«Озодлик» радиосининг «Ўзбек хонандалари Қримдаги «россияпарастлар» тадбирида қатнашади» сарлавҳаси билан эълон қилинган хабарини майда бир ёлғон деб қабул қилиб бўлмаслигининг битта сабаби бор. Бу майда ёлғонга қурилган хабар моҳиятида мени бениҳоя ғазаблантирган ёвуз ғараз сингдирилган.
ЁЛҒОН ЭМАС, ҒАРАЗ
«Озодлик» радиосининг ёлғонларига кўникиб қолганман. Аммо, мазкур радио томонидан тарқатилган бир қарашда арзимас ёлғон туюлган, аммо, билибми, билмайми, ғаразли мазмун сингдирилган хабарни ўқиб, қаттиқ ғазабландим.
Бугун «Озодлик» радиоси «Ўзбек хонандалари Қримдаги «россияпарастлар» тадбирида қатнашади» деган хабар тарқатди. Хабарда ёзилишича, «Ўзбек хонандалари Россия ишғол этган Қрим ярим оролида 3 май куни ўтказиладиган байрам тадбирларида иштирок этишади.
Ўзбекистонда хизмат кўрсатган артист Наталья Нурмуҳамедова ва “Учқудуқ” вокал-чолғу ансамбли Қримнинг россияпараст раҳбарияти тарафидан ўтказилажак қрим татарларининг “Хидирлез” байрам тадбирларида қатнашишларини билдирганлар».
Ёлғон шундаки, мустақилликкача берилган унвонини ҳисобламаганда, бугун Наталья Нурмуҳамедова ва “Учқудуқ” вокал-чолғу ансамблининг Ўзбекистон билан, ўзбек санъати билан боғлаб турадиган бирон бир нарса йўқ. Хонанда ҳам, ансамбль аъзолари ҳам сўнгги 20 йилдан буён Ўзбекистонда яшашмайди, уларнинг айримлари Ўзбекистон Республикаси граждани ҳам эмас. Улар 20 йилдан буён Россияда яшашади, фаолият юритишади ва кўпчилиги Россия Федерациясининг фуқаролари ҳисобланади. Википедия тармоғида ёзилганидек: «Наталья Нурмухамедова c 1994 года живёт и работает в Москве, участвует в концертах, телепередачах. Преподаёт в Государственной академии славянской культуры…» «Учкудук» ансамбли ҳақида эса матбуотда мана бу сўзларни ўқиш мумкин:» Участники группы являются выходцами из Ташкента, и уже на протяжении многих лет работают в сфере российского шоу-бизнеса…»
Хуллас, Наталья Нурмуҳамедова ва “Учқудуқ” вокал-чолғу ансамбли аъзоларини ўзбек санъаткорлари деб хабар тарқатиш ғирт ёлғонни тарқатишдан бошқа нарса эмас.
Нима радио журналистлари бу хабарни тайёрлаётганда Википедияни ўқишмаганми? Гарчи, Википедия ҳеч қачон холис ва ишончли манба сифатида тан олинмаса-да, радио ходимлари бу манбаъдан тез-тез фойдаланиб туришади-ку. Келинг, «Озодлик» ва Википедия билан боғлиқ биргина мисол келтириб ўтай.
Яқинда «Озодлик» Соҳибқирон Амир Темурнинг туғилган куни муносабати билан ўтказган давра суҳбатини эшитдим. Ҳозирча бу суҳбат ҳақида тўлиқ тўхталиб ўтирмай, унда келтирилган биргина гапга муносабат билдирмоқчиман. Суҳбат давомида бошловчи қайси тилдаги Википедияда ўқиганини эслолмай, «Амир Темур Анқара жангида Боязидни енггандан кейин султоннинг хотинларини зўрлагани ҳақида биласизми?» деган гапни яъни бўҳтон гапни бир неча бор такрорлади. Бу ҳақда куни кеча Туркияда нашр этилган «Амир Темур — Султон Боязид» китобининг муаллифи турк олими Таркан Сучикар (Tarkan Suçıkar)га айтиб берганимда, у кескин равишда шундай деди: «Emir Timur böyle şeylere tenezzül etmezdi».
Қолаверса, бу биргина мисол эмас, «Озодлик» бир неча марта мана шундай ўйдирмаларга асосланган фикрларни тарқатганидан хабарим бор. Бу давра суҳбатида ва бошқа хабару лавҳаларда айтилган гаплар хусусида тўлароқ ёзиш режам борлиги учун яна юқоридаги хабар ҳақидаги сўзимни давом этаман.
