Alvido, Bahodir aka!

07 Алвидо,Баҳодир ака!.. Сиз менинг бу дунёда чинакам йўлдошим бўлган энг азиз (саноқли) инсонлардан бири эдингиз…

   ХХ-XXI аср ўзбек санъатининг буюк сиймоларидан бири, Ўзбекистон халқ артисти, Ўзбекистон Республикаси санъат арбоби, беназир режиссёр Баҳодир Йўлдошев 76 ёшида оламдан ўтди.. Инна лиллаҳи ва инна илайҳи рожиун..

Марҳумни сўнгги йўлга кузатиш маросими унинг туғилган қишлоғида, Самарқанд вилоятининг Каттақўрғон туманидаги ота уйида ўтказилади.

Баҳодир Йўлдошев 1945 йилда Самарқанд вилоятининг Каттақўрғон шаҳрида санъаткорлар оиласида туғилган. 1970 йилда Тошкент театр ва рассомлик институтини тугатган. 1971–1974 йилларда Ҳамза номидаги Ўзбек академик драма театрида режиссёр, 1974–1984 йилларда бош режиссёр бўлиб ишлаган.

Кўплаб спектаклларга режиссёрлик қилган Баҳодир Йўлдошев актёр сифатида Олчинбек («Оловли йўллар»), Мухторов («Тоғдаги учрашув»), Шерзод («Олмос камар»), Собиров («Ошпаз») каби образларни яратган.

Баҳодир Йўлдошев Ўзбекистонда хизмат кўрсатган санъат арбоби (1979), Ўзбекистон халқ артисти (1995) унвонлари билан тақдирланган.

Устоз санъаткорнинг вафоти муносабати билан унинг оила аъзолари ва яқинларига чуқур таъзия изҳор этамиз.

Alvido,Bahodir aka!. Siz mening bu dunyoda chinakam yo’ldoshim bo’lgan eng aziz (sanoqli) insonlardan biri edingiz..

XX-XXI  asr o’zbek san’atining  buyuk siymolaridan  biri,  O’zbekiston xalq artisti, O’zbekiston Respublikasi san’at arbobi, benazir  rejissyor  Bahodir Yo’ldoshev 76 yoshida olamdan o’tdi. Inna lillahi va inna ilayhi rojiun..

Marhumni so’nggi yo’lga kuzatish marosimi uning tug’ilgan qishlog’ida, Samarqand viloyatining Kattaqo’rg’on tumanidagi ota uyida o’tkaziladi.

Bahodir Yo’ldoshev 1945 yilda Samarqand viloyatining Kattaqo’rg’on shahrida san’atkorlar oilasida tug’ilgan. 1970 yilda Toshkent teatr va rassomlik institutini tugatgan. 1971–1974 yillarda Hamza nomidagi O’zbek akademik drama teatrida rejissyor, 1974–1984 yillarda bosh rejissyor bo’lib ishlagan.

Ko’plab spektakllarga rejissyorlik qilgan Bahodir Yo’ldoshev aktyor sifatida Olchinbek («Olovli yo’llar»), Muxtorov («Tog’dagi uchrashuv»), Sherzod («Olmos kamar»), Sobirov («Oshpaz») kabi obrazlarni yaratgan.

Bahodir Yo’ldoshev O’zbekistonda xizmat ko’rsatgan san’at arbobi (1979), O’zbekiston xalq artisti (1995) unvonlari bilan taqdirlangan.

Ustoz san’atkorning vafoti munosabati bilan uning oila a’zolari va yaqinlariga chuqur ta’ziya izhor etamiz.

00

(Tashriflar: umumiy 238, bugungi 1)

Izoh qoldiring