрганинг.
Александр Вампилов
Севги билангина уйланиш яхши, чиройли бўлгани учунгина қизга уйланиш бозорда кераксиз нарсани чиройли бўлгани учунгина сотиб олишга ўхшайди.
Антон Чехов
Муҳаббат хаёлнинг ақл устидан ғалабасидир.
Х. Менкен
Муҳаббат бир аёл бошқаларидан фарқ қилади деган хомхаёлдир.
Х. Менкен
Чуқур севиш ўзни унутиш демакдир.
Жан Жак Руссо
Ҳурматда чегара бўлади, муҳаббатда эса — йўқ
Михаил Лермонтов
Муҳаббат ўлим ва ўлим даҳшатидан кучлироқдир. Фақат у, фақат муҳаббат билангина дунё ҳаракатда ва мавжуддир.
Иван Тургенев
Муҳаббат ҳатто ёлғончиларни ҳам алдашга қодир.
Маргарита Навварская
Кўпгина аёллар учун муҳаббат дугонаси билан севги ҳақида фикрлашишдан иборат.
Александр Кумор
Ҳар куни қайта туғилмайдиган севги ҳар куни ўлади.
Жуброн Халил Жуброн
Муҳаббатсиз киши таътилдаги ўликдан ортиқ эмасдир.
Эрих Мария Ремарк
Муҳаббат ўзга учун доимо куйиниб яшащдир.
Марсел Ашар
Муҳаббат ҳақида гапирмаймиз, чунки биз ҳалигича унинг нималигини билмаймиз.
Константин Паустовский
Эркак одатда ҳурмат қилган аёлини севади, аёл одатда севган эркагини ҳурмат қилади. Шунинг учун эркак кўпинча севишга арзимайдиган аёлни севади, аёл эса ҳурматга арзимайдиган эркакни ҳурмат қилади.
Василий Ключовский
Муҳаббатни йўқ қилинг — бизнинг ярмимиз қабристонга айланади.
Роберт Браунинг
Bo‘lmasa ishq,ikki jahon bo‘lmasun,
Ikki jahon demaki,jon bo‘lmasun.
Ishq ul tanki,aning joni yo‘q,
Husnni netsun kishikim,oni yo‘q.
Ulug‘ bobomiz hazrat Alisher Navoiyning ushbu satrlari bu olamning ijodkori,ko‘nglimiz san’atkori bo‘lgan ishq haqidadir. Hazrat ishq bobida yana aytganlarkim:
Oshiq oni bilki,erur dardnok,
Ham tili, ham ko‘ziyu ham ko‘ngli pok.
Kim bu sifat ishqda mag‘lub erur,
Har neki andin kelur,ul xo‘b erur.
MUHABBAT HAQIDA
I
Faqat yurakdagina eng baland samoviy yuksaklikka ko‘tarilish mumkin.
Jaloliddin Rumiy
To‘g‘ri, Sevgi olam gardishini aylantirmaydi. Sevgi shu gardish aylanishiga ma’no bag‘ishlaydi.
Franklin Jones
Sevish doimo qo‘lidan keladigan ayol hech qachon keksaymaydi.
Jin Patsl Richer
Sevgining boshi va intihosi biz o‘ylaganchalik emas. Muhabbat bu – kurash. Muhabbat bu – urush! Sevish bu – ulg‘ayish demakdir.
Jeyms Baldvin
Sevgi – bu bir-biriga tikilish emas, bir-birining ichki dunyosini o‘rganishdir.
Antuan de Cent Ekzyuperi
Sevgi fasllar almashinuviga bo‘ysunmay unuvchi va g‘uncha tugadigan yagona guldir.
Jubron Xalil Jubron
Xudoni anglashning eng yaxshi yo‘li uning – bandalarini sevishdir.
Van Gog
Yo‘qlik sevgini zaiflashtirib, ishonch, sadoqat kabi undan-da buyuk tuyg‘ularning paydo bo‘lishiga xizmat qiladi. Xuddi qandilni o‘chirgan shamol gulxanni alanga oldirgandek.
Fransiz de La Rochfokold
Sevish – bir zumga bo‘lsa-da jannatiy halovatga erishish demakdir.
