Yorqin shoir Abduvali Qutbiddin vafot etdi

0122Бугун — 8 декабрь куни Ўзбекистонда хизмат кўрсатган журналист, таниқли шоир Абдували Қутбиддин 59 ёшида Тошкент шаҳрида вафот этди. Инна лиллаҳи ва инна илайҳи рожиъун. Қадрдон укам, Аллоҳ яхши амалларингизни ўзингизга ҳамроҳ айласин.

Маълумотларга кўра, Абдували Қутбиддин бетоблиги сабаб, икки ҳафтадан ортиқ вақт давомида шифохонада бўлган.Жаноза бугун, 8 декабрь куни марҳумнинг ота юрти Самарқанд вилоятининг Ургут тумани, Мерганча маҳалласида соат 14:00да ўқилди ва Ургутнинг Сўфиён маҳалласидаги Чор чинор зиёратгоҳи қабристонида, бобоси, таниқли олим шайх Қутбиддин Муҳиддинов ёнида дафн этилди.

Абдували Қутбиддинов 1983 йил Тошкент давлат университетининг (ҳозирги Ўзбекистон Миллий университети) журналистика факультетини тамомлаган.Меҳнат фаолиятини Самарқанд вилоятининг «Зарафшон» газетасида бошлаб, кейинчалик Ғафур Ғулом номидаги Адабиёт ва санъат нашриётида, «Ёзувчи» нашриётида, Ўзбекистон Миллий телерадиокомпаниясида, «Халқ сўзи» газетасида турли лавозимларда хизмат қилган.Шоирнинг «Найсон», «Ҳумо», «Бахтли йўл», «Бор» (сайланма, 2011) каби шеърий тўпламлари, «Озодлик» номли достони чоп этилган.Абдували Қутбиддин «Дўстлик» ордени билан мукофотланган.Сайт таҳририяти марҳумнинг яқинларига таъзия изҳор этади.

Bugun — 8 dekabrь kuni O’zbekistonda xizmat ko’rsatgan jurnalist, taniqli shoir Abduvali Qutbiddin 59 yoshida Toshkent shahrida vafot etdi. Inna lillahi va inna ilayhi roji’un. Qadrdon ukam, Alloh yaxshi amallaringizni o’zingizga hamroh aylasin.

Janoza 8-dekabr kuni marhumning ota yurti — Samarqand viloyatining Urgut tumani “Mergancha” mahallasida soat 14:00 da o‘qildi va Urgutning “So‘fiyon” mahallasidagi Chor chinor ziyoratgohi qabristonida, bobosi, taniqli olim shayx Qutbiddin Muhiddinov yonida dafn etildi.

Abduvali Qutbiddinov 1983-yil Toshkent davlat universiteti (hozirgi O‘zMU)ning jurnalistika fakultetini tamomlagan. Mehnat faoliyatini Samarqandning “Zarafshon” gazetasida boshlagan.

Keyinchalik G‘afur G‘ulom nomidagi Adabiyot va san’at nashriyotida, “Yozuvchi” nashriyotida, O‘zbekiston Milliy teleradiokompaniyasida, “Xalq so‘zi” gazetasida turli lavozimlarda xizmat qilgan.

Shoirning “Nayson”, “Humo”, “Baxtli yo‘l”, “Bor” (saylanma, 2011) kabi she’riy to‘plamlari, “Ozodlik” nomli dostoni chop etilgan. “Do‘stlik” ordeni bilan mukofotlangan.

045

(Tashriflar: umumiy 376, bugungi 1)

Izoh qoldiring