Ажойиб жаз хонандаси Наталья Нурмуҳамедованинг Қримда ўтказиладиган тадбирда қатнашиш истагига келсак, бир неча ой аввал эълон қилинган суҳбатда у «- Есть ли такое место на земле в котором я хотела бы встретить старость?» — деган саволга шундай жавоб берган эди:
— Есть: это Крым. Я влюбилась в него еще в 77-м, когда впервые туда приехала с Поладом. Позже увлеклась крымско-татарской музыкой; а недавно сделала песню: «Гюзель Крым» («Прекрасный Крым»). И муж у меня теперь — крымский татарин…»
Озодлик» радиосининг «Ўзбек хонандалари Қримдаги «россияпарастлар» тадбирида қатнашади» сарлавҳаси билан эълон қилинган хабарини майда бир ёлғон деб қабул қилиб бўлмаслигининг битта сабаби бор. Бу майда ёлғонга қурилган хабар моҳиятида мени бениҳоя ғазаблантирган ёвуз ғараз сингдирилган. Бу турк наслли икки буюк ва қадрдон халқ, уруш ва сургун йилларида бир майизни қирқ бўлиб еган оға-ини: ўзбеклар билан қрим татарларининг орасига совуқлик, ишончсизлик солиш ғаразидир. Буни эса мутлақ кечириб бўлмайди.
«Озодлик» қандай мақсадда ташкил этилганини ва у кимнинг манфаатларига хизмат қилишини, қилаётганини жуда яхши биламан. Аммо, бу мақсадларни амалга ошириш тузлуқни тупириш, она миллатига, унинг буюк фарзандларига, масалан, Алишер Навоий, Амир Темур каби сиймоларга туҳмат қилиш эвазига бўлмаслиги керак. «Ўзбек хонандалари Қримдаги «россияпарастлар» тадбирида қатнашади» хабари азиз сиймоларга қарата отилган тошлар олдида арзимас гап. Лекин ишни мана шу арзимас ёлғонни очиқлашдан бошладик. Яқин кунларда эса миллатимизга, унинг буюк фарзандларига қилинган туҳматлар ҳақида ҳам ёзамиз. Тузум ёки ҳукумат ҳақида нима айтса, айтаверсин, бу уларнинг пули тўланган «хизмати» доирасига киради. Аммо, миллат шаънига, унинг тарихига, аждодларимизга қаратилган ёлғону бўҳтонларга ҳамиша муносиб жавоб беришимиз керак. Дунё ёлғонга ботиб кетаётган бир пайтда ҳар биримизнинг вазифамиз миллат шаънини, ҳеч бўлмаганда қалбимизни ёлғонлардан асрашдан иборат бўлмоғи керак.
Хуршид Даврон
YOLG’ON EMAS, G’ARAZ
«Ozodlik» radiosining yolg’onlariga ko’nikib qolganman. Ammo, mazkur radio tomonidan tarqatilgan bir qarashda arzimas yolg’on tuyulgan, ammo, bilibmi, bilmaymi, g’arazli mazmun singdirilgan xabarni o’qib, qattiq g’azablandim.
Bugun «Ozodlik» radiosi «O’zbek xonandalari Qrimdagi «rossiyaparastlar» tadbirida qatnashadi» degan xabar tarqatdi. Xabarda yozilishicha, «O’zbek xonandalari Rossiya ishg’ol etgan Qrim yarim orolida 3 may kuni o’tkaziladigan bayram tadbirlarida ishtirok etishadi.
O’zbekistonda хizmat ko’rsatgan artist Natalya Nurmuhamedova va “Uchquduq” vokal-cholg’u ansambli Qrimning rossiyaparast rahbariyati tarafidan o’tkazilajak qrim tatarlarining “Xidirlez” bayram tadbirlarida qatnashishlarini bildirganlar».
Yolg’on shundaki, mustaqillikkacha berilgan unvonini hisoblamaganda, bugun Natalya Nurmuhamedova va “Uchquduq” vokal-cholg’u ansamblining O’zbekiston bilan, o’zbek san’ati bilan bog’lab turadigan biron bir narsa yo’q. Xonanda ham, ansambl` a’zolari ham so’nggi 20 yildan buyon O’zbekistonda yashashmaydi, ularning ayrimlari O’zbekiston Respublikasi grajdani ham emas. Ular 20 yildan buyon Rossiyada yashashadi, faoliyat yuritishadi va ko’pchiligi Rossiya Federatsiyasining fuqarolari hisoblanadi. Vikipediya tarmog’ida yozilganidek:»Natal`ya Nurmuxamedova c 1994 goda jivyot i rabotaet v Moskve, uchastvuet v kontsertax, teleperedachax. Prepodayot v Gosudarstvennoy akademii slavyanskoy kul`turi…» «Uchkuduk» ansambli haqida esa matbuotda mana bu so’zlarni o’qish mumkin:» Uchastniki gruppi yavlyayutsya vixodtsami iz Tashkenta, i uje na protyajenii mnogix let rabotayut v sfere rossiyskogo shou-biznesa…»
Xullas, Natalya Nurmuhamedova va “Uchquduq” vokal-cholg’u ansambli a’zolarini o’zbek san’atkorlari deb xabar tarqatish g’irt yolg’onni tarqatishdan boshqa narsa emas.
