Турк дунёсининг таниқли намояндаси, улуғ озарбайжон шоири ва адиби Воқиф Самадўғли бугун вафот этди. Аллоҳ раҳматига олсин.

У дунёдан ҳам қатъиян қўрқмайман. Билмайман у ерда неча тил бор,орадаги масофа қанча, кўриниши қандай, муҳаббат борми?.. Ҳар ҳолда муҳаббат бўлса, ёмон бўлмасди. Аммо, бир илтимос борки, мен ўлгандан эллик йил ўтиб Нушоба ёнимга борса, унга яна қайтадан ошиқ бўлсам ва “мен сени севаман” деб айтсам. Яна нима дейин? Ўлим ҳақдир. Бахтимга, мотам маросимлари ҳозир анча арзонлашган. Дунёни тарк этсам, ҳаммангизни бир бошдан жанозамга келишингизга даъват этаман, ташрифингиз бош устига (gözüm üstə yeriniz var).
Эй Аллоҳ, бирдан бир орзум бор: ўлганимдан кейин бирон киши ёдига тушсам, йиғламаса-да, кўзлари ёшлансин…

Воқиф Самадўғли (Vaqif Səmədoğlu) 1939 йилнинг 5-июнида Боку шаҳрида туғилган.Озарбайжон шеъриятиниг устунларидан бири бўлмиш Самад Вурғуннинг ўғли. Воқиф Самадўғли Булбул номидаги мусиқа мактабини, Узейир Ҳожибеков номидаги Озарбайжон давлат консерваториясида таҳсил олган.»Ҳумой» мукофотининг соҳиби. 20 дан ортиқ фильм сенарийлари муаллифи.
Воқиф Самадўғлининг шеърлари туркий халқлар адабиёти хазинасидан муносиб ўрин эгаллаган.

ВОҚИФ САМАДЎҒЛИ «ХУРШИД ДАВРОН КУТУБХОНАСИ» САҲИФАЛАРИДА

ВОҚИФ САМАДЎҒЛИ
БИЛАСИЗМИ, АЙТАДИГАН ҚАНЧА СЎЗИМ БОР?

Ўлим яқинми ёки узоқми, мен билмайман, ўлим қайноқми ёки совуқми, буниям билмайман. Фақат бир нарсани аниқ биламанки, мен ўлсам, Нушаба ёлғиз қолади.

Ўлимдан қатъиян қўрқмайман, ишонинг, самимий айтяпман. Билмаган нарсамдан нега қўрқишим керак? Олдимга қутурган ит келса қўрқаман, чунки биламанки, у қутурган. Олдимга оч паланг (йўлбарс) келса, қочаман. Аммо ўлимдан қўрқмайман. Ахир, уни билмасам, сиймоси қандайдир, кўрмаган бўлсам…

Унутма

Унутма,
бу кеча кириб келса юм кўзларингни,
кўрпа билан бошингни ёпсанг,
зил қоронғига ботасан
ва ўша пайт
бир оний зулматда ёдлагин мени.
Ўша пайт зулматда кўражаксан
озгина бўлса-да
кўзларимдан ёруғ тушар устингга

Давомини ўқинг

ВОҚИФ САМАД ЎҒЛИ
ШЕЪРЛАР

* * *

Мозоримга
қўйманг қабртоши
ва ё ҳайкал.
Бир жуфт ковуш қўйинг,
кийиб кетсин
бир оёқяланг…

Давомини ўқинг

ВОҚИФ САМАД ЎҒЛИ
ШЕЪРЛАР

* * *

Мен ўлган кун
Бир шамол эсажак
Кўчаларда
Ва ҳилпирар
Ипда осилиб қуриган
бир сариқ чечакли гўдак кўйлаги,
Мотам байроғидек ҳилпирар
Гўдак кўйлаги
мен ўлган кун.

Давомини ўқинг

Turk dunyosining taniqli namoyandasi, ulug’ ozarbayjon shoiri va adibi Voqif Samado’g’li bugun vafot
etdi. Alloh rahmatiga olsin.

U dunyodan ham qat’iyan qo’rqmayman. Bilmayman u yerda necha til bor,oradagi masofa qancha,
ko’rinishi qanday, muhabbat bormi?.. Har holda muhabbat bo’lsa, yomon bo’lmasdi. Ammo, bir iltimos borki, men o’lgandan ellik yil o’tib Nushoba yonimga borsa, unga yana qaytadan oshiq bo’lsam va “men seni sevaman” deb aytsam. Yana nima deyin? O’lim haqdir. Baxtimga, motam marosimlari hozir ancha arzonlashgan. Dunyoni tark etsam, hammangizni bir boshdan janozamga kelishingizga da’vat etaman, tashrifingiz bosh ustiga (gözüm üstə yeriniz var)..
Ey Alloh, birdan bir orzum bor: o’lganimdan keyin biron kishi yodiga tushsam, yig’lamasa-da, ko’zlari yoshlansin…

Voqif Samado’g’li (Vaqif S?m?doglu) 1939 yilning 5-iyunida Boku shahrida tug’ilgan.Ozarbayjon she’riyatinig ustunlaridan biri bo’lmish Samad Vurg’unning o’g’li. Voqif Samado’g’li Bulbul nomidagi musiqa maktabini, Uzeyir Hojibekov nomidagi Ozarbayjon davlat konservatoriyasida tahsil olgan.»Humoy» mukofotining sohibi. 20 dan ortiq fil`m senariylari muallifi.
Voqif Samado’g’lining she’rlari turkiy xalqlar adabiyoti xazinasidan munosib o’rin egallagan.

VOQIF SAMADO’G’LI «XURSHID DAVRON KUTUBXONASI» SAHIFALARIDA

VOQIF SAMADO’G’LI
BILASIZMI, AYTADIGAN QANCHA SO’ZIM BOR?

O’lim yaqinmi yoki uzoqmi, men bilmayman, o’lim qaynoqmi yoki sovuqmi, buniyam bilmayman. Faqat bir narsani aniq bilamanki, men o’lsam, Nushaba yolg’iz qoladi.

O’limdan qat’iyan qo’rqmayman, ishoning, samimiy aytyapman. Bilmagan narsamdan nega qo’rqishim kerak? Oldimga quturgan it kelsa qo’rqaman, chunki bilamanki, u quturgan. Oldimga och palang (yo’lbars) kelsa, qochaman. Ammo o’limdan qo’rqmayman. Axir, uni bilmasam, siymosi qandaydir, ko’rmagan bo’lsam…

Unutma

Unutma,
bu kecha kirib kelsa yum ko’zlaringni,
ko’rpa bilan boshingni yopsang,
zil qorong’iga botasan
va o’sha payt
bir oniy zulmatda yodlagin meni.
O’sha payt zulmatda ko’rajaksan
ozgina bo’lsa-da
ko’zlarimdan yorug’ tushar ustingga

Davomini o’qing

VOQIF SAMAD O’G’LI
SHE’RLAR

* * *

Mozorimga
qo’ymang qabrtoshi
va yo haykal.
Bir juft kovush qo’ying,
kiyib ketsin
bir oyoqyalang…

Davomini o’qing

VOQIF SAMAD O’G’LI
SHE’RLAR

* * *

Men o’lgan kun
Bir shamol esajak
Ko’chalarda
Va hilpirar
Ipda osilib qurigan
bir sariq chechakli go’dak ko’ylagi,
Motam bayrog’idek hilpirar
Go’dak ko’ylagi
men o’lgan kun.

Davomini o’qing