Karen Sunde
Haqiqiy sevgi beminnat qayg‘urish boshlangan daqiqadan tug‘iladi.
Antuan de Cent Ekzyuperi
Chin muhabbat g‘iybatga o‘xshaydi: u to‘g‘rida hamma gapiradi, ammo kamdan-kam kishi uning guvohi bo‘lgan.
Fransiz de La Rochfokold
Sevgi ko‘p narsani va’da qilmasa ham, sevib qolgan oshiq ko‘p narsaga qodir bo‘lib qoladi.
Frank Tibbets
Sevgi hech qachon keksaymaydi. Ehtimol kiprik to‘kilib soch oqarar, balki yonoqlardan nur ketib, ajin tushar, lekin sevgan yurak hech qachon kishining qahraton sovug‘ini his qilmaydi.
Leonardo da Vinchi
Muhabbat yo‘q joyda mangu yashagandan ko‘ra, o‘lim hukmron yerda yashab, sevishni afzal bilaman.
Robert Injersol
Sevgi yonimizdagi ayolning biz kabi yashayotgani va nafas olayotganini, biz kabi o‘ylab, quvonch-dardimizga sherik bo‘layotganini his qilishdir.
Baronez Orkzi
Sevgi in qursa, oshiqqa mahbubasining husnbuzari ham kulgich bo‘lib ko‘rinadi.
Yapon xalq maqoli
Bu dunyoda erkak kishi egalik qila oladigan eng qimmatli narsa – ayol qalbidir.
Josia Holland
Ingliz tilidan Shuhrat Sattorov tarjimasi
II
Sevmoq — sevgan kishing uchun kurashish demakdir.
Mixail Prashvin
Bir-birini sevish uchun o‘zi bilan kurashmoq kerak.
Fyodor Dostoyevskiy
Chin muhabbat boshqa inson taqdiriga kuyinish hissini tuygan yurakdagina tug‘iladi.
V. Suxomlinskiy
Chin muhabbatning birinchi belgisi yigitda uyatchanlik, qizda esa jasoratdir.
Viktor Gyugo
Kimnidir sevmoqchi bo‘lsangiz, avval kechirishni o‘rganing.
Aleksandr Vampilov
Sevgi bilangina uylanish yaxshi, chiroyli bo‘lgani uchungina qizga uylanish bozorda keraksiz narsani chiroyli bo‘lgani uchungina sotib olishga o‘xshaydi.
Anton Chexov
Muhabbat xayolning aql ustidan g‘alabasidir.
X. Menken
Muhabbat bir ayol boshqalaridan farq qiladi degan xomxayoldir.
X. Menken
Chuqur sevish o‘zni unutish demakdir.
Jan Jak Russo
Hurmatda chegara bo‘ladi, muhabbatda esa — yo‘q
Mixail Lermontov
Muhabbat o‘lim va o‘lim dahshatidan kuchliroqdir. Faqat u, faqat muhabbat bilangina dunyo harakatda va mavjuddir.
Ivan Turgenev
Muhabbat hatto yolg‘onchilarni ham aldashga qodir.
Margarita Navvarskaya
Ko‘pgina ayollar uchun muhabbat dugonasi bilan sevgi haqida fikrlashishdan iborat.
Aleksandr Kumor
Har kuni qayta tug‘ilmaydigan sevgi har kuni o‘ladi.
Jubron Xalil Jubron
Muhabbatsiz kishi ta’tildagi o‘likdan ortiq emasdir.
Erix Mariya Remark
Muhabbat o‘zga uchun doimo kuyinib yashaщdir.
Marsel Ashar
Muhabbat haqida gapirmaymiz, chunki biz haligicha uning nimaligini bilmaymiz.
Konstantin Paustovskiy
Erkak odatda hurmat qilgan ayolini sevadi, ayol odatda sevgan erkagini hurmat qiladi. Shuning uchun erkak ko‘pincha sevishga arzimaydigan ayolni sevadi, ayol esa hurmatga arzimaydigan erkakni hurmat qiladi.
Vasiliy Klyuchovskiy
Muhabbatni yo‘q qiling — bizning yarmimiz qabristonga aylanadi.
Robert Brauning