Nima radio jurnalistlari bu xabarni tayyorlayotganda Vikipediyani o’qishmaganmi? Garchi, Vikipediya hech qachon xolis va ishonchli manba sifatida tan olinmasa-da, radio xodimlari bu manba’dan tez-tez foydalanib turishadi. «Ozodlik» va Vikipediya bilan bog’liq birgina misol keltirib o’taman.
Yaqinda «Ozodlik» Sohibqiron Amir Temurning tug’ilgan kuni munosabati bilan o’tkazgan davra suhbatini eshitdim. Hozircha bu suhbat haqida to’liq to’xtalib o’tirmay, unda keltirilgan birgina gapga munosabat bildirmoqchiman. Suhbat davomida boshlovchi qaysi tildagi Vikipediyada o’qiganini eslolmay, «Amir Temur Anqara jangida Boyazidni yenggandan keyin sultonning xotinlarini zo’rlagani haqida bilasizmi?» degan gapni ya’ni bo’hton gapni bir necha bor takrorladi. Bu haqda kuni kecha Turkiyada nashr etilgan «Amir Temur — Sulton Boyazid» kitobining muallifi bo’lmish turk olimi Tarkan Suсрikarga aytib berganimda, u keskin ravishda shunday dedi: «Emir Timur boyle seylere tenezzul etmezdi».
Qolaversa, bu birgina misol emas, «Ozodlik» bir necha marta mana shunday o’ydirmalarga asoslangan fikrlarni tarqatganidan xabarim bor. Bu davra suhbatida va boshqa xabaru lavhalarda aytilgan gaplar xususida to’laroq yozish rejam borligi uchun yana yuqoridagi xabar haqidagi so’zimni davom etaman.
Ajoyib jaz xonandasi Natalya Nurmuhamedovaning Qrimda o’tkaziladigan tadbirda qatnashish istagiga kelsak, bir necha oy avval e’lon qilingan suhbatda u «- Есть ли такое место на земле в котором я хотела бы встретить старость?» — degan savolga shunday javob bergan edi:
— Есть: это Крым. Я влюбилась в него еще в 77-м, когда впервые туда приехала с Поладом. Позже увлеклась крымско-татарской музыкой; а недавно сделала песню: «Гюзель Крым» («Прекрасный Крым»). И муж у меня теперь — крымский татарин…»
Ozodlik» radiosining «O’zbek xonandalari Qrimdagi «rossiyaparastlar» tadbirida qatnashadi» sarlavhasi bilan e’lon qilingan xabarini mayda bir yolg’on deb qabul qilib bo’lmasligining bitta sababi bor. Bu mayda yolg’onga qurilgan xabar mohiyatida meni benihoya g’azablantirgan yovuz g’araz singdirilgan. Bu turk naslli ikki buyuk va qadrdon xalq, urush va surgun yillarida bir mayizni qirq bo’lib yegan og’a-ini: o’zbeklar bilan qrim tatarlarining orasiga sovuqlik, ishonchsizlik solish g’arazidir. Buni esa mutlaq kechirib bo’lmaydi.
«Ozodlik» qanday maqsadda tashkil etilganini va u kimning manfaatlariga xizmat qilishini, qilayotganini juda yaxshi bilaman. Ammo, bu maqsadlarni amalga oshirish tuzluqni tupirish, ona millatiga, uning buyuk farzandlariga, masalan, Alisher Navoiy, Amir Temur kabi siymolarga tuhmat qilish evaziga bo’lmasligi kerak.»O’zbek xonandalari Qrimdagi «rossiyaparastlar» tadbirida qatnashadi» xabari aziz siymolarga qarata otilgan toshlar oldida arzimas gap. Lekin ishni mana shu arzimas yolg’onni ochiqlashdan boshladik. Yaqin kunlarda esa millatimizga, uning buyuk farzandlariga qilingan tuhmatlar haqida ham yozamiz. Tuzum yoki hukumat haqida nima aytsa, aytaversin, bu ularning puli to’langan «xizmati» doirasiga kiradi. Ammo, millat sha’niga, uning tarixiga, ajdodlarimizga qaratilgan yolg’onu bo’htonlarga hamisha munosib javob berishimiz kerak. Dunyo yolg’onga botib ketayotgan bir paytda har birimizning vazifamiz millat sha’nini, hech bo’lmaganda qalbimizni yolg’onlardan asrashdan iborat bo’lmog’i kerak.
