12 сентябрь — жасоратли шоир Шавкат Раҳмон таваллудининг 65 йиллиги
Мазкур ҳужжатли фильм ўзбекнинг улуғ шоири Шавкат Раҳмон (1950-1996) ҳаёти ва фаолиятига бағишланган. Фильм шоирнинг оғир хасталикка учраган сўнгги кунлари ҳақида ҳикоя қилади ва шоирнинг оила аъзолари, ижодкор дўстлари хотиралари асосида тайёрланган.
Шавкат Раҳмон — Ҳужжатли филм
Сценарий муаллифи: Усмон Азим
Режиссор: Н. Қосимов
Ўзбекистон илмий-оммабоп ва ҳужжатли филмлар студияси
Ўзбекнинг улуғ шоири Шавкат Раҳмон (1950-1996) ҳаёти ва фаолиятига бағишланган ҳужжатли филм Хуршид Даврон бадиий раҳбарлигида «Ёшлар» телеканали ижодкорлари томонидан тасвирга олинган материаллардан фойдаланиб тайёрланган.
Шавкат Раҳмон 1950 йил 12 сентябрда Ўш вилоятининг Қорасув туманига қарашли Помир маҳалласида туғилган. Ўзбекистонда хизмат кўрсатган маданият ходими (1996). Москвадаги Адабиёт институтини тугатган (1975). Дастлабки шеърий тўплами — «Рангин лаҳзалар» (1977). «Юрак қирралари» (1981), «Очиқ кунлар» (1984), «Гуллаётган тош» (1985), «Уйғоқ тоғлар» (1986), «Ҳулво» (1988), «Сайланма» (1997) сингари шеърий китоблари эълон қилинган. Ф. Г. Лорка («Сайланма», 1979), X. Р. Хименас, А. Альберти шеърларини ўзбек тилига таржима қилган. 1996 йил 2 октябрда Тошкент шаҳрида вафот этган.
Shavkat Rahmon 1950 yil 12 sentyabrda O’sh viloyatining Qorasuv tumaniga qarashli Pomir mahallasida tug’ilgan. O’zbekistonda xizmat ko’rsatgan madaniyat xodimi (1996). Moskvadagi Adabiyot institutini tugatgan (1975). Dastlabki she’riy to’plami — «Rangin lahzalar» (1977). «Yurak qirralari» (1981), «Ochiq kunlar» (1984), «Gullayotgan tosh» (1985), «Uyg’oq tog’lar» (1986), «Hulvo» (1988), «Saylanma» (1997) singari she’riy kitoblari e’lon qilingan. F. G. Lorka («Saylanma», 1979), X. R. Ximenas, A. Al`berti she’rlarini o’zbek tiliga tarjima qilgan. 1996 yil 2 oktyabrda Toshkent shahrida vafot etgan.
Jonkuyarliklar uchun rahmat. Ishlaringizga rivoj bersin.
XX-asr o’zbek she’riyatining o’ziga xos vakili — millatparvar shoir Shavkat Rahmon 1950 yilning 12 sentyabrida o’sh shahrida tug’ilgan. Shoirning otasi Rahmonberdi asli Shahrixon tumanidagi Saroy qishlog’idan bo’lib, taqdirning taqozosi bilan O’sh shahriga kelib muqim turib qolgan.Onasi Oftobxon ham shaxrixonlik edi. Shavkat Rahmonning otasi ham,onasi ham savdo ishlari bilan shug’ullanishardi.Ular erta ko’klamdan to kech kuzga qadar Pomir tog’i etaklaridagi Sarmo’g’ul yaylovlarida mol,qo’y boqadigan chorvadorlarni kerakli tovarlar bilan ta’minlaganlar.
Шундай пайтда хамма нафси семиз, худбин одамларни ёмон куриб кетасан! Бошини узиб ташлагинг келади, аммо шуни хам хайф биласан. Аллох рахмат этсин Шавкат Рахмонни!