Бугун атоқли озарбайжон шоири Воқиф Самадўғли дафн этилиши маросимида кўпчиликни ҳаяжонга солган бир воқеа юз берди. Шоир кўмилган қабр олдига унинг мухлиси бўлмиш ёш талаба қиз томонидан бир жуфт оёқ кийими қўйилди. Пойабзал ёнида бир варақ оқ қоғозга қўл билан Воқиф Самадўғлининг машҳур шеъри ёзилган эди:
Мозоримга
на қабртоши қўйинг.
на ҳайкал.
Бир жуфт пойабзал қўйинг,
оёқяланг
кийиб кетсин…
«Məzarıma
nə başdaşı qoyun,
nə heykəl.
Bir cüt ayaqqabı qoyun,
ayağıyalın
geyib getsin…».
Мухлисанинг буюк шоирга бўлган муҳаббатини бу тарзда намоён этгани маросим иштирокчиларини қаттиқ ҳаяжонга солди. Воқиф Самадўғлининг умр йўлдоши Нушаба хоним бу ҳолатни шоирга бўлган халқ муҳаббатининг ифодаси деб айтди.
Хуршид Даврон
ВОҚИФ САМАДЎҒЛИ ХОТИРАСИГА
Аллоҳим
Гуноҳим кўпми озми
Сен биласан
Гуноҳимдан ўт демайман
Қўрққаним дўзахдаги ўт демайман
Аллоҳим
Неки қилдим
Севиб қилдим
Ҳаётимни фақат ишққа
Сарф айладим
Аллоҳим
Гар кимлардир ёмон кўриб
Менга тошлар отган бўлса
Мендан олдин
Сен уларни авф айлагин
29.01.2015
Bugun atoqli ozarbayjon shoiri Voqif Samado’g’li dafn etilishi marosimida ko’pchilikni hayajonga solgan bir voqea yuz berdi. Shoir ko’milgan qabr oldiga uning muxlisi bo’lmish yosh talaba qiz tomonidan bir juft oyoq kiyimi qo’yildi. Poyafzal yonida bir varaq oq qog’ozga qo’l bilan Voqif Samado’g’lining mashhur she’ri yozilgan edi:
«Məzarıma
nə başdaşı qoyun,
nə heykəl.
Bir cüt ayaqqabı qoyun,
ayağıyalın
geyib getsin…».
Mozorimga
na qabrtoshi qo’ying.
na haykal.
Bir juft poyabzal qo’ying,
oyoqyalang
kiyib ketsin…
Muxlisaning buyuk shoirga bo’lgan muhabbatini bu tarzda namoyon etgani marosim ishtirokchilarini qattiq hayajonga soldi. Voqif Samado’g’lining umr yo’ldoshi Nushaba xonim bu holatni shoirga bo’lgan xalq muhabbatining ifodasi deb aytdi.
Xurshid Davron
VOQIF SAMADO’G’LI XOTIRASIGA
Allohim
Gunohim ko’pmi ozmi
Sen bilasan
Gunohimdan o’t demayman
Qo’rqqanim do’zaxdagi o’t demayman
Allohim
Neki qildim
Sevib qildim
Hayotimni faqat ishqqa
Sarf ayladim
Allohim
Gar kimlardir yomon ko’rib
Menga toshlar otgan bo’lsa
Mendan oldin
Sen ularni avf aylagin
29.01.2015