Xurshid Davron
Ассалому алайкум қадрли Хуршид ака!
Сизнинг сермазмун суҳбатингиздан биринчи марта 1982 йилда Журфакда 2-курсда ўқиб юрган кезларимиз ётоқхонада ўтказган ижодий учрашувингизда баҳраманд бўлиб, бир олам таассурот олгандик. Ўша таассурот кўлами бугун яна ҳам кенгайиб бораётганидан мамнунмиз. Сайтингизда ёритилаётган кўп ибратли, бугунги талабаларимиз учун ижодий маҳорат мактаби бўладиган материаллардан сайтимизда фойдаланаётганимиз учун Сизга миннатдорчилик изҳор этамиз. Айниқса, мана шу мақолангиз «Ахборот-психологик хавфсизлик» дарсимиз учун тайёр амалий машғулот сабоқлари бўлибди. Сиздан шундай мазмундаги ибратли мақолалар кутиб қоламиз.
Самимий ҳурмат билан Тўлқин Эшбек.
Ҳурматли устоз Хуршид Даврон мақола учун миллатнинг қалби тирик фарзандлари номидан самимий миннатдорчилигимни билдираман. Яратган умрингизни зиёда қилсин. Шундай ғаразли ахборотларни таркатаётганлар билсинларки, ўз она миллатига лой чаплаш — онани ҳақоратлашдай оғир гуноҳдир.
Ismim Sotqinboy bo’lsamyam, bunaqalardan ona millatini masxara qiladiganlardan nafratlanaman
Millatim qirg’iz,ammo Amir Temur va Alisher Navoiyni ma’naviy ajdodlarim deb bilaman. Bunday fasoddan rosa g’azablandim.
Yaqinda odnaklassniki.ru saytidan bir do’stim yordamida o’zim uchun profil ochtirdim. Qarasam yomon emas ancha muncha ijodkor do’stlar orttirdim. Maqsadim yozganlarimni do’stlarim bilan o’rtoqlashsam, ularning she’rlariga ham baho bersam degandim. Ammo noxosdan bir guruhga ko’zim tushdi. Bu «Ozodlik» radiosining guruhi edi. Unda mana shunga o’xshagan bir yolg’on xabarni o’qib qoldim. Muhokamalarini o’qib ko’rib xo’rligim keldi. G’azablandim. Bir vatandosh akamiz Rossiadan moshina olib kelolmayotgani uchun arz qilgan. Axir shaxsiy manfaati uchun shu qadar tuban ketadimi? Unga tushuntirsam meni haqorat qilayapti. Emishki men hukumat qulog’i emishman. Yo’q aka adashasiz men bir oddiy dehqon o’g’liman, Xudoga shukur hayotimizdan nolimaymiz, tinchligimiz sharofati bilan oliy o’quv yurtida o’qiyapman menga yana nima kerak bundan ortiq desam «tinchligingga falonim» deb oriyatimga tegayapti. Yana bir chalamullo din haqida to’lib toshib gapiradiyu ammo og’zidan bodi kirib shodi chiqayapti. Ha, mayli. Bunaqa manqurtlar bilan gap talashishning o’zi gunoh. Ammo o’sha «Ozodlik» radiosi va uning ortida turgan tuhmatbozlar shuni unutishmasin: O’zbekiston bizning onamiz. Biz Onamizni hech kimga hech qachon haqorat qildirib qo’ymaymiz! Hali bu Vatanda or talashadigan, yurt nomusini kerak bo’lsa o’z jonini tikib bo’lsa ham himoya qiladigan yigitlari o’lgani yo’q!!!
Хуршид ака, ассалому алайкум! Сиззи жудаям яхши кўришини қандай изҳор қилишини билмай қолади одам…Улашаётган маърифатингиз учун, ҳамма-ҳаммаси учун рахмат Сизга!
Озодлик деган шундай гўзал сўз ортида шунча тубанлик, шунча ёлғон,ғараз…Билмадим нега, лекин шу буҳтон тарқатаётганларни беихтиёр қарғайман мен…
Улар билиб қўйишсин, буюк шоир Рауф Парфи айтганларидек:
“Ўзбек миллати — жаҳон цивилизациясини бир поғона баланд кўтарган буюк миллатдир. Ўзбек бўлиб туғилган, ўзбек деган номни муқаддас билиб тану руҳида асраган инсон нақадар бахтли инсондир.”